Маҷмааи фарҳангию таърихии «Қалъаи Хуҷанд» бахшида ба 5500-солагии Саразми бостонӣ ашёи таърихӣ харид намуд
ДУШАНБЕ, 20.01.2020 /АМИТ «Ховар»/. Бахшида ба 5500-солагии Саразми бостонӣ Муассисаи давлатии «Маҷмааи фарҳангию таърихии «Қалъаи Хуҷанд» барои ғанӣ гардонидани фонди осорхона ду ёдгории таърихӣ-лаълии мисӣ ва тӯмор (бозубанд) харидорӣ намуд.
Дар ин бора ба хабарнигори АМИТ «Ховар» аз маркази матбуоти Вазорати фарҳанги Ҷумҳурии Тоҷикистон хабар доданд.
Бино ба иттилои манбаъ, осорхонаи мазкур ин ёдгориҳои таърихиро дар рӯзҳои аввали сол харидорӣ намудааст.
Лаълии мисӣ байзашакл буда, маркази он бо нақшҳои зооморфӣ оро дода шудааст. Дар дохили он 8 адад ҳайвони дарранда тасвир ёфтаанд. Дар гирди лаълӣ нақшаҳои хати рост, даврача, ислимӣ, дандона ва нуқта акс ёфтаанд. Лаби лаълӣ аз қисми марказаш каме баландтар сохта шуда, ду паҳлӯи он даста дорад.
Ҳамчунин кормандони осорхона тӯмор (бозубанд)-еро харидорӣ намуданд, ки он аз маводи нуқра ба шакли найча сохта шуда, аз ду тараф сӯрохӣ ва ду сарпӯши қуббамонанд дорад.
Сохти ин бозёфтҳои таърихӣ тахминан ба нимаи дуюми асри ХIХ ва ибтидои асри ХХ мансубият дорад.
Аз ин лиҳоз моро зарур аст, ки ёдгориҳои таърихии худро ҳифз намуда, ба онҳо ҳамчун ҷузъи таркибии сарнавишти миллати куҳанбунёдамон муносибат намоем.
Муассисаи давлатии маҷмааи фарҳангию таърихии «Қалъаи Хуҷанд» фаъолияти худро ба ҳамин мақсад равона намуда, барои ғанӣ гардонидани фонди осорхона дар оянда низ ҷамъоварӣ ва хариди ашёи таърихиро ба роҳ мемонад.
Таҳти унвони «Меандешам пас ҳастам» намоиши осори Рассоми халқии Тоҷикистон Сӯҳроб Қурбонов оғоз гардид
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
