Наҷотдиҳандагони Кумитаи ҳолатҳои фавқулода ва мудофиаи гражданӣ 3 танро аз зери тарма берун оварда, зиёда аз 100 нафарро ба ҷойҳои бехатар интиқол доданд
ДУШАНБЕ, 03.01.2020 /АМИТ «Ховар»/. Тавре қаблан хабар дода будем, аз сабаби боришоти зиёд дар минтақаҳои кӯҳии Тоҷикистон ҳанӯз ҳам хатари тарма ва сангфароӣ боқӣ монда, дар роҳҳои мошингарди Душанбе-Айнӣ то ба ҳол вазъият хавфнок аст. Он ҷо шабонарӯзи гузашта аз километри 55-ум то 74-уми роҳи мошингарди Душанбе-Айнӣ якчанд ҳолати тармафароӣ ба қайд гирифта шуд. Дар ин бора аз Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон иттилоъ доданд.
Барои тоза намудани роҳҳо аз ҷониби хадамоти роҳҳои Вазорати нақлиёт, Вазорати корҳои дохилӣ ва ҳамчунин ширкати роҳдории «Innovative Road Solutions» ҳашт адад техника ҷудо карда шуда, барои бартараф сохтани оқибати офатҳои табиӣ корҳо идома ёфта истодаанд. Ситодҳо оид ба бартараф намудани ҳолатҳои фавқулода шабонарӯзӣ кор мекунанд.
«2 январ дар натиҷаи фаромадани тарма дар километрҳои 62 то 74-и роҳи мошингарди Душанбе-Айнӣ ба наҷотбахшони Кумитаи мазкур дар якҷоягӣ бо кормандони ширкати «Innovative Road Solutions» муяссар гардид, ки зимни корҳои наҷотдиҳӣ 3 корманди ширкати IRS-ро аз зери барф берун бароранд, ки ҳолати онҳо айни замон муътадил аст», — хабар доданд аз муассисаи наҷотдиҳӣ.
Наҷотдиҳандагони Кумитаи ҳолатҳои фавқулода ва кормандони хадамоти роҳдории Ширкати «Innovative Road Solutions» зиёда аз 100 ронанда ва мусофирро, ки байни тармаҳо дармонда буданд, ба ҷойи бехатар интиқол доданд. Онҳо аз ҷониби хадамоти нигоҳдории роҳи IRS, ки дар километри 72-юми роҳи нақлиётии Душанбе –Айнӣ ҷойгир аст, бо ғизо ва манзили муваққатӣ таъмин гардиданд.
Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бори дигар аз аҳолӣ хоҳиш менамояд, ки аз сафару саёҳат ба минтақаҳои хавфнок худдорӣ намуда, ҳушёру эҳтиёткор бошанд. Зеро хатари фаромадани тарма ҳанӯз мавҷуд аст.
Дар Душанбе ҷаласаи Комиссияи даъвати ҷумҳуриявӣ баргузор шуд
Котиби Шурои амнияти Ҷумҳурии Тоҷикистон бо Директори Кумитаи иҷроияи Сохтори минтақавии зиддитеррористии СҲШ мулоқот намуд
«БЕҲТАРИН РАСМИ МОДАР ВА ДУХТАР БО ЛИБОСИ МИЛЛӢ». Таҳти ин унвон озмун баргузор мегардад
Сарфармондеҳи Олии Қувваҳои Мусаллаҳ: «Артиши миллии Тоҷикистон ба яке аз рукнҳои муҳимми давлатдории навини тоҷикон мубаддал гардидааст»
ИМРӮЗ — РӮЗИ ТАЪСИСИ ҚУВВАҲОИ МУСАЛЛАҲИ ТОҶИКИСТОН. Давлат бо Артиши миллӣ муқтадиру пойдор мемонад
СИПАҲСОЛОРИИ ПЕШВОИ МИЛЛАТ. Артиши миллӣ — артиши дар ибтидо пароканда ва номукаммале, ки имрӯз ба қувваи бузург ва ифтихори тоҷикон табдил ёфтааст
ҶОННИСОР, ШАБЗИНДАДОР ВА БОИСИ ИФТИХОР! Имрӯз Артиши миллии Ҷумҳурии Тоҷикистон сипари боэътимоди давлат ва миллат аст
ЗАНОНИ НИЗОМИПӮШ. Дар баробари зан-модар будан масъулияти ҳимояи Ватанро низ бар дӯш доранд
Эмомалӣ Раҳмон: «Ҳимояи Ватан ва ҳаёти осоиштаи мардум барои ҳар ҷавонмарди бонангу номус вазифаи муқаддас ва пуршараф ба ҳисоб меравад»
Дар шаҳри Бишкек ҷаласаи муштараки ҳайатҳои ҳукуматии Тоҷикистону Қирғизистон оид ба делимитатсия ва демаркатсияи сарҳади давлатӣ баргузор шуд
Ҳимояи марзу бум вазифаи ҷонии ҳар афсару сарбоз ва сокини ифтихорманди Тоҷикистон мебошад
Дар Норак даври шаҳрии озмуни вилоятии ҳарбӣ-варзишии «Ватанпарвар» ҷамъбаст шуд
