Баррасии индекси идораи захираҳои табиии Тоҷикистон дар маҳфили журналистикаи иқтисодии «Тавозун»

Февраль 27, 2020 13:00

ДУШАНБЕ, 27.02.2020 /АМИТ «Ховар»/. Индекси идораи захираҳои  табиии Тоҷикистон  имрӯз дар Маркази тадқиқоти стратегии назди Президенти Ҷумҳурии Тоҷикистон  дар маҳфили журналистикаи  иқтисодии «Тавозун» баррасӣ гардид.

Хабарнигори  АМИТ «Ховар» иттилоъ медиҳад, ки дар маҳфил ба намояндагони воситаҳои ахбори омма  тадқиқот оид ба  индекси идораи   захираҳои табиии Тоҷикистон  муаррифӣ гардида, инчунин маълумот доир ба шаффофият  дар соҳаи истихроҷ, даромад аз ин соҳа ба буҷети давлатӣ, омӯзиши  геологӣ ва канданиҳои фоиданоки Тоҷикистон ва натиҷаҳои амалишавии  «Барномаи давлатии  рушди соҳаи геологияи  Ҷумҳурии Тоҷикистон барои  солҳои 2012 -2020» пешниҳод шуд.

Тавре директори  созмони ҷамъиятии «Хома» Шаҳло Акобирова зикр кард, ҳадафи  маҳфили журналистикаи иқтисодӣ  ҷалби ҷомеаи шаҳрвандӣ  ва доираи васеи рӯзноманигорон, инчунин роҳбарони воситаҳои ахбори оммаи мамлакат  ба муҳокимаи фаъоли   масоили вобаста ба  иқтидори захираҳои табии Тоҷикистон ва идораи онҳо дар раванди саноатикунонии мамлакат мебошад, ки  аз ҷониби Ҳукумати Ҷумҳурии Тоҷикистон ҳадафи чоруми стратегӣ эълон гардидааст.

Дар маҳфили журналистикаи иқтисодии «Тавозун» намояндагони масъули вазоратҳои молия,  рушди иқтисод ва савдо,  саноат ва технологияҳои нав, энергетика ва захираҳои об,  Шӯрои машваратии назди Президенти  Ҷумҳурии  Тоҷикистон,  Кумитаи давлатии сармоягузорӣ ва идораи амволи давлатӣ, Кумитаи андоз ва Саридораи геологияи  назди Ҳукумати  мамлакат, инчунин коршиносон ширкат намуда, оид  ба  индекси идораи  захираҳои табиии Тоҷикистон, шаффофият  дар идораи захираҳои табиӣ,  омӯзиши геологӣ ва канданиҳои фоиданоки Тоҷикистон  табодули  назар намуданд.

Февраль 27, 2020 13:00

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст