Дар «Gulfood»-и Дубай хушкмева ва лимӯи тоҷикии Мейер муаррифӣ гардид

Февраль 18, 2020 16:40

ДУШАНБЕ, 18.02.2020 /АМИТ «Ховар»/. Ширкатҳои тавлидотии Тоҷикистон, назири «Меваи Тиллоӣ» ва «Орои Исфара», «Комбинати хӯроквории шаҳри Бохтар» ва хоҷагии деҳқонии «Ансорӣ» аз ноҳияи Ҷайҳун маҳсулоти аз лиҳози экологӣ тозаро, ки аз меваҳои хушк ва лимӯ иборатанд, дар 25-умин Намоишгоҳи  байналмилалии озуқаворӣ, нӯшокӣ, таҷҳизот барои меҳмонхонаву тарабхона ва таббохии кишварҳои Халиҷи Форс — «Gulfood 2020», ки дар шаҳри Дубайи Аморати Муттаҳидаи Араб  идома дорад,  ба намоиш  гузоштанд.

Аз Палатаи савдо ва саноати Ҷумҳурии Тоҷикистон ба АМИТ «Ховар» иттилоъ доданд, ки ширкатҳои тавлидотии Тоҷикистон, ки дар Намоишгоҳи байналмилалии «Gulfood 2020» дар Дубай иштирок доранд, асосан ба содироти меваҳои хушк ба кишварҳои хориҷи дуру наздик, хусусан Осиёи Шарқӣ, инчунин  лимӯи баландсифати тоҷик бо навъи Мейер машғуланд.

Ҳадафи иштироки соҳибкорони тоҷик дар аз намоишгоҳи «Gulfood 2020» шиносоӣ бо имконот ва талаботи бозорҳои минтақаи халиҷи Форс ва Шарқи Наздик, фарох гардонидани имкониятҳои содироти маҳсулоти ватанӣ ба хориҷа ва баргузор намудани гуфтушунид бо мақомоти марбутаи давлатӣ ва ширкатҳои хусусӣ мебошад, иттилоъ медиҳад манбаъ.

«Gulfood» бузургтарин ва бонуфузтарин намоишгоҳи  тиҷоратии хӯрокворӣ ва нӯшокӣ дар ҷаҳон бо шумораи зиёди меҳмонон, иштирокдорон ва  амалиёти тиҷоратӣ ба шумор меравад, ки дар он зиёда аз 5 ҳазор ширкатҳо аз 120 кишвар ва беш аз 97 ҳазор нафар меҳмонон аз 185 давлат иштирок мекунанд. Барои ин майдони намоишии маркази савдои Дубай /Dubai World Trade Centre -DWTC/ ба масоҳати 127 000 метри мураббаъ ва аз ҳисоби павилйонҳои муваққатӣ 23,000 метри мураббаъ васеъ гардонида шудааст.

Иштироки ширкатҳои тавлидотӣ ва соҳибкорони тоҷикро дар  Намоишгоҳи байналмилалии «Gulfood 2020» Палатаи савдо ва саноати Ҷумҳурии Тоҷикистон бо дастгирии молиявии  лоиҳаи USAID оид ба «Рақобатпазирӣ, савдо ва таъсиси ҷойҳои корӣ дар Осиёи Марказӣ  (CTJ)  таъмин намудааст.

25-умин Намоишгоҳи  байналмилалии озуқаворӣ, нӯшокӣ, таҷҳизот барои меҳмонхонаву тарабхона ва таббохии кишварҳои Халиҷи Форс «Gulfood 2020», ки 16 феврал дар шаҳри Дубайи Аморати Муттаҳидаи Араб ифтитоҳ гардид, 20 феврал ба анҷом мерасад.

Февраль 18, 2020 16:40

Хабарҳои дигари ин бахш

Вазири нақлиёти Тоҷикистон дар Женева оид ба корҳои дар соҳаи логистикаи нақлиётӣ анҷомёфта сухан кард
НИШАСТИ МАТБУОТӢ. Дар ноҳияи Ёвон 5 коргоҳи нави саноатӣ ба истифода дода шуд
Мулоқоти муовини якуми Сарвазири Ҷумҳурии Тоҷикистон бо ҳайати Фонди саудии рушд
Тоҷикистон ва Эрон ҳамкориро дар соҳаи сайёҳӣ густариш медиҳанд
НИШАСТИ МАТБУОТӢ. Мақомоти гумрук ба буҷети давлатӣ беш аз 9,7 миллиард сомонӣ пардохтҳои гумрукӣ ворид намуд
Соли 2024 аз ҷониби Донишкадаи кӯҳию металлургии Тоҷикистон 19 монографияи илмӣ ба нашр расид
Дар Тоҷикистон дар соҳаи саноати хӯрокворӣ 120 корхона бо 600 ҷойи кор ба фаъолият шуруъ намуд
НИШАСТИ МАТБУОТӢ. Аз ҷониби Палатаи ҳисоб қариб 80 миллион сомонӣ зарари молиявӣ берун аз нақша барқарор гардид
НИШАСТИ МАТБУОТӢ. Қурби расмии сомонӣ нисбат ба доллари амрикоӣ ба андозаи 0,2 фоиз устувор гардид
Дар Тоҷикистон талафоти неруи барқ коҳиш ёфтааст
НИШАСТИ МАТБУОТӢ. Раёсати Агентии назорати молиявӣ ва мубориза бо коррупсия дар Бадахшон 67 тафтишу санҷиш анҷом дод
Дар Кӯлоб оид ба иҷрои дастуру супоришҳои Президенти Тоҷикистон вобаста ба соҳаи кишоварзӣ ҷаласа доир шуд