Дирӯз Шӯрои Федератсияи Россия созишнома байни ФР ва Тоҷикистон оид ба сохтмони панҷ мактаби русзабонро ба тасвиб расонд
ДУШАНБЕ, 13.02.2020 /АМИТ «Ховар»/. Дирӯз дар ҷаласаи Шӯрои Федератсияи Россия қарор дар бораи тасвиби созишнома байни ФР ва Тоҷикистон оид ба сохтмони панҷ мактаб дар ҷумҳурӣ бо фарогирии таҳсил ба забони русӣ қабул гардид. Дар ин бора АМИТ «Ховар» бо истинод ба ТАСС хабар медиҳад.
Тавре қаблан АМИТ «Ховар» хабар дода буд, созишномаи байниҳукуматӣ 17 апрели соли 2019 зимни сафари расмии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Россия ба имзо расида буд. Созишномаи мазкур сохтмони марҳилавии муассисаҳои таълимиро дар Душанбе, Кӯлоб, Хуҷанд, Бохтар ва Турсунзода пешбинӣ мекунад.
Тибқи санадҳои ба қонун замимашуда, ҳадафи ин созишнома сохтмони марҳилавӣ дар шаҳрҳои калонтарини болозикри Тоҷикистон ва муайян намудани шартҳои мувофиқашудаи маблағгузорӣ барои таъминоти моддию техникии муассисаҳои таълимӣ бо фарогирии таҳсил ба забони русӣ бо шумораи муқарраргардидаи то 1200 хонанда мебошад. Таҳсил дар ин мактабҳо мутобиқи меъёрҳои таълимии Россия сурат мегирад. Дар созишнома пешбинӣ шудааст, ки ҳарду ҷониб ба афзалияти харид ва истифодаи таҷҳизоти истеҳсоли Россия таваҷҷуҳ мекунанд.
Тавре дар хулосаи кумитаи соҳавии Шӯрои Федератсия оид ба масъалаҳои байналмилалӣ гуфта мешавад, татбиқи созишнома ҷудо намудани хароҷоти зиёдро аз буҷети федералӣ талаб мекунад, ки ҳисобкунии ҳадди аксари онҳо пас аз ба анҷом расидани корҳои лоиҳакашӣ ва таҳқиқотӣ муайян карда мешавад. «Кумитаи Шӯрои Федератсия оид ба масъалаҳои байналмилалӣ зикр менамояд, ки сохтмон ва баъдан ба истифода додани мактабҳои зикршуда ҳалли масъалаи кадрӣ ва таъмини методологии онҳоро тавассути бастани созишномаи алоҳида тақозо мекунад», — гуфта мешавад дар санад.
Созишнома ба муҳлати панҷ сол баста мешавад. Тавре аз кумитаи Шӯрои Федератсия оид ба масъалаҳои байналмилалӣ тазаккур доданд, «тасвиби он ба таҳкими мавқеи забони русӣ ва таҳсил ба забони русӣ дар Ҷумҳурии Тоҷикистон мусоидат хоҳад кард».
АКС аз бойгонӣ
Дар Душанбе намоиши дастнависҳо, нусхаҳои чопи сангӣ ва хушнависиҳои ашъори Ҳофизи Шерозӣ баргузор шуд
Мехоҳед таътили тобистонаи фарзандатон босамар гузарад? Пас ба Китобхонаи миллии Тоҷикистон биёяд
Дар шаҳри Норак 2 ёдгории бостонӣ кашф ва таҳқиқ карда шуд
Дар Душанбе дуюмин Синамоҷашнвораи байналмилалӣ «Тоҷи сомон» баргузор мегардад
Дар театри Муҳаммадҷон Қосимов намоишномаи «Ман Таҳминаам…» аз рӯи достони «Шоҳнома» пешниҳод мегардад
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
