Роҳи мошингарди Душанбе-Чаноқ кушода шуд
ДУШАНБЕ, 13.02.2020 /АМИТ «Ховар»/. Имрӯз роҳи мошингарди Душанбе-Чаноқ аз тармаҳо тоза ва бо маводи зиддилағжиш коркард гардида, ҳаракати воситаҳои нақлиёт дар роҳ таъмин аст. Кормандони филиали Ширкати саҳомии «Инновейтив Роуд Солюшнз ЛТД» дар Ҷумҳурии Тоҷикистон тамоми кӯшишҳоро ба харҷ дода истодаанд, то дар наздиктарин фурсат ҳаракат дар роҳ аз ҳарду ҷониб имконпазир гардад. Дар ин бора ба хабарнигори АМИТ «Ховар» сардори Маркази матбуоти филиали Ширкати мазкур Далери Абдулло хабар дод.
Ёдовар мешавем, шурӯъ аз 9 феврал то инҷониб бинобар шадид ва беист будани бориши барф дар роҳи мошингарди Душанбе-Чаноқ зиёда аз 30 тарма ба қайд гирифта шудааст, ки калонтарини он 30 метр паҳноӣ ва қариб 10 метр баландӣ дорад. Бинобар ҳолати бавуқӯъомада, дар мувофиқа бо Раёсати БДА Вазорати корҳои дохилӣ ва тавсияҳои Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ҳаракати ҳама намуди воситаҳои нақлиёт тавассути роҳи мошингарди мазкур муваққатан қатъ шуда буд.
Ба иттилои Далери Абдулло, «то ҳанӯз хатари тармафароӣ дар ин минтақа мавҷуд буда, аз ронандагон эҳтиромона хоҳиш карда мешавад, ки ҳангоми ҳаракат бодиққат бошанд».
Бояд гуфт, ки роҳи Душанбе–Чаноқ аз минтақаи релефаш душвори кӯҳистон гузашта, дар муқоиса бо дигар роҳҳои мамлакат аз офатҳои табиӣ, аз ҷумла, тармафароӣ, лағжидани кӯҳпора, сангфароӣ ва омадани сел зиёдтар осебпазир аст.
Филиали Ширкати саҳомии «Инновейтив Роуд Солюшнз ЛТД» дар Ҷумҳурии Тоҷикистон аз ҳамаи ронандагон ва мусофирон хоҳиш менамояд, ки махсусан дар чунин рӯзҳо бояд дучанд эҳтиёт кунанд. Ронандагон пеш аз баромадан ба сафар мошинҳои худро пурра аз назорати техникӣ гузаронда, ҳангоми ҳаракат дар роҳ ба қоидаҳои бехатарӣ риоя намуда, ҷони худ ва дигаронро зери хатар нагузоранд.
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
Дар Давҳа масъалаи омодасозии мутахассисон барои бозори меҳнат баррасӣ шуд
Дар Душанбе форуми минтақавӣ-ҷаласаи роҳбарони сохторҳои ҳолатҳои фавқулода аз давлатҳои Осиёи Марказӣ идома дорад
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
