Маркази барномаҳои байналмилалӣ: қабули ҳуҷҷатҳо барои иштирок дар озмуни бурсияҳои таҳсилии Озарбойҷон оғоз гардид

ДУШАНБЕ, 11.02.2020. /АМИТ «Ховар»/. Муассисаи давлатии «Маркази барномаҳои байналмилалӣ»-и Вазорати маориф ва илми Ҷумҳурии Тоҷикистон ба диққати довталабон мерасонад, ки қабули ҳуҷҷатҳои довталабон барои иштирок дар озмуни бурсияҳои таҳсилии Ҷумҳурии Озарбойҷон дар соли таҳсили 2020-2021 аз рӯи зинаҳои бакалавр, магистр ва доктор PhD оғоз гардидааст.
Ҳуҷҷатҳои лозима:
1) Маълумотнома (дар Марказ пешниҳод мегардад);
2) Ҳуҷҷати давлатии хатми муассисаи таълимӣ;
3) Маълумотномаи тиббӣ (аз ҷумла ВИЧ/СПИД ва Гепатит В ва С);
4) СV ё резюме;
5) Мактуби тавсиявӣ (мотивационное и сопроводительное письмо);
5) Сертификати забони англисӣ барои бакалавр ILTS 5 / TOEFL 40 , барои магистрон ва доктор PhD ILTS 5.5 / TOEFL 50.
Барои номнавис шудан, хоҳишмандон метавонанд ба Муассисаи давлатии «Маркази барномаҳои байналмилалӣ» (ш. Душанбе, кӯчаи М. Турсунзода 47) муроҷиат намоянд.
Телефонҳо барои тамос: 223-23-59