Нахустнамоиши «Хостгорӣ» дар Театри давлатии академии драмавии ба номи Абулқосим Лоҳутӣ доир гардид

Февраль 25, 2020 17:45

ДУШАНБЕ, 25.02.2020 /АМИТ «Ховар»/. Имрӯз дар Театри давлатии академии драмавии ба номи Абулқосим Лоҳутӣ нахустнамоиши «Хостгорӣ» аз рӯи асари Антон Павлович Чехов манзури тамошобинон гардид.

Тавре мухбири АМИТ «Ховар» аз ҷараёни намоиш гузориш медиҳад, он дар таҳияи коргардон ва Ҳунарпешаи халқии Тоҷикистон Давлат Убайдуллоев ба саҳна гузошта шуд.

Муҳтавои асосии намоиш аз истифодаи босамари  вақт дар зиндагии  инсонҳо иборат мебошад.

Тарҷумони ин намоишнома Лола Ҳоҷибоева зимни суҳбат бо хабарнигори Агентӣ иброз дошт, ки ҳадафи таҳияи ин саҳна дар он буд, то инсонҳо аз гуфтори беҳуда дурӣ ҷӯянду вақтро ғанимат дошта, аз он дар ҳаёти худ самаранок истифода баранд.

Ёвари коргардон Боймурод Ҳаитов дар суҳбат бо мо иброз дошт, ки «ин намоиш мондагор аст. Боварӣ дорам, ки ҳар тамошобине, ки ин спектаклро тамошо мекунад, ба қадри вақт ва истифодаи он дар зиндагӣ мерасад».

Намоиш хеле оммафаҳм ва равон омода шуда,  аз ҷониби тамошобин гарм истиқбол гардид.

Нақшҳои асосиро ҳунармандони маъруф Маҳмадӣ Мирзоев, Салоҳиддин Шукурзода, Шамсия Асанова, Марҷона Наврузмамадова ва дигарон иҷро намудаанд.

Ёдовар мешавем, км намоиш 27 феврал, соати 14:00, такроран ба саҳна гузошта мешавад.

Мавриди зикр аст, ки Театри давлатии академии драмавии ба номи А.Лоҳутӣ яке аз аввалин театрҳои касбӣ дар Ҷумҳурии Тоҷикистон ба ҳисоб меравад. Ҳунармандони театри мазкур кӯшиш мекунанд, ки бо саҳнаҳои ҷолиби диққат ва инъикоскунандаи  рӯзгори мардум аҳли ҷомеаро ба ин макони фарҳангӣ  боз ҳам бештар ҷалб намоянд.

Февраль 25, 2020 17:45

Хабарҳои дигари ин бахш

Барои мукофотонидани ғолибони Озмуни ҷумҳуриявии «Шоҳномахонӣ» 2 миллиону 660 ҳазор сомонӣ ҷудо карда мешавад
ТУҲФАИ АРЗАНДАИ ПРЕЗИДЕНТИ ТОҶИКИСТОН. Ба беш аз 57 ҳазор оилаи шаҳри Ваҳдат «Шоҳнома» тақдим мегардад
ИЛМ ДАР БАЛАНДИИ ЗИЁДА АЗ 5000 МЕТР. Дар калонтарин пиряхи Тоҷикистон — Ванҷях таҳқиқоти илмӣ гузаронида шуд
Академияи миллии илмҳои Тоҷикистон бо Донишгоҳи давлатии омӯзгории Шинҷони Чин ҳамкориро тақвият медиҳад
Ёдгориҳои нодири тамаддуни тоҷикон дар Осорхонаи миллии Чин ба намоиш гузошта шуданд
Аз ҷониби нашриёти «Адиб» чор китоб ба нашр расид
Туҳфаи арзишманди Пешвои миллат — китоби «Шоҳнома» ба ноҳияи Файзобод расид
Байни консерваторияҳои Тоҷикистон ва Чин Ёддошти тафоҳум ба имзо расид
Намояндагони Шурои байналмилалии ҳунармандӣ бо намунаҳои сӯзании Панҷакент шинос шуданд
Сокинони шаҳри Роғун соҳиби туҳфаи Президенти Тоҷикистон — «Шоҳнома»-и Абулқосим Фирдавсӣ гардиданд
«АНДАЛЕБ-2025». Дар Панҷакент даври шаҳрии фестивал- озмуни ҷумҳуриявии телевизионӣ доир шуд
Намояндаи Тоҷикистон дар ҳамоиши тарғибгарони илм дар Чин иштирок намуд