ФУТЗАЛ: дастаи мунтахаби Тоҷикистон бар дастаи мунтахаби Малайзия ғолиб омад

ДУШАНБЕ, 07.02.2020. /АМИТ «Ховар»/. Шоми  дирӯз  бозии даври охирини Мусобиқаи байналмилалии «SAT International Futsal Championship 2020 байни дастаҳои   мунтахаби футзали   Тоҷикистон ва  Малайзия баргузор гардид. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи  футболи Тоҷикистон иттилоъ  медиҳад.

Тибқи иттилои манбаъ, дар ин вохӯрии ҷолиб футзалбозони тоҷик рақиби  худ- дастаи мунтахаби  футзали Малайзияро бо ҳисоби  калони  4:0  мағлуб намуданд. Аз ҳайати дастаи  мунтахаби Тоҷикистон голҳоро ба дарвозаи ҳариф Умед Кузиев (се гол) ва Иқбол Воситзод заданд. Қаблан футзалбозони тоҷик аз  дастаҳои   мунтахаби  Эрон  бо ҳисоби  2:3, Таиланд-2 бо натиҷаи 2:4 ва Таиланд бо ҳисоби  0:2 мағлуб гардида буданд. Ҳамин тавр  дастаи мунтахаби футзали  Тоҷикистон  рақобати хешро дар ин мусобиқа ба анҷом расонид.

Мусобиқаи «SAT International Futsal Championship 2020» дар Тайланд

Даври 4-ум

Малайзия – ТОҶИКИСТОН – 0:4

Голҳои Тоҷикистон: Умед Кузиев (3), Иқбол Воситзода.