Гулрӯ Ҷабборзода: Барои саросар соҳибкасб кардани аҳолӣ чораандешӣ менамоем

Февраль 5, 2020 14:55

ДУШАНБЕ, 05.02. 2020 /АМИТ «Ховар»/. 4 феврал бо иштироки Вазири меҳнат, муҳоҷират ва шуғли аҳолии Ҷумҳурии Тоҷикистон Гулрӯ Ҷабборзода дар маркази тренингии Гурӯҳи идоракунии лоиҳаи “Тақвияти таҳсилоти касбӣ-техникӣ ва омӯзиш” ҷаласаи корӣ баргузор гардид. Ҳадафи ҷаласа аз шиносоӣ бо ҷараёни татбиқи лоиҳаи “Тақвияти таҳсилоти касбӣ-техникӣ ва омӯзиш”  ва дизайни лоиҳаи “Беҳтарсозии малакаҳои касбӣ ва имкониятҳои бо кор таъминшавӣ”, иборат буд.

Ҷаласаи мазкур аз ҷониби Вазири меҳнат, муҳоҷират ва шуғли аҳолии Ҷумҳурии Тоҷикистон Гулрӯ Ҷабборзода ифтитоҳ гардид. Дар он намояндагони Бонки Осиёии Рушд,  муовинони вазир Эмин Сангинзода ва Абдусалом Мирзозода, намояндагони сохторҳои дахлдори вазорат, муовини Вазири рушди иқтисод ва савдои Ҷумҳурии Тоҷикистон, мутахассисон ва мушовирони Гурӯҳи идоракунии лоиҳа иштирок намуданд.

Гулрӯ Ҷабборзода дар мавриди ба касбу ҳунаромӯзӣ ҷалб намудани шаҳрвандони аз 18-сола боло ва андешидани тадбирҳои ҷиддӣ ҷиҳати саросар соҳибкасб кардани аҳолӣ иброз дошт, ки бо мақсади дар амал татбиқ намудани дастуру супоришҳои Ҳукумати Ҷумҳурии Тоҷикистон бо дастгирии Бонки Осиёии Рушд лоиҳаи “Тақвияти таҳсилоти касбии техникӣ ва омўзиш” мавриди амал қарор дорад.

“Лоиҳаи “Тақвияти таҳсилоти касбӣ-техникӣ ва омӯзиш” ислоҳоти низоми таҳсилоти ибтидоии касбиро дар асоси санадҳои меъёрии ҳуқуқӣ, арзишҳои суннатию башарӣ, эҳёи дарки худшиносии таърихӣ, ҳувияту анъанаҳои миллӣ ва дастовардҳои илмию техникӣ ба роҳ мондааст. Тамоми паҳлӯҳои лоиҳа ба принсипҳои сиёсати давлатии дар Стратегияи миллии рушди Ҷумҳурии Тоҷикистон барои давраи то соли 2030 дарҷгардида мувофиқ буда, баҳри амалӣ гардидани он мусоидат менамояд”,-иброз намуд вазир.

Мақсади ҷаласа аз  муаррифии дизайни лоиҳаи “Беҳтарсозии малакаҳои касбӣ ва имкониятҳои бокортаъминшавӣ” иборат буд. Лоиҳаи мазкур имкон медиҳад, ки иқтидори кории ҷавонон ва занон дар Тоҷикистон зиёд карда шавад. Барномаи пешниҳодшуда бахши малакаи касбиро бо роҳҳои тақвияти дастрасии қишрҳои осебпазири аҳолӣ ба омӯзиши малакаҳои касбӣ, таъмини омодасозии саривақтӣ ва босифати кадрҳо, таҳия ва ташкили консепсияи нави “Маркази рушди малакаҳо” – ҳамчун платформаи ягона дастгирӣ хоҳад кард.

Вазири меҳнат, муҳоҷират ва шуғли аҳолии Ҷумҳурии Тоҷикистон Гулрӯ Ҷабборзода лоиҳаҳои мазкурро хеле муҳим ва барои Тоҷикистон саривақтӣ арзёбӣ карда, иштирокчиёнро барои татбиқи самараноки ҳарду лоиҳа даъват намуд.

Февраль 5, 2020 14:55

Хабарҳои дигари ин бахш

Дар Душанбе бахшида ба Рӯзи Конститутсия конференсияи ҷумҳуриявӣ доир шуд
БЕМОРИИ ПӮСТ – ПСОРИАЗ. Оё он табобатшаванда аст?
Дар Тоҷикистон таъсиси Маркази тайёркунии муҳандисони лифт дар назар дошта шудааст
РӮЗИ ҶАҲОНИИ МУБОРИЗА БАР ЗИДДИ БЕМОРИИ ИНСУЛТ. Чаро инсонҳо ба ин беморӣ гирифтор мешаванд?
Дар Душанбе масъалаи татбиқи Барнома оид ба меҳнати шоиста барои солҳои 2025–2026 баррасӣ гардид
Соли равон дар вилояти Суғд таъмир ва сохтмони беш аз 100 муассисаи тандурустӣ ба нақша гирифта шудааст
Дар Душанбе Форуми ёздаҳуми миллӣ оид ба волоияти қонун баргузор мешавад
Дар Тоҷикистон дар нуҳ моҳ гирифторӣ ба бемориҳои шадиди рӯда зиёд шудааст
26 ОКТЯБР-РӮЗИ КОРМАНДОНИ МАҚОМОТИ СУДӢ. Онҳо дар таҳкими қонуният ва ҳифзи ҳуқуқу озодиҳои инсон нақши муҳим доранд
Дар Душанбе оид ба риояи дурусти қоидаҳои бехатарӣ ҳангоми заминларза корҳои фаҳмондадиҳӣ гузаронида шуданд
Ба муносибати Рӯзи Конститутсияи Ҷумҳурии Тоҷикистон конференсияи илмӣ-амалӣ доир гардид
Дар Маркази касбомӯзӣ ва хизматрасонии ноҳияи Восеъ аз рӯи 5 ихтисос мутахассисон омода карда мешаванд