Дар Норак ба шарафи Рӯзи Модар ҳамоиши идона баргузор гардид

Март 6, 2020 14:34

НОРАК, 06.03.2020. /АМИТ «Ховар»/. Раиси шаҳри Норак Маликшо Неъматзода бахшида ба Рӯзи Модар  бо коргарзанони  Муассисаи давлатии «Шуъбаи манзилию коммуналӣ ва хоҷагидорӣ»-и шаҳр,  донишҷӯдухтароне, ки тибқи квотаи президентӣ  дар донишгоҳҳои ҷумҳурӣ таҳсил менамоянд ва занони собиқадори  меҳнат, фаъолзанони корхонаву муассисаҳои шаҳр, эҷодкорону ҳунармандон вохӯрӣ намуд.

Маликшо Неъматзода зикр кард, ки шаҳри Норак маҳз бо кӯшишу заҳмат ва меҳнати шабонарӯзии коргарзанони шаҳр   дар қатори шаҳрҳои беҳтарини ҷумҳурӣ ҷо гирифта, аз ҷониби  сайёҳони хориҷию дохилӣ  баҳои  мусбат  гирифтааст.

Раиси шаҳри Норак Маликшо Неъматзода нақши занонро дар пешрафти ҷомеа,  саҳми арзандаи онҳоро дар тарзи ҳаёти солим, тарбияи насли наврас, корҳои ободонию созандагӣ  ва бунёдкорӣ махсусан зикр намуда, гуфт, ки шумораи зиёди занон дар соҳаҳои мухталифи хоҷагии халқи шаҳр, бахусус саноату энергетика, хизматрасонии маишӣ, эҳёи ҳунарҳои мардумӣ ба меҳнати софдилона машғул мебошанд.

Дар ҳамоиши идона барои меҳнати софдилона 60 нафар коргарзанони идораи Шуъбаи манзилию коммуналӣ ва хоҷагидорӣ»-и шаҳр,  43 нафар донишҷӯдухтароне, ки тибқи квотаи президентӣ дар донишгоҳҳои ҷумҳурӣ таҳсил  менамоянд, бо туҳфаҳо ва маблағҳои пулии мақомоти иҷроияи ҳокимияти давлатии шаҳр  қадрдонӣ   шуданд.

Ҳамчунин барои саҳми муносиб дар корҳои ҷамъиятию сиёсӣ, иштироки фаъолона дар амалӣ намудани чорабиниҳо бахшида ба 30-солагии Истиқлолияти давлатии Ҷумҳурии Тоҷикистон гурӯҳи фаъолзанон ва собиқадорони меҳнат бо ифтихорномаю сипосномаҳои мақомоти иҷроия ва туҳфаҳои хотиравӣ сарфароз гардонида шуданд.

Март 6, 2020 14:34

Хабарҳои дигари ин бахш

Рӯзи дарҳои кушоди Академияи хурди илмҳои Тоҷикистон баргузор шуд
КИТОБ-МУАРРИФИ ДАСТОВАРДҲОИ АДИБОН. Бардошт аз баргузории Намоишгоҳи байналмилалии «Китоби Душанбе»
Байни «Тоҷикфилм» ва шаш киностудияи кишварҳои ИДМ ва хориҷи наздик Ёддошти тафоҳум ба имзо расид
Намоишгоҳи байналмилалии «Китоби Душанбе» оғоз гардид
Шоҳҷоизаи Синамоҷашнвораи дуюми байналмилалии «Тоҷи Сомон»-ро коргардони тоҷик Муҳиддин Музаффар соҳиб шуд
«КИТОБИ ДУШАНБЕ». Пагоҳ дар Душанбе намоиши сенздаҳуми байналмилалӣ оғоз мегардад
Эмомалӣ Раҳмон: «Таҷлили Меҳргон далели эҳтиром ба фарҳанги қадима ва суннатҳои созандаи миллати тоҷик аст»
Имрӯз дар Фестивали «Оши палов» намудҳои гуногуни ин таоми миллӣ омода карда шуданд
СЕБҲОИ ТОҶИКИСТОН БО ТАМЪИ ЛАЗИЗАШОН МАШҲУРАНД. Дар Душанбе Иди себ ва ангур таҷлил гардид
Дар Душанбе Иди Меҳргон ба таври тантанавӣ таҷлил гардид
Имрӯз ҷашни Меҳргон бо баргузории Фестивал-намоиши маҳсулот ва техникаи кишоварзӣ оғоз мегардад
Даври ҷамъбастии Фестивал-озмуни ҷумҳуриявии телевизионии эҷодиёти халқ «Андалеб-2025» баргузор мегардад