ЭҲТИЁТ-НИМИ ҲАЁТ! Дар қисми зиёди минтақаҳои Тоҷикистон хатари баланд шудани оби дарёҳо, фаромадани сел ва сангрезӣ пешгӯӣ мегардад
ДУШАНБЕ, 30.03.2020 /АМИТ «Ховар»/. Рӯзҳои наздик дар Тоҷикистон ҳавои номусоид боқӣ монда, дар қисми зиёди минтақаҳои мамлакат хатари эҳтимолии баланд шудани оби дарёҳо, фаромадани сел ва сангрезӣ пешгӯӣ мегардад. Дар ин бора АМИТ «Ховар» бо истинод ба Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар медиҳад.
Манбаъ бо нашри як иттилоия аз шаҳрвандону меҳмонони мамлакат даъват ба амал овардааст, ки аз рафтан ба назди обанбор, каналу дарёҳо ва саёҳат ба кӯҳҳо худдорӣ намоянд.
Рӯзҳои наздик серобшавии дарёҳо эҳтимол сабаби шустани пулҳо ва сарбандҳои хурд гардида, қисмати роҳҳоро вайрон кунад. Номусоидии боду ҳаво инчунин ба чаронидан ва нигоҳубини чорво дар саҳро мушкилӣ пеш меорад.
Кумитаи ҳолатҳои фавқулода ва мудофиаи гражданӣ дар робита ба ин аз шаҳрвандон хоҳиш менамояд, ки дар ин рӯзҳо дар хона монда, қоидаҳои бехатариро риоя намоянд.
«Бо мақсади пешгирӣ намудани ҳолатҳои фавқулода дар роҳҳои мошингузар, махсусан роҳҳои кӯҳӣ ва ағбаҳо Кумита аз ронандагон эҳтиромона хоҳиш менамояд, ки ҳангоми сафарҳои шабона қоидаҳои ҳаракат дар роҳро риоя карда, суръати ҳаракатро муътадил нигоҳ доранд», — омадааст дар иттилоияи манбаъ.
Дар ноҳияи Кӯшониён Маркази саломатӣ ифтитоҳ гардид
Дар Душанбе Форуми дуюми байналмилалӣ оид ба масъалаҳои маъюбӣ доир гардид
Дар ноҳияи Айнӣ оид ба пешгирии истифодаи ғайриқонунии неруи барқ вохӯрӣ баргузор шуд
Дар ноҳияи Ҷаббор Расулов оид ба истифодаи сарфакоронаи неруи барқ вохӯрӣ доир гардид
Дар Душанбе фаъолияти лоиҳаи «Миллати солими Тоҷикистон» натиҷагирӣ карда шуд
Дар Намоиш-озмуни ҷумҳуриявии «Беҳтарин лоиҳаи меъморӣ ва шаҳрсозӣ» ғолибон муайян гардиданд
Дар Беморхонаи клиникавии шаҳрии №1-шаҳри Хуҷанд бинои инноватсионӣ бунёд карда мешавад
Низоми ҷамъоварӣ ва истифодаи маълумоти омории соҳаи тандурустии Тоҷикистон баррасӣ гардид
Намояндагони Тоҷикистон дар машварати минтақавӣ дар Қирғизистон иштирок намуданд
Дар Файзобод бо иштироки муовини Сарвазири Тоҷикистон ҷаласаи Шурои миллӣ барои инкишофи барвақтии кӯдакон доир шуд
ИМРӮЗ — РӮЗИ КОРМАНДОНИ СОҲАИ СОХТМОН. Бинокоронро ободгари зиндагии мардум меноманд
Ҳамкории Тоҷикистон бо Барномаи рушди СММ дар соҳаи ҷавонон ва варзиш тақвият меёбад
