Саида Умарзода: «Дар Тоҷикистон сатҳи қадпастӣ, камвазнӣ ва камхунӣ миёни модарону кӯдакон коҳиш меёбад»
ДУШАНБЕ, 12.03.2020 /АМИТ «Ховар»/. Бо саъю талошҳои Ҳукумати мамлакат ва шарикон оид ба рушд тайи 8 соли охир сатҳи қадпастӣ, камвазнӣ ва камхунӣ дар байни кӯдакон ва занони синни қобили таваллуд дар Тоҷикистон коҳиш ёфтааст.
Ин нуктаро муовини якуми Вазири тандурустӣ ва ҳифзи иҷтимоии аҳолӣ Саида Умарзода семинаре, ки 11 март дар шаҳри Душанбе таҳти унвони «Сармоягузориҳои таъсирбахш баҳри дастёбӣ ба натиҷаҳои оптималӣ оид ба ғизо» доир гардид, баён дошт.
Семинари мазкур бо ташаббуси Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар якҷоягӣ бо Бонки ҷаҳонӣ доир шуд. Дар он муовини якуми Вазири тандурустӣ ва ҳифзи иҷтимоии аҳолӣ Саида Умарзода, намояндаи доимии Бонки умумиҷаҳонӣ Дар Тоҷикистон Олтерс Ян-Петер, сардори шуъбаи тандурустии ЮНИСЕФ Ҷоб-Ҷонсон Бриҷет ва намояндагони вазорату идораҳо иштирок намуданд.
«Соли 2017 тибқи тадқиқоти тиббии демографӣ муайян гардид, ки сатҳи қадпастӣ ва камвазнӣ коҳиш меёбад. Ин аз таъсири мусбати сиёсати самарабахши давлат ба саломатии модару кӯдак гувоҳӣ медиҳад. Вале ин моро қонеъ карда наметавонад. Бояд мо дар якҷоягӣ тамоми қувваро ба он равона намоем, ки нишондиҳандаҳо боз ҳам коҳиш ёфта, солимии мардум, хусусан модару кӯдак дар ҷумҳурӣ беҳтар гардад. Зеро яке аз сабабҳои беморӣ ва фавти кӯдакон- ин норасоии микроэлементҳо, бахусус витаминҳо ва минералҳо мебошад»,- таъкид намуд Саида Умарзода.
Ҳамчунин зикр шуд, ки дар «Стратегияи миллии рушди Ҷумҳурии Тоҷикистон то соли 2030» таъмини ғизо аз самтҳои афзалиятноки рушди мамлакат маҳсуб мешавад. Ғизо дар таъмини маҳсулнокии меҳнат, зиндагии босифат ва дарозумрии инсон низ нақши муҳим мебозад. Аз ин рӯ, яке аз вазифаҳои асосии Вазорати тандурустӣ ва ҳифзи иҷтимоии аҳолӣ андешидани тадбирҳои самарабахш оид ба беҳтар намудани вазъи истеъмоли ғизо байни кӯдакону модарон мебошад.
Ҳадаф аз баргузории ҳамоиши мазкур беҳтар намудани сифати хизматрасонии тиббӣ ба модарону кӯдакон, ҷалби шарикони рушд ва маблағгузорӣ дар ҳалли масъалаҳои ҳифзи саломатии модару кӯдак, таъмини устувории тамоюли пастшавии нишондодҳои беморшавӣ ва фавти модарону кӯдакон мебошад.
Дар Душанбе ҷаласаи вазирони давлатҳои аъзои Созмони ҳамкории иқтисодӣ оид ба коҳиши хатари офатҳои табиӣ баргузор гардид
СОЛИ МАЪРИФАТИ ҲУҚУҚӢ. Агар волидон то 3 моҳ барои кӯдак шаҳодатномаи таваллуд нагиранд, ҷарима пардохт менамоянд
Бо татбиқи «Барномаи рушди муассисаҳои табобатии давлатии Ҷумҳурии Тоҷикистон барои солҳои 2022-2025» сатҳу сифати хизматрасонии тиббӣ ба аҳолӣ беҳтар гардид
СОЛИ МАЪРИФАТИ ҲУҚУҚӢ. Ҷавҳари ҷомеаи шаҳрвандӣ дар асоси риояи ҳуқуқи инсон ва волоияти қонун устувор мегардад
Дар Душанбе ҷаласаи Шӯрои ҳамоҳангсоз оид ба ҳамкорӣ бо диаспораҳои тоҷикон ва ҳамватанони бурунмарзӣ доир шуд
Омӯзгори фанни таълими меҳнат аз Рашт Зубдахон Валиева: «Ҳунарамро дар мактаб ба шогирдон ва дар хона ба занон меомӯзонам»
МАСЛИҲАТИ МУТАХАССИС. Сулфаро бе эътибор нагузоред!
СОЛИ МАЪРИФАТИ ҲУҚУҚӢ. Ақдҳои никоҳе, ки аз ҷониби дигар мақомот сабт шудаанд, қувваи қонунӣ надоранд
Ваколатдор оид ба ҳуқуқи инсон дар Тоҷикистон дар конфронси сатҳи баланд дар Рим сухан гуфт
Саҳми таърихии тоҷикон дар ташаккули фарҳанг ва тамаддуни исломӣ. Дар Душанбе конфронси байналмилалӣ оғоз гардид
Дар замони соҳибистиқлолии Тоҷикистон беш аз 250 ҳазор духтарон муассисаҳои таҳсилоти олиро хатм намуданд
Дар Душанбе ҷаласаи 35-уми Шурои байнидавлатии обуҳавошиносии Иттиҳоди Давлатҳои Мустақил доир гардид
