Соли равон СБМ 27-солагии фаъолияташро дар Тоҷикистон таҷлил менамояд
ДУШАНБЕ, 12.03.2020. /АМИТ «Ховар»/. Cозмони байналмилалии муҳоҷират имсол фаъолияти 27-солаи хешро дар Ҷумҳурии Тоҷикистон таҷлил менамояд. Ин нукта 11 март зимни мулоқоти Вазири меҳнат, муҳоҷират ва шуғли аҳолии Ҷумҳурии Тоҷикистон Гулрӯ Ҷабборзода бо роҳбари дафтари намояндагии Созмони Байналмилалии Муҳоҷират (СБМ) дар Ҷумҳурии Тоҷикистон Кристина Транка баён гардид. Дар ин бора хабарнигори АМИТ «Ховар» бо истинод ба маркази матбуоти Вазорати меҳнат, муҳоҷират ва шуғли аҳолии Ҷумҳурии Тоҷикистон иттилоъ медиҳад.
Зимни вохӯрӣ Кристина Транка роҷеъ ба фаъолияти пурсамари Созмон дар самтҳои гуногуни ҳаётан муҳими мамлакат, ки аз соли 1993 то инҷониб амалӣ мегардад, маълумоти муфассал дод.
Тӯли ин солҳо СБМ фаъолияти худро дар саросари ҷумҳурӣ ва дар соҳаҳои зиёд тавсеа бахшид. Ба ҳайси созмони пешсафи байналмилалӣ дар масоили муҳоҷират, ҷилавгирӣ аз истисмор ва поймол шудани ҳуқуқи муҳоҷирон, дастгирии аъзои оилаи муҳоҷирон, масоили марбут ба сиҳатии омма, инчунин дар иртибот ба бемориҳои гузаранда, ба монанди сил, ВНМО, саломатии муҳоҷирону аҳли хонадони онҳо ва савдои одамон мусоидат намудааст.
Гулрӯ Ҷабборзода роҷеъ ба ҳамкории дуҷониба дар татбиқи лоиҳаҳои амалишаванда дар самти муҳоҷират маълумот дода, баҳри густариши ҳамкории мутақобилан судманд дар доираи лоиҳаҳои мавҷуда изҳори миннатдорӣ намуд. Мавсуф ҷиҳати мусоидат намудан дар таҳияи лоиҳаҳои барномаву стратегияҳои ҷадиди соҳа ибрози ақида намуд.
Дар мулоқот муносибатҳои дуҷониба ва дурнамои густариши ҳамкорӣ байни Вазорат ва СБМ дар заминаи лоиҳаҳои амалкунанда ва дигар самтҳои мавриди эҳтимоми муштарак баррасӣ шуданд.
Роҳбари дафтари СБМ дар Ҷумҳурии Тоҷикистон минатдории хешро ҷиҳати дар сатҳи баланди касбӣ мусоидат намудан дар татбиқи босамари Барномаи ҳамгироӣ, устуворӣ ва беҳсозии Тоҷикистон ва Афғонистон солҳои 2016-2020, ба унвонии Вазири меҳнат, муҳоҷират ва шуғли аҳолии Ҷумҳурии Тоҷикистон иброз намуд.
Дар ҷараёни вохӯрӣ ҷонибҳо аҳамияти идомаи минбаъдаи ҳамкорӣ ва ҳамоҳангии иқдомҳо миёни Вазорати меҳнат, муҳоҷират ва шуғли аҳолии Ҷумҳурии Тоҷикистон ва СБМ-ро дар амалисозии нақшаву лоиҳаҳои минбаъда таъкид намуданд.
Натиҷаҳои Конфронси байналмилалии сатҳи баланд оид ба ҳифзи пиряхҳо дар қароргоҳи Созмони Милали Муттаҳид муаррифӣ гардид
Таҳти раёсати ҷониби Тоҷикистон ҷаласаи Шурои иқтисодии Иттиҳоди Давлатҳои Мустақил доир шуд
Тақвияти ҳамкории байниминтақавӣ байни Тоҷикистон ва вилояти Малатияи Туркия баррасӣ шуд
Байни Тоҷикистон ва Иттиҳоди Доминика низоми бераводид эътибор пайдо намуд
Дар Ню-Йорк ҳамкории Тоҷикистон бо Комиссияи иқтисодӣ ва иҷтимоии СММ барои Осиё ва Уқёнуси Ором баррасӣ гардид
Сафири Тоҷикистон бо муовини вазири маорифи Арабистони Саудӣ мулоқот намуд
Президенти Муғулистон бо сафари давлатӣ ба Ҷумҳурии Тоҷикистон ташриф меорад
Сарвазири Тоҷикистон бо Вазири иқтисод ва сайёҳии Амороти Муттаҳидаи Араб мулоқот намуд
Дар Тянҷин мулоқоти вазирони корҳои хориҷии Тоҷикистон ва Чин баргузор гардид
Сафири Тоҷикистон бо мудири кулли Фонди кувайтии рушди иқтисодии араб мулоқот намуд
Дар Давҳа машваратҳои сиёсӣ байни вазоратҳои корҳои хориҷии Тоҷикистон ва Қатар баргузор гардиданд
Сироҷиддин Муҳриддин дар ҷаласаи Шурои вазирони корҳои хориҷии давлатҳои аъзои Созмони ҳамкории Шанхай иштирок намуд
