Ба шарафи ҷашни 5500-солагии Саразми бостонӣ дар Тоҷикобод озмуни «Таронаи ваҳдат» доир гардид
ТОҶИКОБОД, 07.04.2020. /АМИТ «Ховар»/. Бахшида ба ҷашни 5500-солагии шаҳри Саразми бостонӣ дар ноҳияи Тоҷикобод Фестивал-озмуни ҷумҳуриявии ансамблҳои тарона ва рақс таҳти унвони «Таронаи ваҳдат» баргузор гардид. Дар ин бора ба хабарнигори АМИТ «Ховар» аз шуъбаи фарҳанги ноҳия хабар доданд.
Озмуни мазкур имкон дод, ки санъаткорон дар доираи 11 номинатсия, аз ҷумла, навозиши умумӣ, намоиши либосҳои миллӣ, рақси якка, суруди якка, суруди эстрадӣ, навозиши якка, суруд бахшида ба 5500- солагии Саразми бостонӣ, суруди фолклорӣ, бадеҳа, карнайбазм ва сюитаи овозию рақсӣ ҳунарнамоӣ намоянд.
Ғолибони даври аввали фестивал-озмун ба даври ниҳоӣ роҳхат гирифтанд, ки он моҳи июни соли 2020 дар шаҳри Панҷакент баргузор мегардад. Беҳтаринҳоро мукофотҳои пулӣ, аз ҷумла Шоҳҷоиза ба маблағи 5000 сомонӣ, барои ҷои аввал 4000 сомонӣ, ҷои дуюм 3000 ва ҷои сеюм 1980 сомонӣ интизор аст.
Мақсад аз баргузории озмун- намоиш додани дастовардҳои ҳунарию фарҳангӣ, тақвият ва таҳким бахшидани бунёди ҷомеаи Тоҷикистон ва ба ин васила баланд бардоштани нақши ҷомеа дар раванди тарбияи маънавии шаҳрвандон, бахусус насли наврас дар рӯҳияи хештаншиносӣ, ватандӯстӣ, ифтихори миллӣ, арҷгузорӣ ба мероси ғановатманди фарҳанги миллӣ ва ҳамчунин намоиш додани тобишҳои рангини фарҳангу ҳунари ҳар як минтақа мебошад.
«ДУРАХШИ АХТАРОН: ҶОМӢ ВА НАВОӢ». Протокол оид ба таҳияи филми ҳунарии муштараки Тоҷикистону Узбекистон ба тасвиб расид
Рӯзҳои синамои Узбекистон дар Тоҷикистон бо намоиши филми ҳунарии «Зинда бод, ҳамсар!» ҷамъбаст гардид
«САД РАНГИ ЧАКАН». Дар Душанбе ин фестивали ҷумҳуриявӣ ҷамъбаст гардид
Роҳбарзанони Узбекистон бо табиати зебои шаҳри Норак шинос шуданд
Дар Душанбе ҳамкории илмии Академияи миллии илмҳои Тоҷикистон ва Донишгоҳи Акитаи Ҷопон баррасӣ шуд
Дар Донишгоҳи техникии Тоҷикистон даври аввали Озмуни ҷумҳуриявии «Илм-фурӯғи маърифат» баргузор шуд
Донишкадаи давлатии фарҳанг ва санъати Тоҷикистон бо 4 муассисаи таҳсилоти олии Узбекистон ҳамкорӣ мекунад
«ШОҲРОҲИ БУЗУРГИ АБРЕШИМ». Тоҷикистон барои иштирок дар ин намоиши байналмилалӣ омодагии ҷиддӣ мебинад
Дар Душанбе конференсияи ҷумҳуриявӣ оид ба ҳифзи ёдгориҳои таърихию фарҳангӣ доир гардид
Дар Душанбе бо иштироки олимону зиёиёни Тоҷикистон ва Узбекистон конференсияи байналмилалӣ баргузор шуд
Дар доираи Ҳафтаи илм оид ба мероси уран дар Осиёи Марказӣ конфронси байналмилалӣ баргузор гардид
ИМРӮЗ-РӮЗИ ҶАҲОНИИ ҲИФЗИ ЁДГОРИҲОИ ТАЪРИХИЮ ФАРҲАНГӢ. Дар Тоҷикистон зиёда аз 100 ёдгории таърихиву фарҳангӣ тармиму барқарор гардид
