Кишоварзони Ҳисор дар 2500 гектар пунбадона кишт менамоянд
ДУШАНБЕ, 21.04.2020/АМИТ «Ховар»/. Деҳқонони шаҳри Ҳисор тасмим гирифтаанд, ки соли равон бо истифода аз рӯзҳои офтобӣ ва имкониятҳои мавҷудаи аграрӣ дар 2500 гектар пунбадона кишт намоянд.
Раиси шаҳри Ҳисор Шарифҷон Ҷумъазода бо кормандон ва мутахассисони соҳаи кишоварзӣ аз вазъи корҳои саҳроӣ дар хоҷагиҳои ҷамъиятӣ ва деҳқонӣ дидан намуда, ба маъракаи кишти пунбадона дар чанд хоҷагӣ оғоз бахшид.
Мавсуф ҳамчунин бо вазъи сабзиши пунбадонаи кишташуда, парвариши сабзавот дар гармхонаҳо, кишт ва сабзиши пиёзу картошка, маърифати истифодаи замин дар хоҷагиҳои деҳқонӣ шинос шуда, бо кишоварзон мулоқот ва суҳбати судманд намуд.
Зимни суҳбат бо деҳқонону кишоварзони шаҳр Ш. Ҷумъазода таъкид намуд, ки аз ҳоло бояд барои истеҳсоли маҳсулот ва баланд намудани маҳсулнокӣ эътибори махсус зоҳир ва ҳар қитъаи замин самаранок истифода гардад. Масъулони соҳаи кишоварзӣ вазифадор гардиданд, ки аз ҳоло нақшаи кишти такрориро омода намуда, махсусан ба истеҳсоли сабзавот ва зироати лӯбиёгӣ эътибори ҷиддӣ диҳанд.
Ҳоло дар тамоми хоҷагиҳои кишоварзии шаҳри Ҳисор бо истифода аз рӯзҳои гарму офтобӣ кишти баҳории сабзавот ва дигар навъҳои зироат босуръат идома дошта, деҳқонону кишоварзон азм доранд, ки бо рӯёнидани ҳосили фаровони сабзавоту зироат ва меваҷот дар таъмини амнияти озуқавории мамлакат, хусусан бозори истеъмолии мамлакат бо маҳсулоти кишоварзӣ дар ҳамаи фаслҳои сол саҳми назаррас гузоранд.
Дар Душанбе самтҳои ҳамкорӣ бо ҳайати Палатаи савдои хориҷии Олмон баррасӣ гардид
Тоҷикистон дар доираи татбиқи Консепсияи рушди соҳаи ангишт ҳаҷми истихроҷи ангиштро ба 15 миллион тонна мерасонад
Дар Остона Форуми соҳибкории Тоҷикистону Қазоқистон баргузор шуд
Дар оянда байни Тоҷикистон ва Амрико парвозҳои мустақими ҳавоӣ ба роҳ монда мешаванд
Ҳамкории Кумитаи рушди маҳали Тоҷикистон ва Бонки ҷаҳонӣ оид ба такмили низоми худидоракунӣ баррасӣ гардид
Таҳкими ҳамкории иқтисодию сармоягузории Тоҷикистону Ветнам баррасӣ карда шуд
Масъалаҳои тақвияти ҳамкорӣ дар самти бехатарии озуқаворӣ бо намояндагони Бонки ҷаҳонӣ баррасӣ шуданд
Байни Тоҷикистон ва Лаос масоили таҳкими ҳамкории сармоягузорӣ ва иқтисодӣ баррасӣ гардид
Ҳамкории Тоҷикистон ва Қирғизистон дар самтҳои тиҷорат, нақлиёт, сармоягузорӣ ва логистика густариш меёбад
Таҳкими ҳамкории Тоҷикистон бо ширкати «Smart Villages» -и Миср дар соҳаи инноватсия баррасӣ гардид
Вазири рушди иқтисод ва савдои Тоҷикистон дар чорабинии сатҳи баланди СПЕКА иштирок намуд
Файзиддин Қаҳҳорзода бо намояндагони Институти ҷаҳонии рушди сабз ва Комиссияи иқтисодӣ ва иҷтимоии СММ вохӯрӣ намуд
