Моҳи сентябр дар Панҷакент сохтмони корхонаи металлургии коркарди мис оғоз меёбад

Апрель 8, 2020 11:03

ДУШАНБЕ, 08.04.2020 /АМИТ «Ховар»/. Нақши корхонаи муштараки «Зарафшон» дар рушди  иқтисодиёти шаҳри Панҷакент назаррас буда, дар он беш аз 2 ҳазору 90 коргар фаъолият доранд. Бо бунёди корхонаи металлургии коркарди мис теъдоди зиёди сокинон иловатан бо ҷойи кор таъмин мегарданд. Тибқи нақша, сохтмони корхонаи нав моҳи сентябри соли равон оғоз шуда, соли 2022 ба охир мерасад. Ин нукта 7 апрел зимни мулоқоти Раиси вилояти Суғд Раҷаббой Аҳмадзода бо роҳбари корхонаи муштараки «Зарафшон» Жан Яомин зикр гардид.

Тавре аз хадамоти матбуоти Раиси вилояти Суғд ба АМИТ «Ховар» иттилоъ доданд, ҷонибҳо дурнамои ҳамкорӣ, зиёд намудани ҳаҷми истеҳсолот дар корхонаи муштараки «Зарафшон», иҷрои уҳдадориҳои корхона, ташкили ҷойҳои нави корӣ ва бунёди боз як корхонаи металлургии коркарди мисро баррасӣ намуданд.

Раҷаббой Аҳмадзода бо ёдоварӣ аз ҳадафи чоруми миллӣ эълон шудани саноатисозии мамлакат бунёди корхонаи навро дар самти таъсиси ҷойҳои нави корӣ саривақтӣ арзёбӣ намуд. Ҳамзамон гуфта шуд, ки тибқи ​ уҳдадориҳо аз ҷониби корхона дар шаҳри Панҷакент ду мактаби замонавӣ бунёд мегардад.

Дар поёни мулоқот изҳори боварӣ карда шуд, ки бо дастгириҳои Ҳукумати мамлакат корхона уҳдадориҳояшро иҷро намуда, ҷиҳати расидан ба ҳадафи чоруми миллӣ аз тамоми имкониятҳо истифода менамояд.

Ёдовар мешавем, ки дар се моҳи аввали соли 2020 дар корхонаи муштараки «Зарафшон» ба маблағи 850,3 миллион сомонӣ маҳсулот истеҳсол карда шуд, ки ин дар қиёс ба ҳамин давраи соли гузашта 286,5 миллион сомонӣ зиёд мебошад.

Апрель 8, 2020 11:03

Хабарҳои дигари ин бахш

Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст
Рақамикунонии соҳаи замин дар Тоҷикистон бо ҳайати Бонки рушди Осиё баррасӣ шуд