Озмуни лоиҳаи экологӣ барои мактаббачагон ба Рӯзи байналмилалии Замин бахшида шуд
ДУШАНБЕ, 22.04.2020 /АМИТ «Ховар»/. Имрӯз бахшида ба Рӯзи байналмилалии Замин дар шаҳри Душанбе озмуни лоиҳаи экологӣ барои мактаббачагон оид ба тағйирёбии иқлим баргузор гардид. Дар он хонандагони муассисаҳои таҳсилоти миёнаи умумӣ иштирок намуда, лоиҳаи омода намудаи худро муаррифӣ ва пешниҳоди ҳакамон гардониданд.
Хонандаи синфи 9-и мактаби миёнаи умумии №55 шаҳри Душанбе Абдулло Абдураҳимов дар муаррифии лоиҳаи гурӯҳии худ роҳҳои тоза намудани каналҳоро иброз дошта, зикр намуд, ки далелҳои асосии ифлосшавии табиат — ин сараввал маърифати пасти экологии бархе аз одамон мебошад. Зеро ин нафарон дидаву дониста, партовҳои худро на дар ҷойҳои махсус, балки дар атрофи ҷойҳои истиқоматии худ мепартоянд. Имрӯз қисми зиёди ин партовҳоро зарфҳои пластикӣ ташкил медиҳанд. Бештари онҳо дар дохили ҷӯйбор ва каналҳои обгузар партофта мешаванд. Ин бешубҳа, аз дониши хуби экологӣ надоштани ин гуна шаҳрвандон дарак медиҳад, ки қонунҳои экологиро риоя накарда, табиатро бо дастони худ ифлос мекунанд.
Ҳамчунин номбурда мегӯяд, ки ҳадаф аз омода намудани лоиҳаи мазкур- ин тоза нигоҳ доштани каналҳои обгузар ва ба ҳусни шаҳри Душанбе ҳусни дигар зам намудан аст.
Рӯзи байналмилалии Замин соли 1970 дар Амрико дар Иҷлосияи 63-юми Маҷмааи умумии Созмони Милали Муттаҳид эълон гардидааст. Ин рӯзро дар баробари ИМА беш аз 192 давлати дунё ҷашн гирифта, онро ба анъанаи ниҳолшинонӣ алоқаманд мекунанд.
Мақсад аз таҷлили ин рӯз ҷалб намудани таваҷҷуҳи аҳолии сайёра ба тозаю озода нигоҳ доштан ва ҳифзи сайёра мебошад.
Ҷашн гирифтани Рӯзи Замин аҳамияти фалсафӣ, тарбиявӣ, башардӯстӣ ва экологӣ дошта, ин рӯз дар аксар кишварҳои дунё бо ташаббус ва иқдомҳои наҷиб оид ба ҳифзи табиат, ёдгориҳои табиӣ, гуногунии биологӣ ва экосистемаҳои табиӣ роҳандозӣ карда мешавад.
АКС аз бойгонӣ
«БО ҲАМ». Дар Осорхонаи миллӣ намоиши асарҳои рассомони муосири тоҷик оғоз шуд
Муовини вазири корҳои хориҷии Ҷумҳурии Мардумии Чин Қалъаи Ҳисорро тамошо намуд
Чор иншооти муҳими шаҳри қадимии Панҷакент барқарор карда шуд
Дар Институти физикаю техника озмоишгоҳи замонавӣ ба истифода дода шуд
Дар мактаби миёнаи № 35-и шаҳри Минск ба номи Домулло Азизов барномаи фарҳангӣ доир шуд
Дар пояи муҷассамаи Ҳаким Абулқосим Фирдавсӣ дар шаҳри Рими Италия аз номи Пешвои миллат Эмомалӣ Раҳмон гулчанбар гузошта шуд
Дар Душанбе конференсияи байналмилалии «Густариши ҳамкории мамлакатҳои Осиёи Марказӣ дар бахши обу энергетика» идома меёбад
Дар Бохтар аввалин Фестивал-намоишгоҳи байналмилалии донишгоҳҳои давлатҳои хориҷӣ баргузор гардид
Дар мавзуи «Паёми Президенти Тоҷикистон ва масъалаҳои рушди фаъолияти китобдорӣ ва бойгонишиносӣ» ҳамоиш доир шуд
Дар Академияи миллии илмҳои Тоҷикистон бо ҳайати намояндагони Академияи илмҳои Чин вохӯрӣ доир шуд
Дар Тоҷикистон барномаи омӯзишии Мактаби театрии Александрин мегузарад
ТАРБИЯИ ВАТАНДӮСТИИ ШАҲРВАНДОН. Дар шаҳри Ҳисор озмунҳои «Тоҷикистони ман!» ва «Шоҳнома Ватан аст!» доир мегарданд
