Тоҷикобод 50 нафар ҷавонони ватандӯсти далерашро ба сафи Артиши миллӣ сафарбар намуд
ТОҶИКОБОД, 03.04.2020. /АМИТ «Ховар»/. Дар саҳни бинои коммиссариати ҳарбии ноҳияи Тоҷикобод 61 нафар даъватшудагон бо мақсади аз ташхиси тиббӣ гузаштан бо либосҳои варзишӣ ҷамъ омаданд. Баъди баргузории муоинаи тиббӣ аз байни даъватшудагон 50 нафарашон ҳамчун ҷавонони солим барои хизмат интихоб шуда, ба сафи Артиши миллӣ сафарбар шуданд.
Дар ҷамъомади тантанавӣ, ки ба хотири гусели наваскарон ба сафи Қувваҳои мусаллаҳи Ҷумҳурии Тоҷикистон барпо гардид, раиси ноҳияи Тоҷикобод Маҳмадшозода Ҳамидулло зикр намуд, ки бо Фармони Сарфармондеҳи Қувваҳои мусаллаҳи Ҷумҳурии Тоҷикистон, Президенти Ҷумҳурии Тоҷикистон муҳтарам Эмомалӣ Раҳмон аз 3 марти соли 2020 даъвати баҳории ҷавонон ба сафи Қувваҳои мусаллаҳи Ҷумҳурии Тоҷикистон оғоз гардид.
«Ҷавонони шуҷою ғаюри ноҳияи Тоҷикобод ба комиссариати ҳарбии ноҳия омада, аз омодагӣ барои адои қарзи шаҳрвандии худ дарак доданд. Мутобиқи Конститутсияи Ҷумҳурии Тоҷикистон ҳифзи Ватан -вазифаи муқаддаси ҳар як шаҳрванди Ҷумҳурии Тоҷикистон мебошад. Аз ин рӯ ҳар як ҷавони ба синни даъватӣ расида бояд бо ифтихор ва сарафрозӣ, бо иродаи қавӣ ва ҳисси баланди миллӣ ба дифои марзу буми Ватан омодагӣ гирифта, қарзи шаҳрвандии хешро дар назди Модар-Ватан иҷро намояд. Хизмат мактаби шарафу номус, мардонагию шуҷоатмандӣ буда, маҳз обутоби бадан ва ҳамчун шахсият шинохташавии мард аз ҳамин мактаб ибтидо меёбад»,- зикр намуд Ҳамидулло Маҳмадшозода.
Дар ҷамъомад ҳамчунин собиқадорони ҷангу меҳнат ва падару модарони наваскарон сухан гуфта, ҷавононро ба хизмати Ватан — Модар ҳидоят намуданд.
Дар хатми он ҳунармандони бахши фарҳанги ноҳия бо рақсу сурудҳои дилнишин хотири наваскаронро шод намуда, онҳоро ба сафи Қувваҳои мусаллаҳи Ҷумҳурии Тоҷикистон гусел намуданд.
Дар Вазорати мудофиаи Тоҷикистон оид ба масоили марбут ба амнияти давлат ҷаласа доир шуд
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
Тақвияти ҳамкорӣ дар соҳаи амнияти миллӣ вобаста ба гардиши ғайриқонунии маводи химиявӣ, биологӣ, радиатсионӣ ва ядроӣ баррасӣ шуд
Дар Душанбе ҷаласаи Платформаи миллӣ оид ба паст намудани хавфи офатҳои табиӣ баргузор гардид
Котиби Шурои амнияти Ҷумҳурии Тоҷикистон бо Сафири Русия дар Тоҷикистон мулоқот намуд
Ҷаласаи корӣ бо иштироки роҳбарони мақомоти марказии иҷроияи ҳокимияти давлатии Ҷумҳурии Тоҷикистон доир гардид
ПЕШГИРИИ СӮХТОР. Қоидаҳо бар зидди сӯхторро қатъиян бояд риоя намуд
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
