Вазири корҳои хориҷии Тоҷикистон Сафири Давлати Фаластинро ба ҳузур пазируфт
ДУШАНБЕ, 04.04.2020 /АМИТ «Ховар»/. 3 апрел Вазири корҳои хориҷии Ҷумҳурии Тоҷикистон Сироҷиддин Муҳриддин Сафири навтаъйини Фавқулода ва Мухтори Давлати Фаластин дар Ҷумҳурии Тоҷикистон Луай Исоро ба муносибати супоридани нусхаи эътимоднома ба ҳузур пазируфт. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Дар ҷараёни суҳбат раванди мусбати густариши робитаҳои Тоҷикистону Фаластин дар соҳаҳои гуногун, аз ҷумла таҳким ёфтани муколамаи сиёсӣ таъкид гардид. Дар баробари ин таваҷҷуҳи тарафайн ба зарурати афзоиши робитаҳо ҷиҳати истифодаи густурдаи зарфиятҳои ҳамкорӣ бар асоси дӯстии пойдор байни ду давлат ҷалб шуд.
Сироҷиддин Муҳриддин афзуд, ки сулҳи одилона, пойдор ва доимӣ дар Ховари Наздик танҳо дар сурати амалӣ гардидани қароре имконпазир буда метавонад, ки бар ҳамзистии осоиштаи ду давлати мустақил – Фаластин ва Исроил устувор аст.
Дар фарҷом Сироҷиддин Муҳриддин ба нахустин Сафири муқими Фаластин дар Тоҷикистон ба муносибати оғози фаъолияташ комёбӣ орзу намуда, омодагии Вазорати корҳои хориҷиро баҳри мусоидат ба ифтитоҳи Сафорати Фаластин дар Душанбе изҳор кард.
Акс аз ВКХ ҶТ
Сафири Тоҷикистон бо Вазири федералии адлияи Покистон мулоқот намуд
Дар Душанбе машваратҳои сиёсӣ байни вазоратҳои корҳои хориҷии Тоҷикистон ва Ҳиндустон баргузор гардиданд
Сироҷиддин Муҳриддин бо муовини Вазири корҳои хориҷии Ҷумҳурии Ҳиндустон мулоқот намуд
Дар Женева Ҷашни байналмилалии Наврӯзро таҷлил намуданд
Дар шаҳри Дюсселдорф бахшида ба Наврӯзи байналмилалӣ чорабинии бошукуҳи фарҳангӣ баргузор гардид
Дар шаҳри Вена Наврӯзи байналмилалиро таҷлил намуданд
Дар Минск ҷаласаи муштараки Шурои намояндагони доимӣ ва Комиссия оид ба масъалаҳои иқтисодӣ доир гардид
Дар шаҳри Остона Ҷашни байналмилалии Наврӯз бошукуҳ таҷлил карда шуд
Сафири Тоҷикистон ба Президенти Фаронса эътимоднома супорид
Намояндаи доимии Тоҷикистон бо Директори иҷроияи Академияи Созмони умумиҷаҳонии сайёҳӣ мулоқот намуд
Дар Ашқобод Ҷашни байналмилалии Наврӯзро бо тантана таҷлил намуданд
Шараф Шерализода дар Конгресси 13-уми ҷаҳонӣ оид ба сайёҳию кӯҳнавардӣ, барқарорсозӣ ва варзиши зимистона иштирок намуд
