Муассисаи ободонию кабудизоркунии шаҳри Ҳисор: ҳосили зироати полезӣ ба кормандон ройгон тақсим мешавад
ДУШАНБЕ, 23.04.2020 /АМИТ «Ховар»/. Бо мақсади истифодаи самараноки ҳар ваҷаб қитъаи замини корам дар заминҳои хоҷагии ёрирасони Муассисаи ободонию кабудизоркунии назди мақомоти иҷроияи ҳокимияти давлатии шаҳри Ҳисор, ки ба парвариши гулу бутта ва ниҳоли дарахтони ороишӣ машғул аст, парвариши зироати полезӣ ба роҳ монда шуд.
Директори Муасисаи ободонию кабудизоркунии назди мақомоти иҷроияи ҳокимияти давлатии шаҳри Ҳисор Мӯсо Сироҷов мегӯяд, ки ҳосили ин зироати полезӣ ба кормандон ройгон тақсим карда мешавад.
Муассисаи мазкур ду сол қабл ташкил шуда, барои таъсиси хоҷагии ёрирасон бо қарори раиси шаҳр 1 га замин ҷудо карда шуд. Имрӯз дар хоҷагии зикршуда дар баробари парвариши ниҳолу буттаҳои ороишӣ беш аз 100 000 бех гулҳои гуногун парвариш меёбанд. Агар соле қабл мақомоти иҷроияи ноҳия ва ташкилоту муассисаҳои шаҳр аз дигар минтақаҳои ҷумҳурӣ гулу бутта ва дарахтони сояафкану ороишӣ харидорӣ карда бошанд, минбаъд хоҷагӣ дар баробари таъмини талаботи сокинон метавонад онро ба дигар шаҳру ноҳияҳои ҷумҳурӣ ҳам фурӯшад.
Раиси шаҳри Ҳисор Шарифҷон Ҷумъазода зимни боздид аз заминҳои хоҷагии Муассисаи ободонию кабудизоркунӣ ба масъулин супориш дод, ки навъҳои гулу бутта ва ниҳолҳоро афзун намуда, ба парвариши онҳо эътибори бештар диҳанд.
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
