Мақомот корҳои поккориро дар Душанбе вусъат мебахшанд
ДУШАНБЕ, 05.05.2020 /АМИТ «Ховар»/. Гурӯҳи зудамали Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар як шабонарӯзи гузашта дар қаламрави шаҳри Душанбе бо ёрии техникаи махсуси Озмоишгоҳи ҷумҳуриявии кимиёвӣ-радиометрии Кумита корҳои поккорӣ (дезинфексионӣ) гузарониданд, ки дар он бештар аз 7 тонна маҳлули гипохлорит истифода шуд.
Дар ин бора хабарнигори АМИТ «Ховар» бо истинод ба маркази матбуоти Кумитаи ҳолатҳои фавқулодда ва мудофиаи гражданӣ иттилоъ медиҳад.
Бино ба иттилои манбаъ, корҳои дезинфексионӣ ва истифода аз маҳлули гипохлорити натрий ва калсий бештар дар маконҳои ҷамъиятӣ гузаронида мешаванд.
Аз ҷониби кормандони Кумитаи ҳолатҳои фавқулодда ва мудофиаи гражданӣ дар вилояти Хатлон бинои прокуратура, суд, милитсия, майдонҳо, боғҳо ва як қатор қисмҳои ҳарбии наздикии шаҳри Бохтар низ поккорӣ шудаанд.
Ҳангоми роҳандозии корҳои беҳдоштӣ мутахассисони Кумита бо сокинони мамлакат дар бораи риояи қоидаҳои беҳдошт, чӣ тавр худро бояд аз ин вируси хатаровар дур нигоҳ дошт, дар бораи қоидаҳои пӯшидани ниқоб, шустушӯи дасту рӯй ва ғайра суҳбатҳои муфид анҷом доданд.
Ҳамчунин дар ҷараёни роҳандозии корҳои таблиғотӣ ба аҳолӣ варақаҳову китобчаҳо тақсим намуда, дар ҷойҳои серодам ин варақаҳои тавсиявиро насб намуданд.
Дар ноҳияи Файзобод иншооти соҳаи тандурустӣ бунёду навсозӣ карда мешаванд
Дар ноҳияи Шаҳристон доир ба Ваҳдати миллӣ чун рукни асосии ташаккули ҷомеа ва давлат вохӯрӣ баргузор шуд
Маҷлиси Кумитаи иҷроияи Ҳизби Халқии Демократии Тоҷикистон дар шаҳри Душанбе баргузор гардид
НИШАСТИ МАТБУОТӢ. Маркази тадқиқоти стратегӣ бо 26 маркази тадқиқотии хориҷӣ созишномаҳо ба имзо расонид
НИШАСТИ МАТБУОТӢ. Зиёда аз 57 миллион сомонӣ маблағ ба манфиати модару кӯдак ситонида шудааст
Дар Тоҷикистон содиршавии ҷиноят нисбат ба кӯдакон 30 фоиз зиёд шудааст
НИШАСТИ МАТБУОТӢ. Ваколатдор оид ба ҳуқуқи инсон дар Тоҷикистон бо мақомоти ваколатдори Қатар ва Булғористон Ёддошти тафоҳум ба имзо мерасонад
Дар истироҳатгоҳи «Ширкент» 1783 нафар кӯдакону наврасон ба истироҳати бофароғат фаро гирифта шуданд
Маблағи грантҳои президентӣ вобаста ба арзиши лоиҳаҳои пешниҳодшуда ҷудо мегардад
Ҷарроҳони чинӣ наврасонеро, ки бемории нуқсони модарзодии дил доранд, ройгон ташхис менамоянд
НИШАСТИ МАТБУОТӢ. Дар Тоҷикистон ҳолатҳои бекоршавии ақди никоҳ кам шудаанд
Ҳайати ҷавонони Тоҷикистон дар ҷаласаи Шурои ҷавонони Созмони ҳамкории Шанхай иштирок намуд
