Ташкилоти ҷамъиятии «Пайравони Пешвои миллат»: Тақвияти фаъолият ва таъсиси маҳфилҳои доимамалкунанда
ДУШАНБЕ, 09.06.2020 /АМИТ «Ховар»/. Нимаи дуюми рӯзи 8 июн ҷаласаи навбатии Ташкилоти ҷамъиятии «Пайравони Пешвои миллат» бо иштироки муовини раиси Ташкилот Дилноза Аҳмадзода доир гардид, иттилоъ медиҳад АМИТ «Ховар» бо истинод ба Кумитаи кор бо ҷавонон ва варзиши назди Ҳукумати Ҷумҳурии Тоҷикистон.
Дар кори ҷаласа роҳбарони маҳфилҳои адибони ҷавони эҷодкору навқалам, «Фуруғи субҳи донӣ», технологҳои ҷавон, ҳуқуқшиносони ҷавон, стипендиатҳои ҷавон, ҳаҷвнигорони ҷавон ва аъзоёни фаъоли Ташкилот иштирок намуданд.
Муовини раиси Ташкилоти ҷамъиятии «Пайравони Пешвои миллат» Дилноза Аҳмадзода вобаста ба ваъзи кунунии ҷомеаи имрӯза ҷиҳати пешгирӣ ва муборизаи волонтёрон дар ҳолати пендемияи COVID-19 ибрози назар намуда, ташаббус ва фаъолияти пурсамари волонтёрони ташкилотро дар ин давра барои мардуми Тоҷикистон муҳим арзёбӣ намуд.
Роҳбари навтаъини волонтёрони ҷумҳурӣ Каримҷон Салимзода ба иштирокчиён муаррифӣ ва ҳамзамон вазифадор карда шуд, ки дар кутоҳтарин муҳлат тақвияти фаъолияти волонтёрӣ дар мамлакат, роҳҳои муассири ҷалби фаъолияти волонтёрӣ ва ташкили чорабиниҳои гуногун, чораандешӣ намояд.
Дар рафти ҷаласа ҷиҳати тақвияти кори Ташкилот ҷамъиятии «Пайравони Пешвои миллат» ташаббусу иқдомоти нав рӯи кор омада, як қатор маҳфилҳои доимамалкунанда таъсис дода шуд.
Инчунин дар доираи ташаббусҳои мазкур Неъматулло Қурбонов, роҳбари маҳфили «Роҳбаладон»- и назди Ташкилот интихоб гардида, муваззаф карда шуд, ки ҷиҳати омода намудани волонтёрони роҳбалади забондон дар муҳлати наздиктарин чораҳои зарурӣ биандешад.
Дар Тоҷикистон 241 Ассосиатсияи истифодабарандагони об фаъолият менамоянд
СЕ МЕДАЛИ ТИЛЛО. Занони тоҷик дар 17-умин Намоишгоҳи байналмилалии занҳои ихтироъкор «KIWIE -2024» ба ин дастовард ноил гардиданд
Кумитаи кор бо занон ва оила бо усули «Деҳа ба деҳа», «Маҳал ба маҳал» ва «Хона ба хона» чорабиниҳои фарҳангӣ-маърифатӣ мегузаронад
Имсол дар 36065 метр корҳои соҳилмустаҳкамкунӣ гузаронида мешавад
Агентии хизмати давлатӣ: «Қисми зиёди камбудиҳои ошкоршуда дар шаҳру ноҳияҳои вилояти Хатлон бартараф гардиданд»
Маркази миллии қонунгузорӣ: «Дар шаш моҳи соли равон 9 санади меъёрии ҳуқуқӣ аз экспертизаи ҳуқуқӣ гузаронида шуд»
Дар Тоҷикистон дар 3 соли охир 104 муассисаи томактабӣ, 276 толори варзишӣ ва 879 майдончаи варзишӣ бунёд карда шудааст
АЛОМАТҲОИ ОФТОБЗАНӢ КАДОМҲОЯНД? Мутахассисони соҳаи тиб ба ин суол посух доданд
Дар ноҳияи Рӯдакӣ бинои иловагии нозироти минтақавии ШВКД-1 ба истифода дода шуд
Дар шаҳри Ҳисор доир ба нақши занон дар рушди ҷомеа ҳамоиш доир гардид
Кумитаи ҳолатҳои фавқулода ва мудофиаи гражданӣ: «Дар ҳавои гарм либосҳои аз матои табиӣ пӯшед, бештар об нӯшед, мева ва ғизои сабук истеъмол кунед! »
ОГОҲИИ АГЕНТИИ ОБУҲАВОШИНОСӢ. Дар Тоҷикистон баландшавии ҳарорати ҳаво то 31 июл боқӣ мемонад
