«БАРОИ ДАРК КАРДАНИ ВАҲДАТИ МИЛЛӢ ТАЪРИХИ НАВИНИ ХАЛҚИ ТОҶИКРО БОЯД ДОНИСТ». Андешаҳои Низорамоҳ Зарипова дар барномаи «Ҷаҳони андеша» аз Радиои «Ховар»

Июнь 22, 2020 11:06

ДУШАНБЕ, 22.06.2020. /АМИТ «Ховар»/. Созишномаи умумии истиқрори сулҳ ва ризоияти миллӣ дар Тоҷикистон 27 июни соли 1997 дар шаҳри Москваи Федератсияи Россия ба имзо расид. Имсол аз ин санаи таърихӣ 23 сол сипарӣ гардид. Ёдовар шудан аз роҳҳои мушкили расидан ба ин санаи таърихӣ ва минбаъд дар амал татбиқ кардани нишондодҳои ин санади муҳими такдирсоз, мавзӯест ҷолиб ва ёдовар шудани он рӯзҳо, шунидани садои чеҳраҳои шинохтаи сиёсӣ ва ҷамъиятӣ дарсест барои насли ҷавон ва тамоми қишрҳои ҷомеаи имрӯзаи Тоҷикистон.

Низорамоҳ Зарипова, яке аз сиёсатмадор, ходими давлатӣ, Арбоби шоистаи фарҳанг, собиқадори меҳнат, барои ба даст овардани Ваҳдати миллӣ дар баробари ҷавонмардон дар атрофи Асосгузори cулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дошта, саҳми назаррас дорад. Ӯ донишу таҷриба ва умри гаронмояашро сарфи хидмати ин миллат ва ободониву пешрафти мамлакат намуд. Ҷасорат ва маҳорати кордонияш имрӯз низ бо як муҳаббату самимият ёд мешавад. Муносибату муошираташро барои бисёр занону роҳравони роҳи мушкилу дарози сиёсат дарси ибрат донистаанд. Низорамоҳ Зарипова имрӯз дар синни 97 – солагӣ, ҳамчун пири рӯзгордида болои сари фарзандон давлати пирӣ меронад.

«Агар якдигарфаҳмӣ намешуд ба ин рӯзҳои неку осоишта намерасидем. Барои дарк кардани Ваҳдати миллӣ таърихро бояд донист. Тасаввур ва ҳам пеши назар овардани он рӯзҳо ниҳоят мушкил аст. Пиёда, зери барфу борон ва аксар вақт гурусна ба деҳаҳо, ба назди мардум мерафтем. Дарди дили мардумро гӯш мекардему кӯшиш мекардем, ки ба андозаи тавоноӣ кӯмаки худро расонем. Ҳукумати он вақта ба мо бовар карда, моро ба шаҳру навоҳии мамлакат равон мекард, то мардумро ором созем», — мегӯяд собиқадори меҳнат, Низорамоҳ Зарипова.

Идомаи андешаҳои мавсуфро  дар барномаи «Ҷаҳони андеша» имрӯз соатҳои 13:45, 16:45 ва 21:45 аз Радиои «Ховар» бишнавед. Барнома дар таҳияи муҳаррири барнома Моҳинави Наврӯз пешниҳоди шунавандагон мегардад.

Июнь 22, 2020 11:06

Хабарҳои дигари ин бахш

Барномаи «Дармон»-и Радиои «Ховар»: Дар Тоҷикистон то пирӯзӣ ба бемории COVID-19 як қадами дигар мондааст
Барномаи таҳлилии «Бозтоб»-и Радиои «Ховар: Чаро то ҳол дар самти истифодаи неруи барқ масъулият ҳис накардаем?
Барномаи «Ҷаҳони андеша»-и Радиои «Ховар» ба Рӯзи байналмилалии иттилоот барои рушд бахшида мешавад
Бозори истеъмолӣ бо маҳсулоти ватанӣ — гӯшт ва тухми мурғ то кадом андоза таъмин аст? Барномаи «Набзи иқтисод»-и Радиои «Ховар» ин мавзӯъро шарҳ медиҳанд
Барномаи «Бозтоб»-и Радиои “Ховар” ба Рӯзи ҷаҳонии стандартҳо бахшида шудааст
Баррасии татбиқи сиёсати экологӣ дар барномаи таҳлилии «Сарват» аз Радиои «Ховар»
Чӣ гуна истеъдодҳо бояд дар «Озмуни ҷумҳуриявии «Тоҷикистон-Ватани азизи ман» кашф шаванд? Андешаҳои Рустам Ваҳҳобзода дар барномаи «Адиб ва замон» аз Радиои «Ховар»
ТӮЙИ ДОМОДИВУ АРӮСӢ ДАР ДАВРАИ ПАНДЕМИЯ. Барномаи «Бозтоб»-и Радиои «Ховар» ин масъаларо баррасӣ мекунад
«ҶАҲОНИ АНДЕША». Дар ин барнома суҳбатро оид ба тағйиру иловаҳо ба Кодексҳои ҳуқуқвайронкунии маъмурӣ ва ҷиноятии Ҷумҳурии Тоҷикистон бишнавед!
«Об — ҷузъи муҳими организми инсон». Чанд тавсияи муфид доир ба истеъмоли дурусти он дар барномаи «Маслиҳати мутахассис»-и Радиои «Ховар»
Андешаҳои профессор Зайналобиддин Кобулиев вобаста ба нақши Тоҷикистон дар ҳалли мушкилоти об дар барномаи таҳлилии «Сарват» аз Радиои «Ховар»
«CУЛҲУ ВАҲДАТ — МАВЗӮЪҲОИ ҶОВИДОНАИ АДАБИЁТ». Андешаҳои шоира Шаҳрия дар барномаи «Адиб ва замон»-и Радиои «Ховар»

Маводҳои таҳлилӣ