Баррасии вазъи пиряхҳои Тоҷикистон дар барномаи таҳлилии «Сарват» аз радиои «Ховар»

Июнь 22, 2020 13:38

ДУШАНБЕ, 22.06.2020. /АМИТ «Ховар»/. Пиряхҳо яке аз манбаъҳои асосии захираҳои об ба ҳисоб рафта, нақши онҳо дар таъмини кишварҳои дунё бо об ва сероб гардидани дарёҳо муҳим аст. Ҳамин аст, ки ҷомеаи ҷаҳонӣ баҳри ҳифзи пиряхҳо ҳамчун сарчашмаи об тамоми кӯшишро ба харҷ дода, тадбирҳои назаррасро андешида истодааст. Пиряхҳои Тоҷикистон тақрибан 6%-и ҳудуди мамлакатро  ташкил дода, дар ташаккули дарёи калонтарини Осиёи Марказӣ  — Амударё ва ҳавзаи баҳри Арал нақши муҳим мебозанд. Аз ин рў, барои пешгирии обшавии пиряхҳо аз таъсири тағйирёбии иқлим Ҷумҳурии Тоҷикистон зери роҳбарии Президенти мамлакат Эмомалӣ  Раҳмон ҳанўз чанд сол қабл ҷомеаи ҷаҳонро барои ҳамкорӣ  даъват намуда, пешниҳод намуд, ки Бунёди байналмилалии ҳифзи пиряхҳо таъсис дода шавад. Маҳз натиҷаи чунин ташаббусҳои Тоҷикистон ва таваҷҷуҳи ҷомеа ҷаҳон ба масъалаи обшавии пиряхҳо имкон дод, ки имрӯз дар назди Академияи миллии илмҳои Тоҷикистон Муассисаи давлатии илмии “Маркази омӯзиши пиряхҳо” фаъолият дошта, барои муайян намудани вазъи пиряхҳо экспедитсияҳои омӯзишӣ ташкил мекунад.

Тафсилоти бештари мавзӯъ вобаста ба вазъи пиряхҳои Тоҷикистон ва   дурнамои фаъолияти Маркази омӯзиши пиряхҳои Академияи миллии илмҳои Тоҷикистон соатҳои 14:30 ва 20:30 дар барномаи таҳлилии “Сарват”– и радиои “Ховар” бо иштироки профессор Абдулҳамид Қаюмов, директори Маркази омӯзиши пиряхҳо дар таҳияи муҳаррири барнома Манижа Баҳромзода пешниҳоди шунавандагон мегардад.

Июнь 22, 2020 13:38

Хабарҳои дигари ин бахш

Барномаи «Сарват»-и Радиои «Ховар» масъалаи тағйирёбии иқлимро аз нигоҳи Бюллетени Созмони ҷаҳонии метеорологӣ шарҳ медиҳад
ИСТИҚЛОЛИЯТИ ДАВЛАТӢ ВА ТАШАББУСҲОИ МАРБУТ БА ОБИ ТОҶИКИСТОН. Баррасии масъала дар барномаи таҳлилии «Сарват»-и Радиои «Ховар»
ЭЛЕКТРОМОБИЛҲО ВА ТАҒЙИРЁБИИ ИҚЛИМ. Дар барномаи «Сарват»-и Радиои «Ховар» масъалаи мазкур мавриди таҳлил қарор мегирад
Дар барномаи «Гуфтугӯ»-и Радиои «Ховар» вазъи иқтисодиву иҷтимоӣ ва рушди инфрасохтори ноҳияи Ванҷ таҳлил мешавад
КОНФРОНСИ ОБИ СММ-2023 ВА ПАЙОМАДҲОИ ТАҒЙИРЁБИИ ИҚЛИМ. Баррасии масъала дар барномаи таҳлилии «Сарват»-и Радиои «Ховар»
Дар барномаи «Гуфтугӯ»-и Радиои «Ховар» вазъи иқтисодиву иҷтимоӣ ва нигаҳдошти маконҳои таърихию фарҳангии ноҳияи Ишкошим баррасӣ мешавад
ДАР МАВҶ БАРНОМАИ «ГУФТУГӮ»-И РАДИОИ «ХОВАР». Дар доираи Солҳои рушди саноат дар Хоруғ 20 корхонаи саноатӣ бунёд мегардад
Дар барномаи таҳлилии «Сарват» — и Радиои «Ховар» аҳамияти сохтмони НБО-и «Роғун» баррасӣ мешавад
Дар барномаи «Сарват»-и Радиои «Ховар» чорабиниҳои сатҳи байналмилаливу минтақавӣ дар арафаи Конфронси дуюми байналмилалии сатҳи баланд тавзеҳ меёбанд
Дар барномаи «Набзи иқтисод»-и Радиои «Ховар» хатари истеъмоли обҳои газдору бегаз тавзеҳ меёбад
Дар барномаи таҳлилии «Сарват»-и Радиои «Ховар» омодагӣ ба Конфронси байналмилалии дуюми оби Душанбе баррасӣ мешавад
Дар барномаи таҳлилии «Сарват»-и Радиои «Ховар» мушкилоти ҷаҳонии обу иқлим ва нақши Тоҷикистон дар ҳалли он баррасӣ мегардад