«Блогер» барои таҳдиди паррондан бо ҳукми суд ҳабс шуд

Июнь 29, 2020 09:37

ДУШАНБЕ, 29.06.2020 /АМИТ «Ховар»/. Ҳафтаи гузашта дар як қатор сомонаҳои иҷтимоии интернетӣ, махсусан «Инстаграм», навори ҷавоне пахш гардид, ки дар даст яроқи монанд ба таппончаи тамғаи «Макаров» бо суханони таҳдидомез ба ҷониби нафарони гӯё «бахил» муроҷиат намуда, изҳор медошт, ки таппонча ҳақиқӣ аст ва аз он метавонад истифода бурда, нафарони бахилро парронад. Ин навор боиси ба вуҷуд омадани вокунишҳои гуногуни шаҳрвандон шуда, корбарону истифодабарандагони сомонаҳои иҷтимоӣ аз Раёсати ВКД дар шаҳри Душанбе хостори мавриди санҷиш қарор додани навори мазкур гардиданд. Дар ин бора  сардори маркази матбуоти Раёсати ВКД дар шаҳри Душанбе Сироҷиддин Шукуров ба АМИТ «Ховар» хабар дод.

Вобаста ба ин, ҷиҳати муайян намудани шахсияти дар навор инъикосгардида кормандони милитсияи шаҳри Душанбе чораҳои дахлдори оперативӣ роҳандозӣ намуда, дар натиҷа шахсияти ин ҷавонро муайян намуда, ба Раёсати ВКД дар шаҳри Душанбе дастрас намуданд. Муайян карда шуд, ки ин нафар шаҳрванд Фаттоев Шаҳбоз Абдуваҳҳобович, санаи таваллудаш 03 ноябри соли 2000, сокини шаҳри Душанбе, кӯчаи Зебуннисо буда, дар саҳифаи интернетияш худро ҳамчун «блогер» муаррифӣ намудааст.

Зимни пурсиш муайян карда шуд, ки номбурда ба хотири худнамоишдиҳӣ ва бо ин васила машҳур гардидану зиёд намудани сафи аъзоёни саҳифаи иҷтимоии интернетияш ҳангоми қарор доштан дар дохили автомашина таппончаи дар навор инъикосгардидаро гирифта, баъди сабти навори мазкур онро дар саҳифаи инстаграмаш нашр намудааст.

Зимни санҷиш муайян карда шуд, ки яроқи дар навор истифода шуда, таппончаи газӣ буда, он аз ҷониби Раёсати ВКД дар шаҳри Душанбе мусодира карда шуд.

Вобаста ба ҳолати мазкур нисбати шаҳрванд Фаттоев Шаҳбоз барои нашри чунин навори таҳдидовар ва ба таҳлука овардани шаҳрвандон парвандаи маъмурӣ тартиб дода шуда, бо ҳукми суд нисбаташ ҷазо дар намуди ҳабси маъмурӣ ба муҳлати 5-шабонарӯз таъйин карда шуд.

Июнь 29, 2020 09:37

Хабарҳои дигари ин бахш

Тоҷикистон ва Дафтари зиддитеррористии СММ иқдомҳои муштарак оид ба мубориза бар зидди терроризмро баррасӣ намуданд
«ВАТАНПАРВАР». Маҳз чунин мусобиқот имкон медиҳанд, ки ҷавонон маҳорату малакаи ҳарбӣ-варзишии худро такмил диҳанд
Давоми 20 рӯз дар Тоҷикистон маъракаи даъвати ҳарбӣ ба қадри 50 фоиз таъмин шуд
ДАР РАМАЗОН ИНФИҶОР ВА…ЧАШМОНИ АШКБОР. Бар асари ду таркиш дар Кобул беш аз 20 нафар мактаббачагон ҷон бохтанд
Дар Қазоқистон машқҳои Низоми муштараки мудофиаи зиддиҳавоии ИДМ баргузор шуданд
Саидиброҳимови дар ҷустуҷӯбуда бо худиқрорӣ ба мақомоти милитсия ҳозир гардид
Пешвои миллат Эмомалӣ Раҳмон: Тоҷикистон ва Қирғизистон масъалаҳои марзиро танҳо бо роҳи осоишта метавонанд ҳал намоянд
Дар Тошканд ҷаласаи коршиносон оид ба омодагӣ ба нишасти котибони Шӯрои амнияти кишварҳои узви СҲШ доир шуд
МИЛИТСИЯ-СИПАРУ ТАКЯГОҲ. Шариф Назарзода сокинони маҳаллаҳои шаҳри Хоруғро ба тақвияти ҳамкории дуҷониба даъват намуд
Маркази робитаҳои ҷамъиятии Раёсати КДАМ ҶТ дар ВМКБ хабар медиҳад
Имрӯз дар Чимкент ҷаласаи Кумитаи зиддиҳавоии мудофиавии кишварҳои узви ИДМ баргузор мегардад
ДАЪВАТИ БАҲОРӢ. Дар даҳ рӯзи аввал ин маъракаи сиёсӣ дар Тоҷикистон ба қадри 40 фоиз таъмин шуд