Кормандзанони милитсияи вилояти Хатлон бо шаҳрвандон суҳбатҳои сарироҳӣ мегузаронанд

Июнь 25, 2020 13:20

ДУШАНБЕ, 25.06.2020 /АМИТ «Ховар»/. Бо ташаббуси роҳбарияти Раёсати Вазорати корҳои дохилӣ дар вилояти Хатлон аз ҳисоби Шуъбаи кор бо занони раёсати мазкур гурӯҳи корӣ таъсис дода шуда, бо сокинони шаҳри Бохтар дар назди бозори марказӣ, маконҳои серодами ҷамъиятӣ ва кӯчаву маҳаллаҳо корҳои фаҳмондадиҳӣ ва суҳбатҳои сарироҳиро ҷиҳати пешгирии паҳншавии бемории сироятии коронавируси COVID-19 ва рафти амалишавии қонунҳои Ҷумҳурии Тоҷикистон «Дар бораи пешгирии зӯроварӣ дар оила», «Дар бораи танзими анъана ва ҷашну маросим дар Ҷумҳурии Тоҷикистон», «Дар бораи масъулияти падару модар дар таълиму тарбияи фарзанд» анҷом дода истодаанд. Дар ин бора аз Вазорати корҳои дохилии Ҷумҳурии Тоҷикистон ба АМИТ «Ховар» хабар доданд.

Зимни баргузории суҳбатҳо таъкид карда мешавад, ки волидайн кӯдакони хурдсол ва мактабхонашонро дар вақти таътили муваққатӣ беназорат нагузошта, онҳоро ба мутолиаи китобҳои бадеӣ ва машғул шудан ба варзиш ҷалб намоянд.

Ҳангоми муошират дар ҷойҳои ҷамъиятӣ ба қоидаҳои тавсия кардаи табибон риоя намуда, саломатии худу дигаронро зери хатар нагузоранд.

Ҳамзамон дар рафти корҳои фаҳмондадиҳӣ аз ҷониби аъзоёни гурӯҳи корӣ ба сокинон ба таври ройгон ниқобҳои тиббии муҳофизатӣ, маводҳои иттилоотиву тарғиботӣ ва маводҳои антисептикӣ ба таври ройгон тақсим карда шуда, дар ин самт чорабиниҳо идома доранд.

Мавриди зикр аст, ки бо талошҳои пайвастаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, Ҳукумати Ҷумҳурии Тоҷикистон чораҳои муассири мубориза бар зидди бемории сироятии коронавирус COVID-19 таҳия ва амалӣ карда шуда, вазъи эпидемиологии мамлакат ба эътидол омада истодааст. Ҳамагон пайваста кушиш менамоянд, ки дар самти пешгирии ин вабои аср саҳмгузор бошанд. Вазъи ба амал омада мардуми худогоҳу ватанпарварро бетараф намегузорад.

Нақши занон имрӯзҳо дар ҷомеаи мутамаддини Тоҷикистони соҳибистиқлол бағоят муҳим буда, онҳо дар тамоми сохторҳои идоракунии давлатӣ дар баробари мардон фаъолият карда истодаанд.

Алалхусус, кормандзанони милитсия, ки вазифаҳои пурмасъулро ба дӯш доранд, имрӯзҳо кушиш ба харҷ медиҳанд, ки ҷалби аҳолиро ба корҳои ободонию бунёдкорӣ, тозаву озода нигоҳ доштани муҳити зист ва риояи талаботи санитарию гигиенӣ бештар намоянд.

Заҳмати софдилонаи кормандзанони милитсия ҳамасола аз ҷониби Роҳбари давлат, Роҳбарияти ВКД Ҷумҳурии Тоҷикистон ва Роҳбарияти РВКД дар вилояти Хатлон қадршиносӣ мегардад.

Июнь 25, 2020 13:20

Хабарҳои дигари ин бахш

Дар ноҳияи Дарвоз истеҳсоли картошка 3 баробар, сабзавот 5 ва мева 9 баробар афзоиш ёфтааст
РАҚАМИКУНОНӢ. Маркази тамос барои хизматрасонӣ ба нафақагирон тавассути рақами кутоҳи 3900 фаъол гардид
ТАҒЙИРЁБИИ ИҚЛИМ. Чӣ гуна худ ва атрофиёнро аз чангу ғубор муҳофизат намоем?
МАСЛИҲАТИ МУТАХАССИС. Барои фоиданокӣ қаламфури булғориро бе коркард, дар шакли тару тоза истифода баред
Дар шаҳри Бӯстон сохтмони корхонаи муосири забҳи парранда идома дорад
Имрӯз дар Тоҷикистон чангу ғубор ба амал меояд
Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб
Имрӯз дар Тоҷикистон ҳаво то 37 дараҷа гарм мешавад