Сафорати Тоҷикистон дар Россия: Баруйхатгирии шаҳрвандон барои баргаштан ба Ватан тибқи талаботи муайяншуда анҷом дода мешавад

Июнь 20, 2020 10:11

ДУШАНБЕ, 20.06.2020 /АМИТ «Ховар»/. Тавре қаблан иттилоъ дода будем, бо дастури Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз 25-уми июни соли 2020 барои марҳила ба марҳила баргардонидани шаҳрвандони Тоҷикистон аз ҷониби ширкатҳои ватании «Тоҷик-Эйр» ва «Сомон-Эйр» ба самти шаҳрҳои Москва, Санкт-Петербург, Қазон, Новосибирск ва Екатеринбурги Федератсияи Россия ва аз ин шаҳрҳо ба Тоҷикистон парвозҳои чартерӣ анҷом дода мешаванд.

Сафорати Тоҷикистон дар Россия таъкид медорад, ки баруйхатгирии шаҳрвандон барои баргаштан ба Тоҷикистон тибқи талаботи муайяншуда, тавассути комиссияи дар назди Сафорати Тоҷикистон дар Россия амалкунанда анҷом дода мешавад.

Дар бораи парвозҳои чартерии ҳавопаймоҳо Сафорати Тоҷикистон дар Россия ба таваҷҷуҳи ҳамватанон маълумоти иловагиро пешниҳод менамояд.

Дар ин росто, Сафорати Тоҷикистон дар Россия ба таваҷҷуҳи ҳамватанон мерасонад, ки маълумот дар бораи рӯзи парвозҳо ва аз куҷо харидани билети ҳавопаймо, пас аз тартиб додани руйхати мусофирон эълон мегардад.

Тартиб додани руйхат тибқи муроҷиати шаҳрвандон ба суроғаи электронии charter-russia@mfa.tj сурат мегирад.

Нархи билетҳо аз тарафи ширкатҳои ватании “Тоҷик Эйр” ва “Сомон Эйр” муайян гардида, фурӯши билетҳоро низ, он ширкатҳо таъмин менамоянд. Дар ин бора шаҳрвандон огоҳ карда мешаванд.

«Бинобар ин, аз ҳамватанон изҳори хоҳиш мегардад, ки фирефтаи қаллобон ва дигар шахсони ғаразнок нашуда, аз ягон нафаре билети ҳавопаймо нахаранд», — таъкид намуданд дар Сафорати Тоҷикистон дар Россия.

Ба шахсоне, ки тибқи рӯйхат, бояд билети ҳавопаймо харидорӣ намоянд, аз тарафи комиссия бо онҳо шахсан тамос гирифта, маълумот дода мешавад.

Намояндагии дипломатии Тоҷикистон бори дигар огоҳ менамояд, ки дигар намуди фурӯши билети ҳавопаймоҳо пешбинӣ нагардидааст.

Ҳамчунин, масъалаи барқарор намудани парвозҳои мунтазам ва таъмини рафтуомади шаҳрвандон, ки аз беҳтар шудани вазъи беҳдоштию эпидемиологӣ вобастагӣ дорад, мавриди баррасии ҳамаи кишварҳо қарор дорад ва ба маҳзи фароҳам шудани чунин имкониятҳо, маълумот иловагӣ дода мешавад.

Июнь 20, 2020 10:11

Хабарҳои дигари ин бахш

Дар Боку масъалаи баргузории Конфронси оби СММ-2023 дар Ню-Йорк баррасӣ гардид
Шараф Шерализода бо роҳбари Дафтари минтақавии СММ оид ба коҳиши хатари офатҳо Октавиан Бивол мулоқот намуд
Доир ба нақши Президенти Тоҷикистон дар танзими масоили Афғонистон китоби нави Муҳаммадӣ Сафолзода ба нашр расид
Давлатшоҳ Гулмаҳмадзода бо Вазири илм ва таҳсилоти олии Федератсияи Россия Валерий Фалков мулоқот намуд
Сафири Тоҷикистон ба Подшоҳи Таиланд эътимоднома тақдим намуд
Тоҷикистон ва Чехия масъалаҳои ҳамкорӣ миёни ду кишварро баррасӣ карданд
Дар Кувайт масъалаи баргузории Конфронси оби СММ-2023 дар Ню-Йорк баррасӣ гардид
Сафорати Тоҷикистон дар Россия аз ҳамватанон даъват намуд, ки танҳо ба маълумоти расмӣ таваҷҷуҳ намоянд
Файсал ибни Фарҳон Оли Сауд: «Равобити Тоҷикистон ва Подшоҳии Арабистони Саудӣ ба таври афзоянда рушд мекунанд»
Дар Душанбе мулоқоти вазирони корҳои хориҷии Тоҷикистон ва Арабистони Саудӣ баргузор гардид
Тоҷикистон ва Туркманистон дурнамои муносибатҳои дуҷонибаро дар бахшҳои мухталиф баррасӣ карданд
Сафорати Россия дар Душанбе паёмҳо дар бораи даъвати муҳоҷирон ба хидмати низомиро «фейк» номид