Сарбозони Тоҷикистон барои иштирок дар гузашти низомӣ ба Москва парвоз карданд
ДУШАНБЕ, 12.06.2020 АМИТ «Ховар»/. Имрӯз сарбозони артиши Тоҷикистон барои иштирок дар гузашти низомӣ ба ифтихори 75-умин солгарди Ғалаба дар Ҷанги Бузурги Ватанӣ, ки қарор аст 24 июн дар пойтахти Россия баргузор шавад, вориди Маскав шуданд. Дар ин бора роҳбари Маркази матбуоти Вазорати мудофиаи Тоҷикистон Фаридун Маҳмадализода ба АМИТ «Ховар» хабар дод.
«75 нафар сарбозон аз Тоҷикистон, аз ҷумла курсантҳои Донишкадаи ҳарбии Вазорати мудофиа, афсарон ва сарбозони баталйони қаровули фахрии Ситоди генералии Қувваҳои мусаллаҳи кишвар ба Москва фиристонда шуданд», — гуфт Маҳмадализода.
Алакай фардо, 13 июн, сарбозони тоҷик дар қатори дигар иштирокчиён омодагиҳои худро барои гузашти низомӣ оғоз хоҳанд намуд. Фармондеҳи ин гурӯҳи низомиёни Тоҷикистон подполковник Файзимуҳаммад Ҳафиззода таъйин шудааст.
Ба гуфтаи манбаъ, омодагӣ ба гузашти низомӣ бо рияои чораҳои беҳдоштӣ сурат мегирад.
Хотиррасон мешаваем, ки дар аввали моҳи июн АМИТ «Ховар» бо истинод ба Вазорати корҳои хориҷии Тоҷикистон хабар дод, ки Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар маросими ҷашни 75-умин солгарди Ғалаба дар Ҷанги Бузурги Ватанӣ, ки 24 июн дар шаҳри Москва баргузор мешавад, ширкат хоҳанд кард.
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
Дар шаҳри Исфара бахшида ба 35-солагии Истиқлоли давлатӣ гузашти ҳарбӣ доир шуд
Дар Суғд ба муносибати 35-солагии Истиқлоли давлатӣ бо иштироки беш аз 8 ҳазор нафар гузашти низомӣ доир гардид
Дар Паради ҳарбӣ ба муносибати 35-солагии Истиқлоли давлатӣ беш аз 27 ҳазор нафар иштирок намуданд
