«ТИРГОН – ҶАШНИ ОБ». Таҳти ин унвон дар нашриёти «Аржанг» китоб аз чоп баромад

Июнь 23, 2020 09:06

ДУШАНБЕ, 23.06.2020. /АМИТ «Ховар»/. «Тиргон – ҷашни об» таҳти чунин унвон  китоби фолклоршинос ва мардумшинос Дилшод Раҳимӣ дар нашриёти «Аржанг» ба табъ расид.

Китоб хусусияти илмӣ ва оммавӣ дошта, ба доираи васеи хонандагон пешниҳод гардидааст. Дар пешгуфтори китоб дар бораи аҳамияти об дар ҳаёт, ташаббусҳои Ҷумҳурии Тоҷикистон дар мавриди гиромидошти об дар сатҳи байналмилалӣ ва расму ойинҳои ниёгони тоҷикон дар иртибот ба обу ободонӣ сухан меравад.

Тавре муаллиф нигоштааст, «дар зиндагии ҳаррӯза, ҷашну идҳо, тўю маросимҳои анъанавии иҷтимоӣ, кору бори соҳаҳои кишоварзию ҳунармандӣ ва ғайра об на танҳо чун неъмати маъмулии табиат, балки ҳамчун унсури рамзию эътиқодӣ мавриди корбурд қарор дорад».

Дар поёни китоб муаллиф дар бораи ҷашни Тиргон, намунаи шеърҳо дар бораи Тиргон, васфи об, феҳристи адабиёти илмӣ ва оммавии марбут ба обро ҷой додааст. Ин китоб аввалин асари илмӣ-оммавӣ бахшида ба ҷашни Тиргон мебошад.

Ёдовар мешавем, ки Тиргон аз ҷумлаи ҷашнҳои қадимаи аҷдодони тоҷикон маҳсуб меёбад. Ҷашни Тиргон аз даврони қадим ҳамасола дар рӯзи 13-уми Тири моҳи Тир, баробар ба 3-юм ё 4-уми июл барпо мешудааст. Онро мардум ба нишонаи эҳтироми об ва баракату фаровонӣ таҷлил мекардаанд.

Бо ташаббус ва пешниҳоди Президенти Ҷумҳурии Тоҷикистон  муҳтарам Эмомалӣ Раҳмон дар Созмони Милали Муттаҳид 23 декабри соли 2016 дар Ҷаласаи 71-уми Маҷмаи Умумии СММ солҳои 2018-2028-ро Даҳсолаи байналмилалии амал «Об барои рушди устувор» эълон намуданд. Ин пешниҳоди сеюми Ҷумҳурии Тоҷикистон дар масъалаи глобалии ҳифзу истифодаи оқилонаи захираҳои об мебошад, ки аз ҷониби бонуфузтарин созмони ҷаҳонӣ пазируфта шуд.

Июнь 23, 2020 09:06

Хабарҳои дигари ин бахш

Зеҳни сунъӣ дар соҳаҳои санъати тасвирӣ ва дизайн тағйироти амиқ ба вуҷуд овардааст
Барои мукофотонидани ғолибони Озмуни ҷумҳуриявии «Шоҳномахонӣ» 2 миллиону 660 ҳазор сомонӣ ҷудо карда мешавад
ТУҲФАИ АРЗАНДАИ ПРЕЗИДЕНТИ ТОҶИКИСТОН. Ба беш аз 57 ҳазор оилаи шаҳри Ваҳдат «Шоҳнома» тақдим мегардад
ИЛМ ДАР БАЛАНДИИ ЗИЁДА АЗ 5000 МЕТР. Дар калонтарин пиряхи Тоҷикистон — Ванҷях таҳқиқоти илмӣ гузаронида шуд
Академияи миллии илмҳои Тоҷикистон бо Донишгоҳи давлатии омӯзгории Шинҷони Чин ҳамкориро тақвият медиҳад
Ёдгориҳои нодири тамаддуни тоҷикон дар Осорхонаи миллии Чин ба намоиш гузошта шуданд
Аз ҷониби нашриёти «Адиб» чор китоб ба нашр расид
Туҳфаи арзишманди Пешвои миллат — китоби «Шоҳнома» ба ноҳияи Файзобод расид
Байни консерваторияҳои Тоҷикистон ва Чин Ёддошти тафоҳум ба имзо расид
Намояндагони Шурои байналмилалии ҳунармандӣ бо намунаҳои сӯзании Панҷакент шинос шуданд
Сокинони шаҳри Роғун соҳиби туҳфаи Президенти Тоҷикистон — «Шоҳнома»-и Абулқосим Фирдавсӣ гардиданд
«АНДАЛЕБ-2025». Дар Панҷакент даври шаҳрии фестивал- озмуни ҷумҳуриявии телевизионӣ доир шуд