Тоҷикистон дар ним сол ба маблағи 13 млрд. 136 млн. сомонӣ маҳсулоти саноатӣ истеҳсол намуд

Июль 24, 2020 10:18

ДУШАНБЕ, 24.07.2020 /АМИТ «Ховар»/. Ҳаҷми истеҳсоли маҳсулоти саноатӣ дар шаш моҳи соли 2020 13 миллиарду 136,9 миллион сомонӣ ва суръати афзоиши он 109,2% -ро ташкил намуд, ки нисбат ба ҳамин давраи соли 2019 1 миллиарду 279,6 миллион сомонӣ зиёд аст, хабар медиҳад Вазорати саноат ва технологияҳои нави Ҷумҳурии Тоҷикистон.

Дар ҳаҷми умумии маҳсулоти саноатӣ саҳми саноати коркард — 56,5%, таъминоти қувваи барқ, газ, буғ ва ҳаво — 29,3%,  саноати кӯҳӣ  — 14,2% ва обрасонӣ, коркарди партовҳо, ашёи дубора коркардшуда — 0,6% — ро ташкил медиҳад.

Дар давраи ҳисоботӣ Тоҷикистон ба маблағи 6 миллиарду 595,1 миллион сомонӣ (640,3 миллион доллар) мол, аз ҷумла, ба маблағи 3 миллиарду 159,0 миллион сомонӣ (306,7 миллион доллар) маҳсулоти саноатӣ содир намудааст.

Дар феҳристи маҳсулоти содиротӣ, инчунин алюминии аввалия, рангҳои молидании сохтмонӣ, қубурҳои асбестӣ, ангишт, намак, нахи пахта, профилҳои алюминӣ барои пӯшонидани бом, маҳсулоти қаннодӣ, консерваҳо, нӯшокиҳои ташнагишикан ва меваҳои хушк шомил мебошанд.

Тибқи маълумоти оморӣ, дар давраи ҳисоботӣ дар қаламрави мамлакат 83 корхонаи нави саноатӣ мавриди баҳрабардорӣ қарор гирифт, ки дар онҳо 1 135 ҷойҳои нави корӣ ташкил шудаанд.

 

АКС аз бойгонӣ

Июль 24, 2020 10:18

Хабарҳои дигари ин бахш

Дар Агентии «Тоҷикстандарт» вобаста ба риояи талаботи ҳуҷҷатҳои меъёрии техникӣ машварат баргузор шуд
Намояндаи Тоҷикистон дар Самарқанд бо нишони сарисинагии «Барои хизматҳо дар ҳамкории байналмилалии геологӣ» сарфароз гардонида шуд
Ширкати ҳавопаймоии «Сомон Эйр» даврҳои омодагии ибтидоӣ барои роҳбаладон ташкил намудааст
Ташаббусҳои ҷаҳонии Тоҷикистон оид ба обу иқлим дар Арабистони Саудӣ баррасӣ шуданд
Вазири рушди иқтисод ва савдои Тоҷикистон дар ҷаласаи 99-уми Шурои иқтисодии ИДМ иштирок намуд
Дар иҷлосияи XXVI Шурои байниҳукуматӣ оид ба иктишоф, истифода ва ҳифзи қаъри замини ИДМ раёсат аз Тоҷикистон ба Узбекистон гузашт
Ҳайати Тоҷикистон дар Форуми глобалии сиёсат дар Манила иштирок намуд
«Бонк Фридом Финанс Қазоқистон» тасмим гирифтааст, ки дар Тоҷикистон бонки фаръӣ ё филиал боз намояд
Тоҷикистон ва Корея имконияти кишоварзиро тақвият мебахшанд
Дар Самарқанд таҳти раёсати Тоҷикистон иҷлосияи XXVI Шурои байниҳукуматӣ оид ба иктишоф, истифода ва ҳифзи қаъри замини ИДМ оғоз шуд
Сарвазири Ҷумҳурии Тоҷикистон Қоҳир Расулзода бо ҳайати Бонки ҷаҳонӣ мулоқот намуд
«Душанбе-Инвест 2023» ба ҷалби сармоя барои рушди иқтисоди Тоҷикистон мусоидат менамояд