Ёдгор Файзов ва Муҳаммад Зоҳир Ағбар барои тақвияти ҳамкории дуҷониба мулоқоти судманд анҷом доданд
ДУШАНБЕ, 24.07.2020 /АМИТ «Ховар»/. Раиси Вилояти Мухтори Кӯҳистони Бадахшон Ёдгор Файзов бо Сафири Фавқулода ва Мухтори Ҷумҳурии Исломии Афғонистон дар Ҷумҳурии Тоҷикистон Муҳаммад Зоҳир Ағбар мулоқот намуд. Дар ин бора аз мақомоти иҷроияи ҳокимияти давлатии Вилояти Мухтори Кӯҳистони Бадахшон ба АМИТ «Ховар» хабар доданд.
Дар ҷараёни мулоқот зарурати тавсияи бештари ҳамкориҳои дуҷониба, ки бо роҳи муносибатҳои дӯстонаи сарони ду давлати бо ҳам дӯсту бародар рӯи даст гирифта шудаанд, таъкид гардид.
Раиси ВМКБ Ёдгор Файзов зикр намуд, ки Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмон давоми 29 соли соҳибистиқлолии мамлакат дар ҳошияи татбиқи аҳдномаи дӯстиву ҳамкорӣ ва ҳамсоягии нек дар ҳамаи ҷаласаҳои байнидавлатӣ оид ба ҳарчӣ зудтар барқарор намудани фазои сулҳу субот ва рушди инфрасохтори кишвари ҳаммарзи Афғонистон сухан мегӯянд. Ёдгор Файзов дар ин замина рушди муносибатҳои дӯстона дар самти иқтисоду тиҷорат, обу энергетика ва фарҳангу тандурустиро асоси густариши ҳамкории судманди ду давлати бо ҳам дӯсту бародар маънидод намуд.
Сафири Ҷумҳурии Исломии Афғонистон дар Ҷумҳурии Тоҷикистон Муҳаммад Зоҳир Ағбар аз истиқболи гарму самимии раиси вилоят изҳори миннатдорӣ намуда, иброз дошт, ки муносибати дӯстона ва бародаронаи Пешвои миллати тоҷикон муҳтарам Эмомалӣ Раҳмонро мардуми Афғонистон борҳо эҳсос намудаанд. Мусаллам аст, ки ҷангҳои таҳмилӣ дар Афғонистон ба рушди инфрасохтори он монеа мешаванд ва мардуми афғон хуб дарк мекунанд, ки кишвари ба мо дӯсту ҳамсояи Тоҷикистон танҳо баҳри истиқрори сулҳ дар Афғонистон ва боло бурдани соҳаҳои иқтисодӣ ва иҷтимоии ин кишвар манфиатдор буда, дар ин росто талошҳои муассир ба харҷ медиҳад.
Тарафҳо зимни мулоқот роҷеъ ба истифодаи имкониятҳо ҷиҳати густариши муноносибатҳо миёни ду кишвари ба ҳам дӯсту ҳамсоя изҳори назар намуданд.
Дар Душанбе масъалаҳои вобаста ба вохӯрии вазирони корҳои хориҷии формати «Осиёи Марказӣ-Ҳиндустон» баррасӣ гардид
Дар шаҳри Кокшетауи Қазоқистон намоиш-фурӯши маҳсулоти кишоварзию саноатии Тоҷикистон баргузор гардид
Сироҷиддин Муҳриддин бо роҳбарони ҳайатҳои кишварҳо ва созмонҳои байналмилалӣ мулоқотҳои судманд анҷом дод
Муовини якуми Сарвазири Тоҷикистон бо Вазири давлатии Ҷопон оид ба корҳои хориҷӣ мулоқот намуд
Муовини Сарвазири Тоҷикистон Дилрабо Мансурӣ бо муовини Сарвазири Шоҳигарии Лесото Ҷастис Нтоменг Ҷастина Маҷара мулоқот намуд
Дар Амороти Муттаҳидаи Араб оид ба ташаббусҳои ҷаҳонии Президенти Тоҷикистон баёнияи матбуотӣ нашр гардид
Мулоқоти Сарвазири Тоҷикистон Қоҳир Расулзода бо муовини Сарвазири Озарбойҷон Самир Рауф доир гардид
Сарвазири Тоҷикистон Қоҳир Расулзода бо ноиби Президенти Ҷумҳурии Малдив Ҳусейн Муҳаммад Латиф мулоқот намуд
Амина Муҳаммад аз давлатҳои ҷаҳон дар самти ҳалли масоили марбут ба ҳифзи пиряхҳои сайёраи Замин даъвати оҷилӣ намуд
Директори иҷроияи Бунёди иқлими сабз пешсафии афзояндаи Тоҷикистонро дар ҳалли мушкилоти глобалии иқлим ва ҳифзи пиряхҳо ситоиш намуд
Армида Салсиаҳ Алишаҳбана: «ЭСКАТО ҳамкории судмандро бо Тоҷикистон муҳим арзёбӣ менамояд»
Амина Муҳаммад, муовини аввали Дабири кулли СММ: «Ташаббуси Президенти Тоҷикистон барои муттаҳидии ҷомеаи ҷаҳонӣ дар баррасии мушкилоти ҷиддии иқлимӣ муҳим мебошад»
