Дар маҷмӯи маҳсулоти саноатии ҷумҳурӣ ҳиссаи корхонаи муштараки «Зарафшон» 13,6 фоизро ташкил дод
ДУШАНБЕ, 04.08.2020 /АМИТ «Ховар»/. ҶДММ корхонаи муштараки «Зарафшон» дар шашмоҳаи якуми соли 2020 ба маблағи 1 млрд 794 млн сомонӣ маҳсулот истеҳсол намудааст, ки нисбат ба ҳамин даври соли 2019 683,6 млн. сомонӣ зиёд аст. Дар ин давра ҳиссаи корхона дар маҷмӯи маҳсулоти саноатии ҷумҳурӣ 13,6 фоизро ташкил додааст. Дар ин бора зимни боздиди Вазири саноат ва технологияҳои нави Ҷумҳурии Тоҷикистон Заробиддин Файзуллозода аз корхонаи мазкур таъкид карда шуд.
ҶДММ корхонаи муштараки «Зарафшон», воқеъ дар шаҳри Панҷакенти вилояти Суғд азимтарин корхонаи истеҳсолкунандаи маҳсулоти саноатӣ дар соҳаи саноати коркарди маъдани ҷумҳурӣ ба шумор меравад.
Вазири саноат ва технологияҳои нав бо ҳайати масъулин инчунин аз қитъаҳои конҳои тилло ва миси «Тарор», «Ҷилав», нақби обгузар дар мавзеи Моғиёндарё, партовгоҳи №2 ва №3, фабрикаҳои бойгардонии №1, №2 ва №3 ва аз интихоби мавзеи сохтмони заводи металлургӣ дидан намуданд.
Мақсади боздид аз минтақаҳои корӣ-ин оқилона ва самаранок истифода бурдани сарватҳои зеризаминӣ мебошад. Зимни боздид аз минтақаҳои корӣ ба фаъолияти ҷамъият шинос шуда, оид ба талаботи ягонаи қоидаҳои коркарди конҳо ба роҳбарияти ҶДММ корхонаи муштараки “Зарафшон” баҳри самаранок истифода бурдани захираҳои конҳои болозикр бо риояи қоидаю талаботи амалкунандаи соҳавӣ дастуру супоришҳо дода шуд.
Барои татбиқи марҳилаи дуюми кони «Тарор» сохтмони иншооти гидротехникӣ (нақби обпарто) бо дарозии 960 метр ва андозаи нақб 19,4 м2, бо мақсади ҷойгир намудани ҷинсҳои кӯҳии холӣ оғоз гардидааст.
Дар айни замон дар ҷамъият 2107 нафар коргарон фаъолият намуда истодаанд. Иқтидори истихроҷ ва коркарди солонаи маъдан дар ҷамъият 5,5 млн. тонна буда, 83,0 фоизи маъдан аз кони тилло ва миси «Тарор» истихроҷ карда мешавад.
Фулузоти истеҳсолнамудаи ҷамъият пурра ба Вазорати молияи Ҷумҳурии Тоҷикистон ва Бонки миллии Тоҷикистон ба фурӯш бароварда мешавад.
Ҳиссаи ҷамъият дар маҷмӯи истеҳсоли металлҳои қиматбаҳо 77 фоизро ташкил медиҳад.
Вазорати нақлиёти Тоҷикистон оид ба андозаи нави ҷаримаҳо барои вайрон кардани қоидаҳои ҳаракат дар роҳ маълумот медиҳад
Дурнамои ҳамкории иқтисодию тиҷоратии Тоҷикистон ва Эрон муҳокима гардид
Хушкмеваҳои Тоҷикистон дар шаҳри Пензаи Федератсияи Русия талабгори зиёд пайдо намудаанд
Дар Душанбе масъалаҳои марбут ба ҷалби сармояи мустақими Эрон ба иқтисодиёти Тоҷикистон баррасӣ шуданд
Тоҷикистон ва Эрон дар самти густариши ҳамкории саноатӣ ва тиҷоратӣ ба мувофиқа расиданд
Дар Душанбе тақвияти ҳамкории гумрукӣ байни Тоҷикистон ва Узбекистон баррасӣ гардид
Дар ҷаласаи гурӯҳи корӣ масъалаи пешгирии талафот ва истифодаи ғайриқонунии неруи барқ баррасӣ шуд
Ҷаласаи муштараки гурӯҳи корӣ ва муколамаи миллии сиёсӣ оид ба идоракунии захираҳои об баргузор гардид
Ҳаҷми гардиши савдо байни Тоҷикистон ва Эрон 483,9 миллион доллари амрикоиро ташкил дод
Тоҷикистон бо Бонки Осиёии Рушд дар самти рақамикунонии фаъолияти гумрукӣ ҳамкориро густариш медиҳад
Муовини Сарвазири Тоҷикистон бо корҳои созандагию ободонӣ дар ноҳияи Ёвон шинос гардид
Дар Душанбе ҷаласаи 13-уми Комиссияи байниҳукуматӣ оид ба ҳамкории тиҷоратӣ ва иқтисодии Тоҷикистону Узбекистон баргузор шуд
