Доир ба медиалингвистика ва услубшиносӣ конференсияи байналмилалӣ доир мешавад

Август 27, 2020 14:19

ДУШАНБЕ, 27.08.2020 /АМИТ «Ховар»/. 2223 октябри соли 2020 Донишгоҳи миллии Тоҷикистон (ДМТ) дар пояи кафедраи услубшиносӣ ва таҳрири адабии факултети журналистика дар мавзўи «Медиалингвистика ва услубшиносӣ: проблема ва дурнамо» Конференсияи байналмилалии илмию амалӣ баргузор менамояд. Дар ин бора аз факултети журналистикаи ДМТ ба хабарнигори АМИТ «Ховар» иттилоъ доданд.

Дар назар аст, ки дар конференсия доир ба мавзӯъҳои  «Асосҳои услубшиносӣ ва таҳаввули он дар илми забоншиносии тоҷик», «Медиалингвистика – парадигмаи нав дар омўзиши забони ВАО», «Матни журналистӣ ҳамчун категорияи асосии медиалингвистика», «Матни муосири журналистӣ дар шароити рушди журналистикаи конвергентӣ», «Нақши ВАО дар таҳаввулоти луғавӣ-услубии забони тоҷикӣ», «Меъёри забони адабӣ ва забони воситаҳои электронии  ахбори омма (радио, телевизион,  Интернет)», «Масъалаҳои одоби муҳоварат ва ҳусни баён дар ВАО-и муосир», «Забони ВАО – омили асосии таъсиррасон ба тафаккури ҷомеа”, “Матбуоти муосир ва услуби таҳияи маводи интернет-газетаҳо», «Масъалаҳои тарҷумаи маводи матбуоти даврӣ» ва «Мавқеи реклама дар системаи ВАО: моҳият, вазифа, намудҳо ва воситаҳои он» аз ҷониби иштирокчиён марӯзаҳо хонда шаванд.

Дар Конференсияи байналмилалии илмию амалии «Медиалингвистика ва услубшиносӣ: проблема ва дурнамо» маърӯзаҳо бо забонҳои тоҷикӣ, русӣ ва англисӣ манзур шуда, хоҳишмандон метавонанд маводи худро ба суроғаи электронии light_angel-65@mail.ru ва french78@mail.ru ирсол намоянд.

Маводе, ки барои ислоҳ ва пуррагардонӣ ба муаллифон баргардонида шудаанд, бояд то 25 сентябри соли 2020 ба Кумитаи тадорукот ирсол гарданд.

Август 27, 2020 14:19

Хабарҳои дигари ин бахш

Имрӯз дар водиҳои Тоҷикистон ҳаво то 33 дараҷа гарм мешавад
«МегаФон Тоҷикистон»: Русия ва Тоҷикистон ҳамкориро дар соҳаи рақамикунонӣ тақвият мебахшанд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Дар кӯчаҳои Хуҷанд барои пешгирии ифлосшавии муҳити зист дурбинҳои назоратӣ насб гардиданд
Имрӯз дар шаҳри Душанбе ҳаво то 28 дараҷа гарм мешавад
Дар соҳаҳои маорифу тандурустии ноҳияи Ёвон нақшаи захираи ангишт пурра иҷро гардид
Имрӯз дар водиҳои Тоҷикистон ҳаво то 28 дараҷа гарм мешавад
35-СОЛАГИИ ИСТИҚЛОЛИ ДАВЛАТӢ. Дар ноҳияи Ишкошим сохтмони Литсейи касбии техникӣ оғоз ёфт
Сарони давлатҳо қарорро дар бораи таъсиси қолаби нав бо номи «ИДМ плюс» имзо карданд
Раим Саданшоев: «Мо на танҳо дар самти таъмини алоқа, балки дар дигар соҳаҳо низ ҳамроҳи шумоем»
Имрӯз дар Тоҷикистон ҳаво то 28 дараҷа гарм мешавад
Имрӯз дар шаҳри Душанбе ҳаво то 27 дараҷа гарм мешавад