Имкониятҳои сайёҳии Тоҷикистон ба шарикон аз Ҳиндустон муаррифӣ гардиданд
ДУШАНБЕ, 18.08.2020. /АМИТ «Ховар»/. Имкониятҳои сайёҳии Ҷумҳурии Тоҷикистон дирӯз зимни вебконфронс ба шарикон аз Ҳиндустон муаррифӣ гардиданд, хабар медиҳад АМИТ «Ховар» бо истинод ба Кумитаи рушди сайёҳии назди Ҳукумати Ҷумҳурии Тоҷикистон.
Вебконфронс бо ташаббуси Сафорати Ҷумҳурии Тоҷикистон дар Ҷумҳурии Ҳиндустон дар ҳамкорӣ бо Кумитаи рушди сайёҳӣ дар мавзӯи «Имкониятҳои сайёҳии Тоҷикистон» дар сиғаи онлайн доир шуд. Ҳадафи аслии он муаррифии зарфиятҳои сайёҳии Ҷумҳурии Тоҷикистон дар Ҳиндустон буда, дар кори он роҳбарону мутасаддиёни ассотсиатсия ва ширкатҳои сайёҳии ҷумҳуриҳои Тоҷикистон ва Ҳиндустон иштирок намуданд. Ҷониби Тоҷикистонро дар ин вебконфронс раиси Кумитаи рушди сайёҳӣ Ширин Амонзода ва ассотсиатсияҳои «Мададгор ба рушди ташкилоти сайёҳии Тоҷикистон», «Сайёҳии экологии фарҳангии Помир», «Шӯрои туризми Зарафшон», ширкатҳои сайёҳии «Ориент Адвентур» ва «Артуч» намояндагӣ карданд.
Раиси Кумитаи рушди сайёҳӣ Ширин Амонзода аз баргузории чунин конфронси мутақобилан судманд миёни кишварҳои бо ҳам дӯсти Тоҷикистон ва Ҳиндустон истиқбол намуда, имкониятҳои фарохи сайёҳии Ҷумҳурии Тоҷикистонро ба шарикони ҳиндустонӣ муаррифӣ намуд.
Зикр шуд, ки Ҳиндустон яке аз шарикони муҳими Тоҷикистон дар минтақа ба ҳисоб рафта, ду давлат бо ҳам робитаҳои амиқи фарҳангию таърихӣ доранд. Айни ҳол, таваҷҷуҳи хоссаи кишварҳо ба соҳаҳои ҳаётан муҳим афзуда истода, дарёфти роҳҳои нави ҳамкорӣ яке аз самтҳои калидии рушди муносибатҳои ҳамшарикӣ мебошад. Дар ин радиф, сайёҳӣ ҳамчун соҳаи афзалиятнок метавонад яке аз воситаҳои муҳим ҷиҳати тавсеаи ҳамкории судманд интихоб гардад.
Зимни конфронс зикр гардид, ки Тоҷикистон бо таърихи бою пурғановат, фарҳанги ғанӣ, мардуми меҳрубону меҳмоннавоз, расму оинҳои қадимию фалсафӣ ва ҷашну маросими гуногун сарзамини ҷаззоб барои сайёҳон маҳёсуб шуда, қатторкӯҳҳои сарбафалаккашида, кӯлҳои зебо, шаршараҳои назаррабо, дарёҳои хурӯшон, рӯдхонаю чашмаҳои оби мусаффо, пиряхҳо, манзараҳои дилфиреб ва меваю сабзавоти табиияш давлати моро ба беҳтарин макони саёҳату сафар мубаддал намудаанд.
Дар интиҳои вебконфронс иштирокчиён оид ба роҳҳои рушди ҳамкории дуҷониба табодули афкор намуданд.
Дар комплекси сайёҳии Шаҳристон — эко резорт ба масофаи зиёда аз 5 километр таноброҳ сохта мешавад
Бо мақсади муаррифии васеи Тоҷикистон як зумра филмҳои мустанад ба забони англисӣ тарҷума ва дубляж гардиданд
Дар Душанбе Рӯзҳои фарҳанги шаҳрҳои Истаравшан, Норак ва ноҳияҳои Фархор, Носири Хусрав, Ёвон, Мастчоҳ ва Дӯстӣ доир мегарданд
«Харитаи хатсайри Шӯриши Восеъ» ба ҷалби бештари сайёҳони дохилию хориҷӣ мусоидат менамояд
Корҳои тармиму барқарорсозӣ дар ёдгориҳои Қалъаи Муъминобод, Қалъаи Кӯлоб ва қасри Ҳокими Ҳисор идома доранд
Дар Бадахшон даври вилоятии Озмуни ҷумҳуриявии «Тоҷикистон — Ватани азизи ман» ҷамъбаст гардид
Президенти Ҷумҳурии Тоҷикистон Эмомалӣ Раҳмон дар ноҳияи Шаҳристон бо лоиҳаи сармоягузорӣ барои бунёди комплекси сайёҳии Шаҳристон — эко резорт шинос шуданд
Бо иштироки олимони бостоншинос филми мустанади «Хутали қадим» таҳия гардид
Дар Тоҷикистон 6 агентии иттилоотӣ, аз ин 1 давлатӣ ва 5 мустақил фаъолият доранд
НИШАСТИ МАТБУОТӢ. «Шоҳи қуллаҳо» — филми мустанад дар мавзуи ҳифзи бабри барфӣ сазовори ҷоиза гардид
Ба истиқболи 35-солагии Истиқлоли давлатӣ бинои беназир дар минтақа — Театри миллии Тоҷикистон ба истифода дода мешавад
