ОБУ ҲАВО: Имрӯз дар Тоҷикистон ҳаво тағйирёбанда шуда, вазиши чангу ғубор боқӣ мемонад

ДУШАНБЕ, 20.08.2020 /АМИТ «Ховар»/. Имрӯз дар ҷумҳурӣ ҳаво  камабр ва тағйирёбанда шуда, вазиши чангу ғубор боқӣ мемонад Дар ин бора аз  Агентии обуҳавошиносии Тоҷикистон ба АМИТ «Ховар» хабар доданд.

Ба иттилои Агентии обуҳавошиносӣ, имрӯз дар Вилояти Мухтори Кӯҳистони Бадахшон ҳаво камабри ва тағйирёбандаи бебориш мешавад. Дар баъзе ноҳияҳои ғарбии вилоят чангу ғубор боқӣ мемонад.  Шамол аз самти шарқ бо суръати 3-8 метр дар як сония мевазад. Ҳаво дар ғарби вилоят   шабона 15+20 ва рӯзона 30+35 дараҷа гарм  мешавад. Дар  шарқи вилоят  ҳаво шабона 3+8 ва рӯзона 19+24 дараҷа гарм мешавад.

Ҳаво дар вилояти Суғд камабр ва баъзе ноҳияҳо тағйирёбандаи бебориш мешавад.  Шамол аз самти шарқ бо суръати 4-9 метр дар як сония мевазад. Ҳаво  дар водиҳо шабона 18+23 ва рӯзона 30+35 дараҷа гарм  мешавад. Дар ноҳияҳои кӯҳӣ ҳаво шабона 7+12  ва рӯзона 20+25 дараҷа гарм мешавад.

Дар вилояти Хатлон  ҳавои камабр ва дар баъзе ноҳияҳо тағйирёбандаи бебориш дар назар аст. Шамол аз самти шарқ бо суръати  3-8 метр дар як сония вазида, чангу ғубор боқӣ мемонад. Ҳаво дар водиҳо шабона 20+25 ва рӯзона 34+39 дараҷа гарм мешавад. Дар  доманакӯҳҳо ҳаво шабона 17+22 ва рӯзона 29+34 дараҷа гарм мешавад.

Дар шаҳру ноҳияҳои тобеи марказ ҳаво камабр ва тағйирёбанда шуда, эҳтимоли бориши нисбатан сусти марҳилавӣ дар назар аст. Шамол аз самти шарқ бо суръати 3-8  метр дар як сония  мевазад. Вазиши чану ғубор боқӣ мемонад.  Ҳаво  дар водиҳо  шабона 18+23 ва рӯзона 31+36 дараҷа гарм мешавад.  Дар ноҳияҳои кӯҳӣ ҳаво шабона 15+20 ва рӯзона 28 +33 дараҷа  гарм мешавад.

Дар  шаҳри Душанбе ҳаво камабр ва тағйирёбандаи   бебориш  мешавад. Шамол аз самти шарқ бо суръати 3-8  метр дар як сония   вазида, чангу ғубор боқӣ мемонад.  Ҳаво шабона 19+21 ва  рӯзона 33+35 дараҷа гарм мешавад.