Раиси вилояти Суғд Раҷаббой Аҳмадзода бо Сафири Қазоқистон дар Тоҷикистон Аскар Тоҷибоев мулоқот намуд
ДУШАНБЕ, 27.08.2020 /АМИТ «Ховар»/. Имрӯз Раиси вилояти Суғд Раҷаббой Аҳмадзода бо Сафири Ҷумҳурии Қазоқистон дар Ҷумҳурии Тоҷикистон Аскар Тоҷибоев мулоқот намуд. Зимни суҳат ҷонибҳо аз рушди муносиботи дӯстона ва ҳамкории судманд миёни Тоҷикистон ва Қазоқистон изҳори қаноатмандӣ намуда, ҷиҳати густариш бахшидани равобит изҳори ҳавасмандӣ карданд. Дар ин бора ба хабарнигори АМИТ «Ховар» аз хадамоти матбуоти раиси вилоят иттилоъ доданд.
Зикр шуд, ки бо саҳми соҳибкорони Тоҷикистон ва Қазоқистон корхонаҳои муштарак бунёд гардида, дар ин самт соҳибкорони ду давлат бо доштани таҷрибаи хуб татбиқи нақшаҳои муштараки созандаро идома дода истодаанд.
Раиси вилоят дар мавриди эълон гардидани саноатикунонии босуръати мамлакат ҳамчун ҳадафи чоруми миллӣ гуфт, ки дар ин самт дар вилоят садҳо корхонаҳои хурду бузург мавриди истифода қарор мегиранд. Инчунин зарфиятҳои иқтисодӣ, саноатӣ, кишоварзӣ, сайёҳӣ ва ҳунармандӣ ҳоло муаррифи вилоят гардидаанд.
Раҷаббой Аҳмадзода вобаста ба рушди соҳаи кишоварзӣ маълумот дод, ки дар вилоят майдони кишти пахта сол аз сол бештар мегардад. Ҳоло барои то ҳадди ниҳоӣ коркард намудани пахта шароиту имконот мавҷуданд ва дар сурати бунёди корхонаҳои муштарак ин тадбир ба нафъи ҷонибҳо хоҳад буд.
Ёдовар бояд шуд, ки Ҷумҳурии Тоҷикистон муносибатҳои дипломатиро бо Ҷумҳурии Қазоқистон 7 январи соли 1993 барқарор намуда, моҳи июни ҳамон сол намояндагии дипломатии Тоҷикистон дар ин кишвар ба фаъолият шурӯъ кард. Намояндагии дипломатии Ҷумҳурии Қазоқистон дар шаҳри Душанбе аз соли 1998 фаъолият дорад. Ҳамкории дуҷониба ва бисёрҷониба байни Тоҷикистону Қазоқистон дар фазои мутақобилан судманд ва ҳусни тафоҳум ҷараён гирифта, асоси шартномавию ҳуқуқии муносибатҳои дуҷонибаи Тоҷикистон ва Қазоқистонро беш аз 75 санад ташкил медиҳад.
Тоҷикистон ва Қазоқистон ҳоло дар соҳаҳои саноати сабук, металлургияи ранга, энергетика, нақлиёт, коммуникатсия, бахши кишоварзӣ, фарҳангу санъат, маориф ва савдою сармоя ҳамкории густурда доранд.
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
