Тоҷикистон ва Беларус ҳамкориро дар соҳаи телевизион ва радио тавсеа медиҳанд
ДУШАНБЕ, 22.08.2020. /АМИТ «Ховар»/. Густариши ҳамкорӣ дар соҳаи телевизион ва радио, аз ҷумла омода намудани мутахассисон ва табодули таҷрибаи байниҳамдигарӣ дар меҳвари мулоқоти Раиси Кумитаи телевизион ва радиои назди Ҳукумати Ҷумҳурии Тоҷикистон Нуриддин Саид бо Сафири Фавқулода ва Мухтори Ҷумҳурии Беларус дар Ҷумҳурии Тоҷикистон Олег Иванов қарор гирифт.
Раиси Кумитаи телевизион ва радио изҳор дошт, ки мо ба тавсеаи равобити дуҷониба бо Беларус дар соҳаи телевизион ва радио омода ҳастем.
Таъкид гардид, ки густариш пайдо кардани муносиботи дуҷониба дар соҳаи телевизион ва радио заминаи муҳим барои муаррифии ҳарчи бештари таъриху тамаддун, фарҳанг, пешрафтҳои соҳаҳои гуногуни иқтисоди миллӣ, мавзеъҳои таърихӣ ва сайёҳӣ, инчунин табиати нотакрори ду давлат маҳсуб мебошад.
Сафири Беларус дар Ҷумҳурии Тоҷикистон Олег Иванов бо ёдоварӣ аз муносиботи дӯстонаи сарони ду давлати дӯст изҳор дошт, ки тақвияти ҳамкории дуҷониба дар ҳамаи самтҳо ба манфиати ҷонибҳо хоҳад буд.
Олег Иванов омодагии ҷониби Беларусро барои ташкили давраҳои омӯзишӣ ва такмили ихтисоси гурӯҳҳои эҷодиву техникии шабакаҳои телевизион ва радиои давлатии Тоҷикистон дар Ҷумҳурии Беларус изҳор дошт.
Мусоҳибон масъалаҳои табодули барнома, филм ва ролику лавҳаҳои тарғибкунандаи дастовардҳои солҳои соҳибистиқлолӣ, манзараҳои зебо, мавзеъҳои таърихию сайёҳӣ ва пахши онҳо дар шабакаҳои давлатии телевизион ва радиои ҳар ду давлатро матраҳ намуданд.
Президенти Академияи миллии илмҳои Тоҷикистон дар Конференсияи байналмилалии «Илм барои бехатарии ҷаҳон» иштирок намуд
35-СОЛАГИИ ИСТИҚЛОЛИЯТИ ДАВЛАТӢ. Дар Чойхонаи миллӣ барои дар як шабонарӯз қабули 5000 мизоҷ шароит фароҳам оварда мешавад
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
