Вазорати маориф ва илм баҳри таҳсил дар зинаи магистратура барои шаҳрвандони Афғонистон 5 бурсия ҷудо мекунад
ДУШАНБЕ, 11.08.2020 /АМИТ «Ховар»/. Вазорати маориф ва илми Ҷумҳурии Тоҷикистон омода аст, ки аз 50 бурсияи пешбинишуда дар соли таҳсили 2020-2021 5 бурсияро барои таҳсил дар зинаи магистратура барои шаҳрвандони Ҷумҳурии Исломии Афғонистон ҷудо намояд. Ин нукта зимни вохӯрии Вазири маориф ва илми Ҷумҳурии Тоҷикистон Муҳаммадюсуф Имомзода бо Сафири навтаъйини Фавқулода ва Мухтори Ҷумҳурии Исломии Афғонистон дар Ҷумҳурии Тоҷикистон Муҳаммад Зоҳир Ағбар баён гардид. Дар ин бора АМИТ «Ховар» бо истинод ба маркази матбуоти Вазорати маориф ва илми ҷумҳурӣ иттилоъ медиҳад.
Дар мулоқот мусоҳибон вобаста ба ҳамкории ҷойдоштаи Сафорати Афғонистон дар Тоҷикистон бо Вазорати маориф ва илм, аз ҷумла, густариши ҳамкории илмию омӯзишӣ миёни Ҷумҳурии Тоҷикистон ва Ҷумҳурии Исломии Афғонистон сухан гуфтанд.
Ҳамчунин масъалаҳои марбут ба таҳсил ва будубоши донишҷӯёни афғон дар Тоҷикистон, дастрас ва тамдид намудани раводид барои донишҷӯён, инчунин ҷудо гардидани бурсияҳои таҳсилӣ аз ҷониби Ҳукумати мамлакат барои шаҳрвандони Афғонистон дар соли таҳсили 2020-2021 мавриди таҳлил қарор гирифтанд.
Дар доираи ҳамкории мутақобилан судманд дар соҳаи маориф ва илм миёни Ҷумҳурии Тоҷикистону Ҷумҳурии Исломии Афғонистон як зумра корҳо ба анҷом расонида шудаанд. Аз ҷумла, дар доираи нақшаи ҷаласаи ҳафтуми Комиссияи байниҳукуматии ҳамкории иқтисодӣ, тиҷоратӣ, иҷтимоӣ ва техникӣ байни кишварҳо, дар доираи Тафоҳумнома миёни Вазорати маориф ва илми Ҷумҳурии Тоҷикистон ва Вазорати таҳсилоти олии Ҷумҳурии Исломии Афғонистон, дар доираи Тафоҳумнома миёни Донишгоҳи аграрии Тоҷикистон ба номи Шириншоҳ Шоҳтемур ва Донишгоҳи Бағлони Афғонистон ҳамкории доимӣ ба роҳ монда шудааст.
РӮЗИ БАЙНАЛМИЛАЛИИ ҲАДЯИ КИТОБ. Фаъолияти хуби китобхонаҳо воситаи муҳими китобхон шудани ҷомеа мегардад
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
