«Бонки Эсхата»: 100 нафар мизоҷон соҳиби мукофоти пулӣ гардиданд

ДУШАНБЕ, 25.09.2020. /АМИТ «Ховар»/. 100 нафар мизоҷони «Бонки Эсхата», ки тариқи низоми интиқоли пул ба таври ғайринақдӣ интиқоли пулии худро қабул карданд, ҳар кадоме соҳиби 600 сомонӣ туҳфаи пулӣ гардиданд. Дар ин бора ба АМИТ «Ховар» аз бонки мазкур хабар доданд.

Даври дуюми аксияи «Ҳамқадами замон» ҷамъбаст гардид ва фонди туҳфавии даври дуюм 60 000 сомониро ташкил медод.

«Барои онҳое, ки то ҳол аз ин иқдом бехабар ҳастанд, хотиррасон мекунем, ки дар пеш онҳоро  даври сеюм бо фонди туҳфавии 90 000 сомонӣ интизор аст. Яъне боз 100 нафари дигар ҳар кадом соҳиби 900 сомонӣ туҳфаи пулӣ хоҳанд шуд», — илова намуд манбаъ.

Хотиррасон менамоем, ки моҳи июли имсол «Бонки Эсхата» оғози аксияи «Ҳамқадами замон»-ро эълон кард, ки он аз 3 даври байнимарҳилавӣ ва даври финалӣ иборат аст.

Дар ҷамъбасти даври финалӣ 12 адад туҳфаи пулӣ дар ҳаҷми 10 000 сомонӣ ва   туҳфаи асосӣ — мошини «Хундай Аксент» бурд карда мешаванд.

«Он мизоҷоне, ки интиқоли пулии худро тариқи ғайринақдӣ аз хешовандони дар хориҷа буда ба ҳамёни электронӣ, суратҳисоби бонкӣ ва корти пардохтӣ қабул мекунанд, иштирокчии аксия мегарданд. Ҳаҷми интиқол набояд аз 5000 рубли ФР кам гардад»,-тазаккур доданд дар бонк .