Дар Темурмалик сохтмони бинои баландошёнаи осоишгоҳ идома дорад
ТЕМУРМАЛИК, 17.09.2020 /АМИТ «Ховар»/. Бахшида ба 30-солагии Истиқлоли давлатии Ҷумҳурии Тоҷикистон дар ноҳияи Темурмалик сохтмони якчанд иншооти таъйиноти гуногун идома дорад. Дар маркази ноҳия ширкати сохтмонии «Строй-комплекс» ба бунёди бинои баландошёнаи осоишгоҳ оғоз намуда, корҳои оҳану бетониро дар таҳкурсии иншооти мазкур идома дода истодааст. Ширкати мазкур инчунин барои таъмини аҳолии маркази ноҳия бо оби ошомиданӣ обанбор ва бино барои полидани об бо таҷҳизоти муосир бунёд намуда истодааст. Дар корҳои сохтмонӣ беш аз 100 нафар сокинони маҳаллӣ ҷалб гардидаанд.
Корҳои ободонию бунёдкорӣ ҳамчунин дар боғи фарҳангӣ-фароғатӣ ва хиёбону гулгаштҳои ноҳия идома доранд. ҶДММ «Ёхсу» бо ҷалби мутахассисони маҳаллӣ ба таъмири асосии бинои таваллудхонаи беморхонаи марказии ноҳия шурӯъ намудааст. Бинои мазкур дар ҳолати садамавӣ қарор дошт ва барои барқарор намудани он аз масолеҳи хушсифати сохтмонӣ истифода менамоянд.
Тавре директори ҶДММ «Ёхсу» Пулод Юсуфов иттилоъ дод, бо иштироки роҳбарияти ноҳия ва меҳмонон корхонаи нави саноатӣ мавриди истифода қарор дода шуд. Корхонаи мазкур аз ҷониби соҳибкори ватанӣ Рустам Шарифов бунёд гардида, дар корҳои сохтмонӣ беш аз 30 нафар коргарони маҳаллӣ ҷалб карда шуда буданд. Дар ин корхона, ки аслан маводи тиббӣ истеҳсол менамоянд, қоидаҳои беҳдоштӣ ҷавобгӯ ба талаботи санитарию эпидимиологӣ ва тиббӣ қатъиян риоя карда мешаванд.
Таҷҳизоти корхона аз давлатҳои пешрафтаи ҷаҳон дастрас карда шудаанд. Ҳангоми истеҳсоли маҳсулот ба сифати он диққати ҷиддӣ дода мешавад. Дастпӯшакҳои яккаратаи тиббӣ аз санҷиш гузаронида шуда, сипас ба сехи банду баст равона мегарданд. Дар ин сех коргарон даспӯшакҳоро аз рӯи андозаҳояшон банду баст мекунанд.
Ба гуфти соҳибкорон, мақсади асосии бунёди чунин корхона дар давраи авҷи бемориҳои сироятӣ, хусусан КОВИД-19 таъмини муассисаҳои тандурустии мамлакат ва сокинон бо дастпӯшакҳои яккаратаи тиббӣ бо нархи дастрас мебошад. Зеро дар оғози сол ҳангоми авҷи КОВИД-19 дар ҷумҳурӣ норасоии аксар номгӯи маҳсулоти тиббӣ, аз ҷумла ниқобу дастпӯшак ва маводи антисептикӣ эҳсос гардид, ки ҳамаи он маҳсулоти воридотӣ буд. Ҳоло бо фаъол намудани чунин корхонаҳо ин мушкилӣ паси сар мегардад.
Дар ин корхона инчунин истеҳсоли асо, асобағал ва чигасҳо низ ба роҳ монда шудааст.
Дар паҳлӯи корхона барои қонеъ гардонидани эҳтиёҷи сокинони ноҳия сехи қаннодӣ низ мавриди истифода қарор дода шуд. Дар ин сех кадбонуҳо 12 намуд маҳсулоти қаннодӣ истеҳсол менамоянд. Роҳбарони ноҳия ва дигар меҳмонон ба соҳибкорон барои бунёди чунин корхона изҳори миннатдорӣ карда, зикр намуданд, ки дар он беш аз 10 нафар сокинони маҳаллӣ бо ҷои кори доимӣ ва маоши хуб таъмин шудаанд.
Соҳибкорон мақсад доранд, ки минбаъд истеҳсоли намудҳои дигари маҳсулоти тиббиро ба роҳ монда, шумораи коргаронро афзоиш диҳанд.
Пешвои миллат Эмомалӣ Раҳмон дар вилояти Хатлон Маркази таълимии воҳидҳои таъиноти махсуси Кумитаи давлатии амнияти миллии Ҷумҳурии Тоҷикистонро ифтитоҳ намуданд
МАҲСУЛОТИ ВОРИДОТИВАЗКУНАНДА. Дар Душанбе Корхонаи истеҳсоли «Сэндвичпанел» ба истифода дода шуд
Президенти Тоҷикистон Эмомалӣ Раҳмон бинои Муассисаи давлатии омодасозии кадрҳои баландихтисоси низомиро дар шаҳри Душанбе мавриди истифода қарор доданд
Сарвари давлат Эмомалӣ Раҳмон дар шаҳри Душанбе ба фаъолияти корхонаи истеҳсоли нӯшокиҳои ташнашикан ҶДММ «АРК саноат» оғоз бахшиданд
Пешвои миллат Эмомалӣ Раҳмон дар ноҳияи Синои шаҳри Душанбе Корхонаи истеҳсоли «Сэндвичпанел»-ро мавриди баҳрабардорӣ қарор доданд
Президенти Тоҷикистон Эмомалӣ Раҳмон КВД «Маркази рақамикунонии соҳаи нақлиёт», Маркази минтақавии дипломатияи нақлиётӣ ва КВД «Пажуҳишгоҳи Лоиҳакашии иншооти нақлиётӣ» -ро дар шаҳри Душанбе ба истифода доданд
Сарвари давлат Эмомалӣ Раҳмон Маркази минтақавии бехатарӣ, амният ва кафолати химиявӣ, биологӣ, радиатсионӣ ва ядроии Академияи миллии илмҳои Тоҷикистонро ба истифода супориданд
Пешвои миллат Эмомалӣ Раҳмон бинои таълимӣ барои факултети забон ва адабиёти руси Донишгоҳи давлатии омӯзгории Тоҷикистон ба номи Садриддин Айниро мавриди баҳрабардорӣ қарор доданд
Дар ноҳияи Данғара аз ҷониби соҳибкорон наздики 70 километр роҳ мумфарш ва 60 километр сангфарш карда шудааст
Бахшида ба 30-солагии Конститутсияи Тоҷикистон дар ноҳияи Рӯдакӣ иншооти гуногун ба истифода дода шуданд
Сарвари давлат Эмомалӣ Раҳмон дар ноҳияи Рӯдакӣ корхонаи «Хишти аввал»-ро ба истифода доданд
Президенти Тоҷикистон Эмомалӣ Раҳмон дар ноҳияи Рӯдакӣ ба фаъолияти марҳилаи дуюми корхонаи истеҳсоли пойафзолбарорӣ оғоз бахшиданд
