ОБУ ҲАВО: Дар бештари ноҳияҳои Тоҷикистон ҳарорати рӯзонаи ҳаво то 6-8 дараҷа паст мешавад

ДУШАНБЕ, 18.09.2020 /АМИТ «Ховар»/.  Имрӯз дар ҷумҳурӣ ҳавои ноустувор дар назар аст. Дар ноҳияҳои алоҳидаи ҷумҳурӣ (мавзеи Айвоҷ, н. Панҷ, Панҷи поён, ш.Бохтар, н. Ёвон, н. Фархор, н.Ховалинг, ш. Душанбе, мавзеи Чормағзак, н.Файзобод, ш.Хуҷанд, ш.Бӯстон, н. Ишкошим, н.Рӯшон) шиддати вазиши шамол бо суръати 12-17 метр дар як сония пешгӯӣ шуда, дар вилояти Хатлон тӯфони чангу ғубор ва дар ноҳияҳои тобеи ҷумҳурӣ чангу ғубор ба амал меояд. Дар бештари ноҳияҳои ҷумҳурӣ пастшавии ҳарорати рӯзонаи ҳаво то 6-8 дараҷа аз эҳтимол дур нест.  Дар ин бора аз  Агентии обуҳавошиносии Тоҷикистон ба АМИТ «Ховар» хабар доданд.

Ба иттилои Агентии обуҳавошиносӣ, имрӯз дар Вилояти Мухтори Кӯҳистони Бадахшон ҳаво тағйирёбанда шуда, дар баъзе ноҳияҳои ғарбии вилоят борони суст меборад. Дар шарқи вилоят эҳтимоли бориши нисбатан сусти марҳилавӣ (0-0,5мм) дар назар аст.  Шамол аз самти шарқ бо гузариш ба ғарб бо суръати 3-8 ва дар ноҳияҳои алоҳида бо шиддати то 10-15 метр дар як сония мевазад. Ҳаво дар ғарби вилоят   шабона 7+12 ва рӯзона 22+27  дараҷа гарм  мешавад. Дар  шарқи вилоят  ҳаво шабона аз 4 дараҷа хунук то 1 дараҷа гарм ва рӯзона 8+13 дараҷа гарм мешавад.

Ҳаво дар вилояти Суғд абрнок  ва дар баъзе ноҳияҳо  тағйирёбанда шуда, дар ноҳияҳои алоҳида борони кӯтоҳмуддат меборад. Раъду барқ ба амал меояд.  Шамол аз самти шарқ бо гузариш ба шимолу ғарб бо суръати 3-8  ва дар ноҳияҳои алоҳида бо шиддати то 10-15 метр дар як сония мевазад. Ҳаво  дар водиҳо шабона 8+13 ва рӯзона 16+21 дараҷа гарм  мешавад. Дар ноҳияҳои кӯҳӣ ҳаво шабона 3+8  ва рӯзона 10+16  дараҷа гарм мешавад.

Дар вилояти Хатлон  ҳавои камабри  бебориш ва дар ноҳияҳои доманакӯҳӣ тағйирёбанда шуда, эҳтимоли бориши нисбатан сусти марҳилавӣ (0-0,5мм) дар назар аст.  Шамол аз самти шарқ  бо гузариш ба ғарб бо суръати 3-8 ва дар ноҳияҳои алоҳида бо шиддати то 12-17 метр дар як сония вазида, тӯфони чангу ғубор ба амал меояд. Ҳаво дар водиҳо шабона 11+16 ва рӯзона 23+28  дараҷа гарм мешавад. Дар  доманакӯҳҳо ҳаво шабона 8+13 ва рӯзона 19+24 дараҷа гарм мешавад.

Дар шаҳру ноҳияҳои тобеи марказ ҳаво абрнок ва дар баъзе ҳолатҳо тағйирёбанда шуда, дар водиҳо эҳтимоли бориши нисбатан сусти марҳилавӣ (0-0,5мм) пешбинӣ шудааст. Шамол аз самти шарқ бо гузариш ба ҷанубу ғарб бо суръати 3-8  ва дар ноҳияҳои алоҳида бо шиддати то 10-15 метр дар як сония  мевазад.  Чангу ғубор ба амал меояд. Ҳаво  дар водиҳо  шабона 7+12 ва рӯзона 21+26 дараҷа гарм мешавад.  Дар ноҳияҳои кӯҳӣ ҳаво шабона 5+10 ва рӯзона 17 +22 дараҷа  гарм мешавад.

Дар шаҳри Душанбе ҳавои абрнок ва тағйирёбанда пешбинӣ шуда,  эҳтимоли бориши нисбатан сусти марҳилавӣ (0-0,5мм) дар назар аст.  Танҳо рӯзона дар баъзе ҳолатҳо борони суст меборад. Шамол аз самти шарқ бо гузариш ба ҷанубу ғарб бо суръати 3-8  метр дар як сония  вазида,  чангу ғубор ба амал меояд.  Ҳаво шабона 9+11  ва  рӯзона 22+24 дараҷа гарм мешавад.