Осорхонаи миллии Тоҷикистон соҳиби ҷоизаи «Интихоби сайёҳон» гардид

Сентябрь 10, 2020 15:50

ДУШАНБЕ, 10.09.2020 /АМИТ «Ховар»/. Осорхонаи миллии Тоҷикистон аз ҷониби сомонаи сайёҳии «Трайп Эдвайзер» дар бахши ҷойҳои тамошобоби шаҳри Душанбе ҷоизаи «Интихоби сайёҳон» (Trave llers’ Choice) дар соли 2020-ро соҳиб гардид.  Дар ин бора ба хабарнигори АМИТ «Ховар» сардори шуъбаи экскурсионӣ ва оммавии Осорхонаи миллии Тоҷикистон Фаридун Кенҷаев иттилоъ дод.

Сомонаи сайёҳии «Трайп Эдвайзер» (Tripad visor) ҳамасола ҷоизаи «Интихоби сайёҳон» (Trave llers’ Choice)- ро дар бахшҳои имконоти манзил, ҷойҳои тамошобоб ва тарабхонаҳо ба онҳое тақдим менамояд, ки пайваста аз ҷониби сайёҳон шарҳҳои беҳтарин мегиранд.

Дар сомонаи мазкур сайёҳон дар бораи меҳмонхонаҳо, тарабхонаҳо ва ҷойҳои тамошобоби саросари олам шарҳҳои худро навишта, дар асоси ин навиштаҳо мақом (рейтинг)-и онҳо муайян, нархҳои ҳуҷраҳои истиқоматӣ ва чиптаҳои ҳавопаймоҳо муқоиса мегарданд.

Дар шарҳи аксарияти сайёҳон омадааст, ки сатҳи хизматрасонӣ дар Осорхонаи миллии Тоҷикистон хуб ба роҳ монда шуда, меҳмонон аз савияи донишу забондонии роҳбаладон қаноатманд мебошанд. Пешниҳоди паиҳами давраҳои таърихӣ ва инъикоси фарҳанг, табиат ва ҳунарҳои мардумии халқи тоҷик дар экспозитсияи Осорхонаи миллии Тоҷикистон омили дигари маҳбубият пайдо кардани он миёни сайёҳон ба ҳисоб меравад.

Яке аз меҳмонон дар ин сомона навиштааст: «Макони беҳтарин мебошад. Ошёнаҳои он инъикосгари давраҳои таърихӣ, бостоншиносӣ, ганҷҳои фарҳангӣ ва асарҳои санъат мебошанд. Роҳбаладони ботаҷриба ва касбӣ, ки кори худро дӯст медоранд, ҳар яке барои ошёнаи худ ва толорҳои муайян масъул мебошанд. Дар ин ҷо, ҳар як гӯшаи он бо таърихи мамлакат нафас мекашад. Ман ба таҳқиқ барои ташриф ба ин макон тавсия медиҳам!».

Мавриди зикр аст, ки «Трайп Эдвайзер» сомонаи сайёҳии амрикоӣ буда, соли 2000 таъсис дода шудааст. Сомона ба истифодабарандагони худ имкон медиҳад, то сафари худро ба дилхоҳ кишвари дунё ба нақша гиранд. Айни замон ин сомона дар 45 давлат бо 25 забон фаъолият намуда, инчунин ба 315 миллион нафар меҳмонон хизмат мерасонад.

Дар ин сомонаи сайёҳӣ зиёда аз 70 миллион корбарон сабти ном шуда, бо зиёда аз 200 миллион шарҳ дар ҷаҳон мақоми намоёнро ишғол намудааст.

Сентябрь 10, 2020 15:50

Хабарҳои дигари ин бахш

Фирӯза Шарифӣ: «Фалак ормон, орзу, ишқ, муҳаббат ва ифодакунандаи розҳост»
«Дафтари ишқ»-и Камоли Хуҷандӣ ба забони немисӣ ба нашр расид
Муҳриддин Низомӣ: «Фалак аз даврони китоби «Авасто», аз замони Борбади Марвазӣ вуҷуд дошт»
«Ҳеҷ кас ва ҳеҷ чиз фаромӯш нашудааст»-намоише, ки ба ифтихори 75- солагии Ғалаба дар Ҷанги дуюми ҷаҳон бахшида шудааст
Ба шарофати осори Сино тибби Аврупо аз таъсири астрология, сеҳру ҷоду халосӣ ёфта, ба маҷрои воқеан илмӣ даромад,-бардошт аз симпозиуми байналмилалӣ
Ду донишгоҳи олии маъруфи Тоҷикистон бо котиботи Шӯрои АБП ИДМ шартномаҳои ҳамкорӣ имзо намуданд
Файласуфи маъруфи тоҷик Муҳаммадқул Ҳазратқулов даргузашт
Пагоҳ дар Душанбе Конфронси 7-уми байналмилалии «Масъалаҳои муосири физика» оғоз мегардад
МАСЪАЛАҲОИ ЗАБОНШИНОСИИ МИЛЛӢ ДАР ТАЪЛИМОТИ ПЕШВОИ МИЛЛАТ. Мақолаи доктори илмҳои сиёсӣ, узви вобастаи Академияи миллии илмҳои Тоҷикистон С. Ятимов
НОБИҒАЕ, КИ ОСОРИ Ӯ ДОНИШМАНДОНИ МАЪРУФИ ШАРҚУ ҒАРБРО БА ҲАЙРАТ ОВАРДАСТ. Ба муносибати бузургдошти 1040-солагии Сино симпозиуми байналмилалӣ доир мегардад
МУБАЛЛИҒИ ЗАБОНИ ТОҶИКӢ ДАР АВРУПО ВА АМРИКО. Агар умр вафо мекард, имрӯз профессор Манфред Лорентс ба синни 91 мерасид…
Дар Хоруғ даври дуюми Озмуни ҷумҳуриявии «Тоҷикистон — Ватани азизи ман» оғоз шуд