Президенти мамлакат Эмомалӣ Раҳмон бинои Коллеҷи хусусии тиббиро дар ноҳияи Восеъ ифтитоҳ намуданд
ДУШАНБЕ, 24.09.2020 /АМИТ «Ховар»/. 24 сентябр Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар деҳаи Восеъободи калони деҳоти ба номи Абдӣ Авазови ноҳияи Восеъ Коллеҷи хусусии тиббиро, ки бо тарҳи хеле зебо ва дар масоҳати умумии 4 га барои 800 нафар донишҷӯ дар ду баст бунёд гардидааст, бо бардоштани парда аз рӯи лавҳаи рамзӣ ифтитоҳ намуданд.
Дар ин ҷо ба Сарвари давлат иттиллоъ дода шуд, ки бинои мазкур аз 3 ошёна иборат буда, сохтмони он сентябри соли 2018 бо ҷалби зиёда аз 200 нафар бинокори маҳаллӣ бо истифода аз масолеҳи сохтмонии истеҳсоли ватанӣ оғоз гардида, моҳи сентябри соли равон анҷом ёфтааст.
Коллеҷи тиббӣ дорои 44 синфхона мебошад.
Бо ифтитоҳи Коллеҷи тиббӣ акнун зиёда аз 120 нафар имкон пайдо намуданд, ки бо маоши доимӣ таъмин гардида, дар шароити хубу муосир фаъолият намоянд. Бо васеъ намудани самти фаъолият то ба 400 нафар ҷойи корӣ таъмин мегардад. Дар ошёнаи якуми Коллеҷи мазкур озмоишгоҳ, 2 синфи технологияи информатсионӣ бо 30 адад компютер пайваст ба шабакаи интернет, 2 синфхонаи фанни физиология, инчунин 2 синфхонаи фанни физиологияи эътидолӣ, синфи анатомия, 10 проектор, нуқтаи санитарӣ, ҳуҷраи тиббӣ ва ошхона ҷойгир мебошад.
Дар ошёнаи 2-юми он 12 синфхона, китобхона, толори маҷлис барои 150 ҷойи нишаст, толори варзишӣ ва дар ошёнаи сеюм синфхонаҳои иловагӣ ҷойгиранд. Инчунин дар саҳни ҳавлии Коллеҷи мазкур майдончаи варзишӣ, майдони футболи хурд ва майдончаи волейболбозӣ муҳайё гардидааст.
Дар атрофи Коллеҷи тиббӣ зиёда аз 78 фурӯзонаки равшанидиҳанда насб гардида, зиёда аз 80 бех ниҳолҳои ҳамешасабзу сояафкан ва гулу буттаҳои ороишиву рангоранг шинонида шудааст. Масоҳати 7 ҳазору 600 метри мурабаъ атрофи он сафолакпӯш гардида, зебогии атрофи биноро дучанд намудааст.
Инчунин бо масофаи 100 метр дур дар қабати бинои мазкур бо чуқурии 130 метр чоҳи амудӣ обёрӣ гардидааст, ки бинои навбунёд ва атрофи онро бо оби нӯшокӣ таъмин намудааст.
Сарвари давлат муҳтарам Эмомалӣ Раҳмон зимни шиносоӣ дар бинои навбунёд ба корҳои сохтмонӣ баҳои баланд доданд.
Сокинони шарафманди ноҳияи Восеъ бунёди чунин як муассисаи таълимии навбунёдро туҳфаи арзандаи даврони Истиқлоли давлатӣ дар омода намудани мутахассисони соҳаи тандурустӣ ва ба талаботи замон ҷавобгӯ арзёбӣ карданд.
Пешвои миллат муҳтарам Эмомалӣ Раҳмон омӯзгорону кормандони Коллеҷи мазкурро барои тайёр намудани мутахассисони ба талаботи замон ҷавобгӯ ҳидоят карданд.
Пас аз ифтитоҳи бинои Коллеҷи хусусии тиббӣ Сарвари давлат дар ҳамин ҷо барои бунёди бинои хобгоҳи донишҷуён санги асос гузоштанд.
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Қазоқистон Қосим–Жомарт Токаев суҳбати телефонӣ анҷом доданд
Сарвари давлат Эмомалӣ Раҳмон дар ноҳияи Данғара дар Семинар-машварати ҷумҳуриявии кишоварзон ва мулоқот бо фаъолон иштирок намуданд
Пешвои миллат Эмомалӣ Раҳмон дар ноҳияи Данғара бо ҷараёни парвариш ва нашъунамои зироати кишоварзӣ дар Кооперативи истеҳсолии «Сомонҷон» ва хоҷагии деҳқонии «Эмоми Аъзам» шинос шуданд
Дар шаҳри Истаравшан 4 муассисаи таълимӣ сохта мешавад
Президенти Ҷумҳурии Тоҷикистон Эмомалӣ Раҳмон дар ноҳияи Данғара корхонаи навбунёди ҶДММ «Оксус Интеразия»-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Данғара ба сохтмони марҳилаи дуюми корхонаи ҶДММ «Сипар Групп» санги асос гузоштанд
Пешвои миллат Эмомалӣ Раҳмон дар ноҳияи Данғара ба бунёди коргоҳи дару тиреза ва панелҳои алюминии ҶДММ «Куруши Кабир Индастри» санги асос гузоштанд
Президенти Ҷумҳурии Тоҷикистон Эмомалӣ Раҳмон роҳбарони ҳайатҳои ҷаласаи навбатии Шурои роҳбарони ниҳодҳои амниятӣ ва хадамоти махсуси давлатҳои иштирокдори ИДМ-ро ба ҳузур пазируфтанд
Сарвари давлат Эмомалӣ Раҳмон бо фаъолияти ҶДММ «Акиа Авесто автоматив индастри» шинос шуданд
Пешвои миллат Эмомалӣ Раҳмон бо рафти корҳои сохтмонӣ дар Театри миллии Тоҷикистон шинос шуданд
Президенти Ҷумҳурии Тоҷикистон Эмомалӣ Раҳмон ба як қатор қонунҳо имзо гузоштанд
