ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Исфара Мактаби хусусии байналмилалии «Ориён» бунёд мешавад
ДУШАНБЕ, 21.10.2020 /АМИТ «Ховар»/. Бахшида ба ҷашни 30-солагии Истиқлоли давлатии Ҷумҳурии Тоҷикистон дар шаҳри Исфара сохтмони бинои Мактаби хусусии байналмилалии «Ориён» бо харҷи 30 миллион сомонӣ аз тарафи соҳибкорони саховатпеша Исроилҷон ва Нарзуллоҷон Ӯлмасовҳо идома дорад.
Тавре масъули сомонаи муқомоти иҷроияи ҳокимияти давлатии шаҳри Исфара ба хабарнигори АМИТ «Ховар» иттилоъ дод, иншооти таълимӣ барои 1600 нафар хонанда дар ду баст пешбинӣ шуда, аз 4 бино – бинои маъмурӣ, ду бино бо 40 синфхонаи таълимӣ, утоқҳои фаннӣ, ошхона, ҳавзи шиноварӣ ва дигар инфрасохтори муосири таълимӣ иборат мебошад.
Бо мақсади тарғибу ташвиқи тарзи ҳаёти солим ва ба варзиш ҷалб намудани наврасону ҷавонон дар муассисаи таълимӣ толори алоҳидаи муосири варзишӣ сохта мешавад. Барои дар шароити зарурӣ баргузор намудани ҷамъомаду барномаҳои гуногуни оммавию фарҳангӣ дар ошёнаи дуюми муассисаи таълимӣ бунёди толори барҳавои маҷлисгоҳ бо 400 ҷойи нишаст пешбинӣ шудааст. Инчунин бунёди хобгоҳ барои 200 нафар толибилм дар назар дошта шудааст.
Лоиҳаи иншооти бинои нави таълимӣ аз ҷониби меъморони КВД «Лоиҳакаш»-и шаҳри Исфара таҳия гардида, буҷаи лоиҳавӣ 30 миллион сомониро ташкил медиҳад.
Тибқи нақша, корҳои сохтмонӣ моҳи августи соли 2021 ба охир расонида шуда, аз оғози соли нави таҳсил таълимгоҳ ба фаъолият оғоз мекунад.
Бунёди ин мактаб идомаи иқдомҳои созандагӣ дар соҳаи маориф буда, айни замон бо ташаббус ва маблағгузории соҳибкорону аҳолӣ дар ҳудуди шаҳру деҳоти Исфара сохтмони 18 синфхонаи иловагӣ сурат мегирад.
Ҳоло дар шаҳри Исфара бахшида ба истиқболи сазовори ҷашни фархундаи 30-солагии Истиқлоли давлатии Ҷумҳурии Тоҷикистон корҳои ободонию созандагӣ вусъати тоза гирифтаанд. Тибқи нақша, бунёду навсозӣ ва таъмиру тармими зиёда аз 450 иншооти истеҳсоливу иҷтимоӣ ба маблағи умумии қариб 1 миллиард сомонӣ аз ҳамаи сарчашмаҳо пешбинӣ шуда, соли 2020 сохтмон ва таъмиру навсозии 124 иншоот анҷом меёбад.
Бахшида ба Рӯзи Парчами давлатӣ дар ноҳияи Рӯдакӣ ҳамоиши тантанавӣ доир шуд
Сарвазири Тоҷикистон Қоҳир Расулзода дар ноҳияҳои Абдураҳмони Ҷомӣ ва Дӯстӣ бо корҳои ободонию созандагӣ ва саривақт ҷамъоварӣ намудани ҳосили пахта шинос шуд
35-СОЛАГИИ ИСТИҚЛОЛИ ДАВЛАТӢ. Дар Балҷувон 180 иншооти таъйиноти гуногун ба истифода дода шуд
Пешвои миллат Эмомалӣ Раҳмон дар Фурудгоҳи байналмилалии Хуҷанд бинои Маҷмааи хизматрасонии техникии парвозҳоро ба истифода доданд
Сарвари давлат Эмомалӣ Раҳмон 3 қитъаи роҳи мошингарди Деҳмой-Конибодом — Деҳмой-Бобоҷон Ғафуров, Бобоҷон Ғафуров-Хистеварз ва Кучкак-Конибодомро мавриди баҳрабардорӣ қарор доданд
Дар Кувайт ҷашнҳои давлатии Тоҷикистон таҷлил гардиданд
Пешвои миллат Эмомалӣ Раҳмон таври фосилавӣ 6 иншооти таъйиноти гуногунро дар ноҳияи Бобоҷон Ғафуров ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров коргоҳи истеҳсоли маҳсулоти пластикии ҶДММ «Чавроқ»-ро мавриди баҳрабардорӣ қарор доданд
Сарвари давлат Эмомалӣ Раҳмон дар шаҳри Гулистон ба таври фосилавӣ як иншооти соҳаи тандурустӣ, ду корхонаи саноатӣ ва як сардхонаро ифтитоҳ намуданд
Пешвои миллат Эмомалӣ Раҳмон дар шаҳри Гулистон корхонаи истеҳсоли ранг ва хокаи хушки сохтмонии ҶДММ «Тиглат»-ро ба истифода доданд
Сарвари давлат Эмомалӣ Раҳмон ба корҳои сохтмонии ду лоиҳаи нави энергетикӣ дар ноҳияи Ашти вилояти Суғд ва ноҳияи Ҷайҳуни вилояти Хатлон оғоз бахшиданд
Президенти Ҷумҳурии Тоҷикистон Эмомалӣ Раҳмон 3 гидроагрегати неругоҳи Қайроққумро баъди навсозӣ мавриди истифода қарор доданд
