Дастаи футзали «Сипар»-и шаҳри Хуҷанд бори аввал чемпиони Тоҷикистон шуд

Октябрь 26, 2020 10:00

ДУШАНБЕ, 26.10.2020 /АМИТ «Ховар»/. Шоми дирӯз дар шаҳри Душанбе дастаи  «Сипар»-и шаҳри Хуҷанд дар бозии чоруми финали Лигаи касбии футзали Тоҷикистон бар дастаи  «Соро компания»-и шаҳри Душанбе бо ҳисоби 3:1 ғалаба карда, соҳиби медалҳои тилло гардид.  Дар ин бора  шореҳи  варзиши АМИТ «Ховар» Меҳрони  Қурбон бо истинод ба Федератсияи футболи Тоҷикистон иттилоъ медиҳад.

Пас аз чор бозӣ ҳисоби силасилаи бозиҳо 3:1 ба фоидаи дастаи футзали   «Сипар»-и шаҳри Хуҷанд шуд. Ғалабаи  дастаи  «Сипар» дар бозии чорум тавассути зарбаҳои нишонраси Илёс Чотбоев, Дилшод Саломов ва Парвиз Раҳматов таъмин гардид.

Дастаи футзали   «Сипар»-и шаҳри Хуҷанд дар таърихи мавҷудияти клуб аввалин маротиба ба унвони чемпионӣ расид. Қаблан чанд маротиба соҳиби медалҳои нуқраи Лигаи касбии футзали Тоҷикистон шудааст. Дастаи футзали  «Соро компания»-и шаҳри Душанбе, ки солҳои 2018 ва 2019 чемпиони Тоҷикистон шуда буд, имсол ҷойи дуюмро ишғол кард. Медалҳои биринҷӣ насиби дастаи футзали  «Муҳоҷир»-и шаҳри Душанбе шуд, ки дар се бозӣ барои ҷойи сеюм дастаи  футзали «Истаравшан»-и шаҳри Истаравшанро мағлуб намуд.

Ин ҳафтум мавсими Лигаи касбии футзали Тоҷикистон буд. Қаблан ду дастаи Душанбе – «ДИСИ Инвест» чор маротиба (2014, 2015, 2016, 2017) ва  дастаи футзали  «Соро компания»-и шаҳри Душанбе ду маротиба солҳои  (2018, 2019) ғолиб гардида буданд.

Ин нахустин чемпионии  дастаи  футзали «Сипар»-и шаҳри  Хуҷанд дар тӯли таърихаш ба шумор меравад.

Лигаи касбии футзали Тоҷикистон-2020

Финал. Бозии чорум

Соро компания» – «Сипар» – 1:3

Голҳо: Некрӯз Алимаҳмадов, 5 (1:0). Иляс Чотбаев, 28 (1:1). Дилшод Саломов, 42 (1:2). Парвиз Раҳматов, 46 (1:3).

Беҳтарин бозингари бозӣ: Иляс Чотбаев («Сипар»).

Ҳисоби умумӣ – 1:3.

Октябрь 26, 2020 10:00

Хабарҳои дигари ин бахш

Варзишгарони тоҷик аз мусобиқаҳои байналмилалӣ 958 медал ба даст оварданд
ЛИГАИ ЧЕМПИОНҲО-2-И ОСИЁ. Имрӯз дастаҳои футболи «Истиқлол» ва «Ал-Наср» бо ҳам бозӣ мекунанд
9 паҳлавони тоҷик дар Мусобиқаи байналмилалии Abu Dhabi Grand Slam -2025 иштирок мекунанд
Ҳайати дастаи футболи «Ал-Наср»-и Арабистони Саудӣ барои бозӣ бо «Истиқлол» ба Душанбе омад
ЧЕМПИОНАТИ CAFA-2025. Дастаи мунтахаби занонаи то 18-солаи Тоҷикистон бо дастаи занонаи Узбекистон бозиро мусовӣ кард
Дар даврони соҳибистиқлолии Тоҷикистон бо шарофати варзишгарон Парчами давлатӣ зиёда аз 7500 маротиба баланд бардошта шуд
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд
Парчами давлатии Тоҷикистон давоми нуҳ моҳ ба шарафи варзишгарони тоҷик зиёда аз 320 маротиба баланд бардошта шуд