Абдуҷаббор Раҳмонзода ва Қурбон Ҳакимзода бо ҷараёни корҳои ободонӣ ва сохтмони иншооти ҷашнӣ дар ноҳияи Темурмалик шинос шуданд

Ноябрь 23, 2020 15:12

ДУШАНБЕ, 23.11.2020 /АМИТ «Ховар»/. 22 ноябр Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода ва раиси вилояти Хатлон Қурбон Ҳакимзода бо мақсади шиносоӣ бо ҷараёни корҳои ободонӣ ва сохтмони иншоот дар доираи омодагӣ ба ҷашни 30-солагии Истиқлоли давлатии Ҷумҳурии Тоҷикистон ба ноҳияи Темурмалик сафари корӣ анҷом доданд.

Дар ин бора ба хабарнигори АМИТ «Ховар» аз шуъбаи иттилоотию таҳлилии дастгоҳи раиси вилояти Хатлон хабар доданд.

Дар ҷараёни сафари корӣ аз ҷараёни корҳои сохтмонии Қасри фарҳанг дар ҷамоати деҳоти «Кангурт» боздид ба амал оварда шуд.

Тибқи иттилои масъулин, иншооти мазкур барои 500 нафар тамошобин ба истифода дода мешавад. Имрӯз ба сохтмони он 80 нафар бинокору меъмор ҷалб гардида, айни замон дар иншоот корҳои пардозгарӣ ҷараён доранд.

Ҳамчунин дар ҷараёни сафар аз корхонаи истеҳсоли сангу шағал дар деҳаи Даҳани намак дидан намуданд. Ин корхона ба маблағи 1,5 миллион сомонӣ аз тарафи ҶДММ «Файзи Шакур» бунёд мегардад.

Тавре сармуҳосиби корхонаи мазкур Музаффар Ҳошимов иброз дошт,  иқтидори истеҳсолии корхона дар як шабонарӯз  100-120 метри мукааб мебошад. Дар ин иншоот 15 нафар коргар фаъолият доранд, ки баъди пурра мавриди истифода қарор гирифтани он беш аз 25 нафар сокини маҳаллӣ бо ҷойи кори доимӣ таъмин мегарданд.

Ба гуфти масъулин, таҷҳизоти корхона аз Ҷумҳурии Мардумии Чин харидорӣ ва насб шудаанд.

Ҳайати гурӯҳи корӣ аз Мактаб-интернати давлатии наздимактабии Кангурт дидан карданд, ки он ҷо 121 нафар кӯдак ба таълиму тарбияи шабонарӯзӣ фаро гирифта шудаанд. Дар ин ҷо ба ҳамаи тарбиятгирандагон либосҳои гарми зимистона тақдим шуда, барои онҳо дастархони идона ороста шуд.

Дар деҳаи Оби ширини ноҳияи Темурмалик аз ҷониби соҳибкор Зайниддин Аслов маркази хизматрасонӣ иборат аз ҳаммом, ҳавзи шиноварӣ, сехи истеҳсоли макарон бунёд гардида истодааст. Айни замон дар иншооти мазкур корҳои сохтмонӣ ба маблағи 730 ҳазор сомонӣ ба анҷом расонида шудаанд. Баъди ба истифода додани иншооти мазкур барои 15 нафар ҷой ва шароити корӣ муҳайё мегардад.

Инчунин дар ноҳия дар назди Мактаб-интернати давлатии Кангурт  аз ҳисоби маблағҳои Вазорати корҳои хориҷии Ҷумҳурии Тоҷикистон варзишгоҳ ва толори варзишӣ бунёд гардида истодаанд. Дар ин иншоот айни замон ба маблағи 100 ҳазор сомонӣ корҳои сохтмонӣ ба анҷом расонида шуда, дар ин самт корҳои дигари пардозгарӣ идома доранд. Муҳлати ба истифода додани иншооти номбурда дар арафаи ҷашни 30-солагии Истиқлоли давлатии Ҷумҳурии Тоҷикистон дар назар дошта шудааст.

Ноябрь 23, 2020 15:12

Хабарҳои дигари ин бахш

Миёни Кумитаи рушди сайёҳӣ ва Ассотсиатсияи туризми дар ҷомеа асосёфта Ёддошти тафоҳум ба имзо расид
БМТ: Рушди ҳисоббаробаркунии ғайринақдӣ тақозои замон аст
Далер Ҷумъа дар нишасти Шӯрои энергетикии барқи ИДМ ширкат намуд
Соли 2022 ба Тоҷикистон аз Русия чӣ миқдор нафту газ ворид мешавад
Дар Вазорати рушди иқтисод ва савдо масъалаи содагардонии расмиёти савдо баррасӣ шуд
Дар Кӯлоб Форуми минтақавии соҳибкории Хатлон-2021 баргузор шуд
Дар Бонки миллӣ Стратегияи давлатии муқовимат ба коррупсия барои давраи то соли 2030 баррасӣ гардид
Маҷмааи нассоҷии ҶСП «Ҷунтай Данғара Син Силу Текстил» дар ноҳияи Данғара ба мутахассисон эҳтиёҷ дорад
Дастовардҳои биологҳои тоҷик дар соли 2021 натиҷагирӣ шуд
Дар шаҳри Дубай Форуми соҳибкорию сармоягузории Тоҷикистон ва Амороти Муттаҳидаи Арабӣ доир шуд
«ОБ — САРЧАШМАИ АСОСИИ ИМКОНИЯТҲОИ САЙЁҲИИ ТОҶИКИСТОН». Дар Душанбе таҳти ин унвон ҳамоиши илмӣ баргузор гардид
Дар Душанбе оид ба баррасии барномаи миёнамуҳлати рушди Ҷумҳурии Тоҷикистон ҳамоиш доир шуд