Ҳафтаи равон нишасти сарони далатҳои узви СААД ба нақша гирифта шудааст

Ноябрь 30, 2020 12:12

ДУШАНБЕ, 30.11.2020 /АМИТ «Ховар»/. Владимир Путин ҳафтаи оянда дар нишасти кишварҳои СААД ширкат хоҳад кард, гузориш додааст шабакаи телевизионии «Россия 1» 29 ноябр. Имсол раёсати СААД -ро Федератсияи Россия ба дӯш дорад ва аз ин рӯ нишасти сарони давлатҳо дар он ҷо баргузор мешавад.

 Тавре АМИТ «Ховар» қаблан хабар дода буд, 17 ноябр ҷаласаи Кумитаи котибони шӯроҳои амнияти кишварҳои Созмони Аҳдномаи Амнияти Дастаҷамъӣ (СААД) дар шакли видеоконфронс баргузор гардид. Конфронс таҳти раёсати дабири ША Федератсияи Россия Николай Патрушев ва бо иштироки дабири кулли СААД Станислав Зас сурат гирифт.

Дар ин ҷаласа Станислав Зас иброз намуд, ки нишасти сарони кишварҳои узви СААД моҳи декабр дар Москва баргузор мешавад. Котибони шӯроҳои амнияти кишварҳои узви СААД тарҳи рӯзномаи нишастро мувофиқа кардаанд.

«Лоиҳаи рӯзномаи ҷаласаи Шӯрои амнияти дастаҷамъӣ бо иштироки сарони давлатҳои СААД, ки 2 декабр ба нақша гирифта шудааст, мувофиқа карда шуд»,  — омадааст дар изҳороте, ки пас аз ҷаласаи котибони шӯроҳои амният дар сайти президенти Қазоқистон нашр шудааст. Қаблан дабири кулли СААД Станислав Зас хабар дода буд, ки нишасти СААД моҳи декабр дар Москва баргузор мешавад. Вай изҳори умедворӣ кард, ки «баргузории Шӯрои амнияти дастаҷамъӣ имконпазир аст».

Ҷаласаи навбатии Кумитаи котибони шӯроҳои амнияти СААД соли 2021 дар Тоҷикистон баргузор мешавад.

СААД — созмони минтақавии байналмилалӣ мебошад ва ҳадафҳои он «таҳкими сулҳ, амният ва суботи байналмилалӣ ва минтақавӣ, ҳифзи дастаҷамъии истиқлол, тамомияти арзӣ ва соҳибихтиёрии давлатҳои узв мебошад, ки барои расидан ба онҳо давлатҳои аъзо ба  воситаҳои сиёсӣ афзалият медиҳанд».

Бунёди СААД 15 майи соли 1992 бо имзои Паймони амнияти дастаҷамъӣ дар Тошканд гузошта шуд. Ба Паймон шаш кишвар — Россия, Арманистон, Беларус, Қазоқистон, Қирғизистон ва Тоҷикистон шомил мебошанд.

АКС аз бойгонӣ

Ноябрь 30, 2020 12:12

Хабарҳои дигари ин бахш

Судяҳои Суди Олии Тоҷикистон дар форуми байналмилалӣ иштирок намуданд
Ҳайати Тоҷикистон дар ҷаласаи раисони судҳои олии давлатҳои аъзои Созмони ҳамкории Шанхай иштирок намуд
Оид ба татбиқи барномаҳои давлатии Тоҷикистон дар пешгирии экстремизм ва терроризм конфронси ҷумҳуриявӣ доир шуд
Дар Душанбе оид ба истифодаи технологияҳои ҳастаӣ ва бехатарии радиатсионӣ конференсияи байналмилалӣ доир шуд
Тоҷикистон ва Эрон нақша доранд ҳамкориро дар самти мубориза бо ҷинояткории муташаккили фаромиллӣ густариш диҳанд
Байни Тоҷикистон ва Қирғизистон оид ба рафъи ҳолатҳои фавқулода Ёддошти тафоҳум ба имзо расид
Дар Душанбе масъалаи арзёбии фаврӣ ва ҳамоҳангсозии ҳолатҳои фавқулода баррасӣ гардид
Вохӯрии дуюми котибони шуроҳои амнияти давлатҳои Осиёи Марказӣ дар Самарқанд баргузор шуд
Бо истифода аз барномаи «Нозири минтақавии ман» шаҳрвандон метавонанд нозири минтақавии худро шиносанд
ПУРСИДЕД, ҶАВОБ МЕДИҲЕМ. Киҳо хуқуқи дар сафи Қувваҳои Мусаллаҳи Ҷумҳурии Тоҷикистон хизмат карданро доранд?
Дар шаҳри Бӯстон нақшаи даъвати баҳорӣ ба сафи Қувваҳои Мусаллаҳ иҷро гардид
Дар Тоҷикистон нақшаи даъвати баҳорӣ ба сафи Артиши миллӣ беш аз 80 фоиз иҷро шуд