Дар ҷаласаи Ситоди ҷумҳуриявӣ омодагӣ дар шаҳри Душанбе ва шаҳру ноҳияҳои тобеи ҷумҳурӣ ба зимистонгузаронӣ мавриди баррасӣ қарор дода шуд

Ноябрь 28, 2020 12:41

ДУШАНБЕ, 28.11.2020. /АМИТ «Ховар»/. Имрӯз ҷаласаи Ситоди ҷумҳуриявӣ оид ба иҷрои қарори Ҳукумати Ҷумҳурии Тоҷикистон аз 31 марти соли 2020, №199 «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2020-2021» таҳти роҳбарии муовини Сарвазири Ҷумҳурии Тоҷикистон Усмоналӣ Усмонзода баргузор гардида, дар он омодагӣ дар шаҳри Душанбе ва шаҳру ноҳияҳои тобеи ҷумҳурӣ ба зимистонгузаронӣ мавриди баррасӣ қарор дода шуд, хаббар медиҳад АМИТ «Ховар».

Дар ҷаласа намояндагони вазорату идораҳои соҳавӣ — аъзои Ситоди ҷумҳуриявӣ ва намояндагони соҳаҳои иҷтимоиву иқтисодии шаҳри Душанбе ва ноҳияҳои тобеи ҷумҳурӣ иштирок намудаанд.

Дар қарори Ҳукумати Ҷумҳурии Тоҷикистон аз 31 марти соли 2020, №199 супоришу тадбирҳо вобаста ба ҳалли масъалаҳои омодагии соҳаҳои иқтисодиёт ва иҷтимоиёти ҷумҳурӣ ба мавсими тирамоҳу зимистони соли 2020-2021 дар 4 банд ва 42 зербанди Нақшаи чорабиниҳо пешбинӣ гардида, муҳлати иҷрои онҳо ва мақомоти иҷрокунанда ба таври мушаххас дарҷ гардидаанд.

 Дар асоси пешниҳодҳои вазорату идораҳо, мақомоти иҷроияи ҳокимияти давлатии вилоятҳо, шаҳри Душанбе ва шаҳру ноҳияҳои тобеъи ҷумҳурӣ, Вазорат оид ба рафти иҷрои қарори зикргардида гузоришҳои ҷамъбастии ҳармоҳа ба Ҳукумати Ҷумҳурии Тоҷикистон манзур карда шудааст.

Ҳамзамон, бо мақсади омӯзиши ҳолати воқеии рафти иҷрои қарори мазкур тибқи супориши Ҳукумати Ҷумҳурии Тоҷикистон Гурӯҳи корӣ аз ҳисоби намояндагони вазорату идораҳои дахлдори соҳавӣ таъсис дода шуда, ба Вилояти Мухтори Кӯҳистони Бадахшон, вилоятҳои Хатлон ва Суғд, ноҳияҳои тобеи ҷумҳрӣ ва шаҳри Душанбе сафари корӣ анҷом дода, аз рафти иҷрои қарори болозикр ва омодагии соҳаҳои иқтисодиёту иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2020-2021, аз ҷумла дар муассисаҳои соҳаҳои маориф, тандурустӣ, фарҳанг, нақлиёт, корхонаҳои саноатӣ, хоҷагии манзилию коммуналӣ, раёсатҳои матлубот, шабакаҳои барқи ва ғайраро мавриди омӯзиш қарор дода, гузоришҳои дахлдор ба Ҳукумати ҷумҳурӣ пешниҳод намудааст.

Лозим ба зикр аст, ки аз ҷониби Мақомоти иҷроияи ҳокимияти давлатии шаҳри Душанбе ва шаҳру ноҳияҳои тобеи ҷумҳурӣ ҷиҳати иҷрои қарори Ҳукумати Ҷумҳурии Тоҷикистон аз 31 марти соли 2020, №199, қарори Раиси шаҳри Душанбе ва шаҳру ноҳияҳои тобеи ҷумҳурӣ «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2020 — 2021» ба тасвиб расонида, аз ҷониби сохторҳои марбута мавриди иҷро қарор дода шудааст.

Дар рафти ҷаласа аз ҷониби масъулини Мақомоти иҷроияи ҳокимияти давлатии шаҳри Душанбе ва шаҳру ноҳияҳои тобеи ҷумҳурӣ ҳисоботҳо манзур гардида, муовини Сарвазири мамлакат Усмоналӣ Усмонзода оид ба камбудиву мушкилиҳои ҷойдошта вобаста ба маблағгузорӣ барои хариди маводи сӯхт, захираи маводи озуқаворӣ ва зиддилағжиш, инчунин вобаста ба пешгирии таъсири бемории сироятии СOVID-19 ба соҳаҳои иҷтимоию иқтисодии Ҷумҳурии Тоҷикистон дар давраи тирамоҳу зимистони солҳои 2020-2021 ибрози назар намуд.

Дар охири ҷаласа муовини Сарвазир ба вазорату идораҳои дахлдор ва Мақомоти иҷроияи ҳокимияти давлатии шаҳри Душанбе ва шаҳру ноҳияҳои тобеи ҷумҳурӣ вобаста ба таъмини иҷрои нақшаи захира ва сари вақт омода намудани соҳҳахои мухталиф супоришҳои қатъӣ дод.

Ноябрь 28, 2020 12:41

Хабарҳои дигари ин бахш

Сайди моҳӣ дар Тоҷикистон дар шаш моҳ 1145,3 тоннаро ташкил дод
Барномаи рушди иҷтимоию иқтисодӣ ба беҳтар намудани сатҳи зиндагии мардуми ноҳияи Дарвоз мусоидат менамояд
Дар Суғд фаъолияти муштараки доираҳои тиҷоративу соҳибкории Тоҷикистон ва Ҷопон баррасӣ гардид
Кишоварзони шаҳри Ваҳдат дар майдони 6480 гектар кишти такрорӣ гузарониданд
Азим Иброҳим, Вазири нақлиёт: Тоҷикистон ба кишвари транзитӣ табдил меёбад
Палатаи савдо ва саноат: Иштироки соҳибкорони Тоҷикистон дар 18 намоишгоҳи дохилӣ ва хориҷӣ таъмин карда шуд
Дар масири Душанбе-Волгоград, Хуҷанд-Волгоград, Кӯлоб-Волгоград қатораҳои мусофирбар ба ҳаракат медароянд
Соҳибкорони вилояти Суғд ва кишвари Красноярск 9 созишномаи ҳамкорӣ ба имзо расониданд
ҲАДИСИ МУСАВВАР. Дар доираи намоишгоҳи «TAJ BUILD» ширкатҳои сохтмонии бонуфузи ватанӣ ва хориҷӣ зарфияти худро ба маърази тамошо гузоштанд
Дар Душанбе Конференсияи панҷуми байналмилалии истифодабарандагони «Макромайн» оғоз гардид
САБЗАВОТИ «ТИЛЛОӢ». Чаро пиёзи одӣ маҳсулоти гаронбаҳо шудааст?
Донишкадаи кӯҳию металлургии Тоҷикистон кадрҳои баландпояи соҳаи саноати миллӣ тарбия менамояд

Маводҳои таҳлилӣ