Иҷлосияи 32-юм ва Конфронси минтақавии Созмони озуқаворӣ ва кишоварзии СММ (ФАО) ба таври онлайн ҷараён дорад
ДУШАНБЕ, 03.11.2020 /АМИТ «Ховар»/. Аз 2 то 4 ноябр Иҷлосияи 32-юм ва Конфронси минтақавии Созмони озуқаворӣ ва кишоварзии СММ (ФАО) барои кишварҳои Аврупо ва Осиёи Марказӣ тариқи бархат (онлайн) баргузор гардида истодааст, ки дар он муовини якуми Вазири кишоварзии Ҷумҳурии Тоҷикистон Саъдӣ Каримзода иштирок намуда, сухан гуфт.
Дар ин бора ба АМИТ «Ховар» аз маркази матбуоти Вазорати кишоварзии мамлакат иттилоъ доданд.
Дар конфронси мазкур масъалаҳои таъмини амнияти устувори озуқаворӣ ва ғизо тавассути ислоҳоти институтсионалӣ, таҳкими иқтидор ва дастгирӣ барои таҳия ва татбиқи сиёсати амнияти миллии озуқаворӣ, истифодаи устувори захираҳои табиӣ ва эҷоди устуворӣ ба тағйирёбии иқлим, таъмини самаранокии устувори кишоварзӣ ва рақобатпазирӣ муҳокима шуданд.
Дар ҷараёни он мавзӯи «Роҳҳои ҳалли фаъолият барои ҷавонон, шуғл ва рушд дар минтақаҳои деҳот дар робита ба Даҳсолаи хоҷагидории оилавии СММ» мавриди баррасӣ ва таҳлил қарор гирифт.
Конфронси минтақавии Созмони озуқаворӣ ва кишоварзии СММ (ФАО) форуми расмӣ буда, дар он вазирони кишоварзӣ ва мақомоти баландпояи давлатҳои аъзои СММ (ФАО) ва як минтақаи ҷуғрофӣ сухан мегӯянд.
Ҳадаф аз баргузории чунин Конфронси минтақавӣ таҳияи ҳамоҳангии масъалаҳои ҳамкории минтақавӣ дар сиёсати кишоварзӣ, мушкилот ва масъалаҳои афзалиятноки марбут ба бехатарии озуқаворӣ дар минтақа ва ҷаҳон мебошад.
Дар ҷараёни баргузории конфронс иштирокдорон ба мувофиқа расиданд, ки Конфронси сатҳи баланди навбатии Созмони озуқаворӣ ва кишоварзии СММ (ФАО) моҳи июли соли 2021 баргузор карда шавад ва ташаббуси «Даст ба даст»-и СММ (ФАО) дар чорабинии мазкур пешниҳод ва мавриди муҳокима қарор дода шавад.
Дар Тоҷикистон шумораи субъектҳои хоҷагидори амалкунанда беш аз 100 ҳазор зиёд гардидааст
Дар Тоҷикистон дар 25 соли охир ҳаҷми истеҳсоли маҳсулоти кишоварзӣ 122 баробар афзоиш ёфтааст
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
